ଚୋରା ଚାଲାଣ କରୁଥିଲେ…..ଧରିଲା ବନ ବିଭାଗ, ଜବତ ହେଲା ଲକ୍ଷାଧିକ ଟଙ୍କାର ଶାଗୁଆନ କାଠ

1 min read

9 months ago Niyati Das

ବଢ଼ିବାରରେ ଲାଗିଛି ଚୋରା ଚାଲାଣ | କେତେବେଳେ ଡ୍ରଗ୍ସ ତା କେତେବେଳେ ଗଞ୍ଜେଇ ଏବେ ସାମ୍ନାକୁ ଆସିଛି ଶାଗୁଆନ କାଠର ଚୋରା ଚାଲାଣ | ଉଦଳାରୁ ଜବତ ହେଲା ଲକ୍ଷାଧିକ ଟଙ୍କାର ଶାଗୁଆନ କାଠ। ବନବିଭାଗ କାଠ ବୋଝେଇ ଗାଡି ଜବତ କରିଥିବା ନେଇ ସୂଚନା ମିଳିଛି | ଜବତ କରିଥିବା ବେଳେ ଘଟଣାସ୍ଥଳରୁ ଫେରାର ହୋଇଯାଇଥିଲା ଡ୍ରାଇଭର। ଉଦଳା ବନ ବିଭାଗ ସ୍ଥାନୀୟ ଦୁଗୁଧା ଗ୍ରାମ ନିକଟରେ ଚଢ଼ାଉ କରିଥିବା ବେଳେ ଚୋରା ଚାଲାଣ ହେଉଥିବା ଟାଟା ଏସି ଗାଡିକୁ ଜବତ କରିଥିଲା । ବନ ବିଭାଗକୁ ଦେଖିବା ମାତ୍ରେ ଗାଡି ଛାଡି ଫେରାର ହୋଇଥିଲା ଗାଡ଼ି ଚାଲାକ | ତେବେ ବନ ବିଭାଗ କେବଳ କାଠ ଭର୍ତ୍ତି ଗାଡିକୁ ଜବତ କରିଥିଲା। ଜବତ ଟାଟା ଏସି ଗାଡିରେ ୫୦ ପିସ ମୂଲ୍ୟବାନ ଶାଗୁଆନ କାଠ ରହିଥିଲା | ଜବତ କାଠର ଆନୁମାନିକ ମୂଲ୍ୟ ଏକ ଲକ୍ଷ ଟଙ୍କାରୁ ଅଧିକ ହେବ ବୋଲି କହିଥିଲା ବନ ବିଭାଗ। କାଠ ଗୁଡିକ କୁଣ୍ଡାବାଇ ଅଞ୍ଚଳରୁ ଉଦଳା ଅଞ୍ଚଳକୁ ଆସୁଥିବାବେଳେ ଖବର ପାଇ ବନ ବିଭାଗ ଉକ୍ତ ଗାଡିକୁ ଜବତ କରିବାରେ ସଫଳ ହୋଇଥିଲା।