ଟ୍ରକକୁ ପିଟିଲା ସ୍କର୍ପିଓ ଚାଲିଗଲା ୨ ଜୀବନ
1 min read
ଭଦ୍ରକ ଏନଏଚ ୧୬ ନଳାଙ୍ଗ ସାଇ ମନ୍ଦିର ନିକଟରେ ଘଟିଛି ମର୍ମନ୍ତୁଦ ଦୁର୍ଘଟଣା । ରାସ୍ତାରେ ଛିଡା ହୋଇଥିବା ଟ୍ରକକୁ ପିଟିଲା ସ୍କର୍ପିଓ, ଚାଲିଗଲା ୨ଙ୍କ ଜୀବନ। ସ୍କର୍ପିଓ ଡ୍ରାଇଭରଙ୍କ ସହ ଜଣେ ମହିଳାଙ୍କର ମୃତ୍ୟୁ ଘଟିଛି। ଦୁର୍ଘଟଣାରେ ୪ଜଣ ଗୁରୁତର ହୋଇଥିବା ସୂଚନା ମିଳିଛି। ସ୍କର୍ପିଓଟି ପଶ୍ଚିମବଙ୍ଗରୁ ପୁରୀ ଆସୁଥିବାବେଳେ ଏଭଳି ଅଘଟଣ ଘଟିଛି। ପରେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
ତେବେ ପଶ୍ଚିମବଙ୍ଗ ରୁ ଏକ ସ୍କୋର୍ପିଓ ଯୋଗେ ୬ଜଣ ପୁରୀ ଅଭିମୁଖେ ଯାଉଥିବା ସମୟରେ ନଳାଙ୍ଗ ସାଇମନ୍ଦିର ନିକଟରେ ରାସ୍ତା କଡରେ ଠିଆ ହୋଇଥିବା ଏକ ଟ୍ରକକୁ ପଛରୁ ଧକ୍କା ଦେଇଥିଲା। ଦୁର୍ଘଟଣା ପରେ ସେଠାରୁ ଟ୍ରକଟି ଫେରାର ହୋଇଯାଇଥିଲା। ଦୁର୍ଘଟଣା ଏତେ ଭୟଙ୍କର ଥିବା ଯେ ଘଟଣା ସ୍ଥଳରେ ଡ୍ରାଇଭରର ଦୀର୍ଘ ସମୟ ଧରି ସ୍କୋର୍ପିଓ ଭିତରେ ଚାପି ହୋଇ ରହିଥିଲା ଡ୍ରାଇଭର। ଘଟଣା ସ୍ଥଳରେ ଡ୍ରାଇଭର ମୃତ୍ୟୁ ହୋଇଥିଲା ଵେଳେ ଅନ୍ୟ ଜଣେ ମହିଳାଙ୍କ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ମୃତ୍ୟୁ ହୋଇଛି। ଦୁଇଟି ୧୦୮ ଯୋଗେ ୪ଜଣଙ୍କୁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ୩ଜଣ ଗୁରୁତର ଭଦ୍ରକ ମୁଖ୍ୟ ଚିକିତ୍ସାଳୟରୁ କଟକ ସ୍ଥାନାନ୍ତରିତ ହୋଇନ୍ତି। ଅନ୍ୟ ଜଣେ ଆହତ ଭଦ୍ରକ ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି।
