କୋରାପୁଟ ଏସଓଜିକୁ ସଫଳତା, ବିପୁଳ ପରିମାଣର ମାଓ ସାମଗ୍ରୀ ଓ ବିସ୍ଫୋରକ ଜବତ…
1 min read
କୋରାପୁଟ: କୋରାପୁଟ ଏସଓଜିକୁ ମଳିଲା ବଡ ସଫଳତା । ମାଟି ତଳୁ ବିପୁଳ ପରିମାଣରେ ଜବତ ହେଲା ବିଭିନ୍ନ ମାରଣାସ୍ତ୍ର ସହ ମାଓ ସାମଗ୍ରୀ । ଗତକାଲି କୋରାପୁଟ ଜିଲ୍ଲା ମାଛକୁଣ୍ଡ ଥାନା ଅନ୍ତର୍ଗତ ଓଡ଼ିଶା ଆନ୍ଧ୍ର ସୀମାନ୍ତ ଓ ଗୁମୁଡାପୁଟ ଜଙ୍ଗଲରେ ସର୍ଜ ଅପରେସନ କରୁଥିବା ସମୟରେ ଏସଓଜି ଯବାନ ମାନେ ମାଟି ତଳେ ପୋତା ହୋଇଥିବା ମାଓ ସାମଗ୍ରୀ ଓ ବିସ୍ପୋରକ ଜବତ କରିଥିବା ଜଣାପଡିଛି । ଜବତ ସାମଗ୍ରୀରେ ଗୋଟିଏ ପିସ୍ତଲ,୧୪ ଟି ଜୀବନ୍ତ ଗୁଳି,୨ଟି ଖାଲି ଗୁଳିର ଖୋଳ, ୭ କିଲୋର ୮ ଟି ଟିଫିନ ବୋମା,୩ କିଲୋର ୯ ଟି ଟିଫିନ ବୋମା,୫୦ ମିଟର ତାର, ଦୁଇଟି ଡେଟୋନେଟର , ଗୋଟିଏ ଷ୍ଟିଲ ହାଣ୍ଡି ରହିଥିବା କୋରାପୁଟ ଏସପି ଅଭିନବ ସୋନକାର ଏକ ପ୍ରେସ ଇସ୍ତାହାରରେ ସୂଚନା ଦେଇଛନ୍ତି ।ଏହା ଆନ୍ଧ୍ର ଓଡ଼ିଶା ସ୍ୱତନ୍ତ୍ର ଜୋନାଲ କମିଟି ପକ୍ଷରୁ ଗଚ୍ଛିତ ରଖାଯାଇଥିବା ପୋଲିସ ସନ୍ଦେହ କରୁଛି । ମାଓ ସାମଗ୍ରୀ ଓ ବିସ୍ପୋରକ ଜବତ ହେବା ପରେ ଜଙ୍ଗଲରେ କୁମ୍ବିଂ ଓ ସର୍ଚ୍ଚ ଅପରେସନ ଜାରି ରହିବ ବୋଲି କୋରାପୁଟ ଏସପି ଶ୍ରୀ ସୋନକାର ସୂଚନା ଦେଇଛନ୍ତି ।
Advertisement
