ସରକାରୀ ଚାକିରୀ ମୁହେଁମୁହେଁ ମନା କରିଦେଲେ ଅଲିମ୍ପିକ୍ସ ପଦକ ବିଜେତା ସରବଜୋତ ସିଂହ

ପ୍ୟାରିସ ଅଲିମ୍ପିକ୍ସରେ ବ୍ରୋଞ୍ଜ ଜିତିଥିବା ସରବଜୋତ ସିଂହ ଏବେ ଚର୍ଚ୍ଚାରେ। ସେ ଭାରତ ପାଇଁ ପଦକ ଜିତିଥିବାରୁ ତାଙ୍କ ପାଖକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି। ଏଥିସହ ତାଙ୍କ ବିଭିନ୍ନ ପ୍ରକାରର ଚାକିରି ଅଫର ମଧ୍ୟ ମିଳୁଛି। ଅଲିମ୍ପିକ୍ ପଦକ ବିଜେତା ସରବଜୋତ ସିଂ ହରିୟାଣା ସରକାରଙ୍କ ଚାକିରି ପ୍ରସ୍ତାବକୁ ପ୍ରତ୍ୟାଖ୍ୟାନ କରିଛନ୍ତି। ନିକଟରେ ହରିୟାଣା ମୁଖ୍ୟମନ୍ତ୍ରୀ ନୟାବ ସିଂ ସାଇନି କ୍ରୀଡ଼ା ବିଭାଗର ଡେପୁଟି ଡାଇରେକ୍ଟର ପଦରେ ସରବଜତ ସିଂଙ୍କୁ ଚାକିରି ଦେବା ବିଷୟରେ କହିଥିଲେ, କିନ୍ତୁ ସରବଜୋଟ ସରକାରୀ କାମ କରିବାକୁ ମନା କରି ଦେଇଛନ୍ତି।

ଅଲିମ୍ପିକ୍ ପଦକ ବିଜେତା ସରବଜୋତ ସିଂ ଗଣମାଧ୍ୟମ ସହ କଥାବାର୍ତ୍ତା ବେଳେ କହିଛନ୍ତି ଯେ ସେ ବର୍ତ୍ତମାନ ସରକାରୀ ଚାକିରୀ କରିବାକୁ ଚାହୁଁନାହାଁନ୍ତି। ତାଙ୍କ ପରିବାର ସଦସ୍ୟ ମଧ୍ୟ ତାଙ୍କୁ ଏକ କାମ କରିବାକୁ କହିଥିଲେ କିନ୍ତୁ ସେ ବର୍ତ୍ତମାନ କରିବାକୁ ଚାହୁଁନାହାଁନ୍ତି। ସେ କହିଛନ୍ତି ଯେ ବର୍ତ୍ତମାନ ସେ ଶୁଟିଂ ଖେଳ ପ୍ରତି ତାଙ୍କର ସମ୍ପୂର୍ଣ୍ଣ ଧ୍ୟାନ ଦେବାକୁ ଚାହୁଁଛନ୍ତି ଏବଂ ପରବର୍ତ୍ତୀ ଅଲିମ୍ପିକ୍ସରେ ଭାରତ ପାଇଁ ସ୍ୱର୍ଣ୍ଣ ପଦକ ପାଇବାକୁ ଚାହୁଁଛନ୍ତି।

ହରିୟାଣାରେ ଜନ୍ମିତ ୨୨ ବର୍ଷୀୟ ସରବଜୋତ ୧୦ ମିଟର ଏୟାର ପିସ୍ତଲ ମିକ୍ସଡ ଇଭେଣ୍ଟରେ ଦେଶ ପାଇଁ ବ୍ରୋଞ୍ଜ ପଦକ ଜିତିଛନ୍ତି। ତାଙ୍କ ସହ ଏହି ଇଭେଣ୍ଟରେ ମନୁ ଭାକର ରହିଥିଲେ। ଉଭୟ ମିଳିତ ଭାବେ ଦେଶ ପାଇଁ ଶୁଟିଂରେ ବ୍ରୋଞ୍ଜ ଜିତିଛନ୍ତି।
ବ୍ରୋଞ୍ଜ ପଦକ ଜିତିବା ପରେ ସରବଜୋତ ସ୍ବଦେଶ ଫେରିଛନ୍ତି। ଏସବୁ ଭିତରେ ହରିୟାଣ ସରକାର ତାଙ୍କୁ ଗୋଟିଏ ବଡ଼ ଚାକିରି ଅଫର କରିଛନ୍ତି। ତାଙ୍କୁ ସରକାର କ୍ରୀଡା ବିଭାଗର ଉପ ନିର୍ଦ୍ଦେଶକ ପଦ ଅଫର କରିଥିଲେ। ହେଲେ ଉକ୍ତ ଅଫରକୁ ବେଶ ବିନମ୍ରତାର ସହ ସରବଜୋତ ମନା କରିଦେଇଛନ୍ତି।