ପୁଣି ଓଡ଼ିଶା ଆସୁଛନ୍ତି ଶାହ; ୪ଟି ସ୍ଥାନରେ ବିଜେପି ପାର୍ଥୀଙ୍କ ପାଇଁ କରିବେ ମାରାଥନ ପ୍ରଚାର

ଆଜି ଓଡ଼ିଶା ଆସିବେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ। ଟି ସ୍ଥାନରେ ଶାହ କରିବେ ପ୍ରଚାର | ସମ୍ବଲପୁର, କେନ୍ଦୁଝର, ଢେଙ୍କାନାଳ ପରେ ନୟାଗଡ଼ ରେ କରିବେ ପ୍ରଚାର | ପ୍ରଥମେ ସମ୍ବଲପୁରରେ କରିବେ ପ୍ରଚାର | ଦିନ ସାଢେ ୧୧ଟାରେ ସମ୍ବଲପୁର ଯାଇ ରେମେଡ ଗ୍ରାଉଣ୍ଡରେ ଆୟୋଜିତ ବିରାଟ ଜନସଭାକୁ ସମ୍ବୋଧନ କରିବେ। ସେହି ଜନସଭାରେ ଅମିତ ଶାହ ସହ ରାଜ୍ୟ ସଭାପତି ମନମୋହନ ସାମଲ, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା, ସାଂସଦ ପ୍ରତାପ ଷଡ଼ଙ୍ଗୀ, ଅପରାଜିତା ଷଡ଼ଙ୍ଗୀ ଓ ସମ୍ବଲପୁର ବିଧାୟକ ପ୍ରାର୍ଥୀ ଜୟନାରାୟଣ ମିଶ୍ର ଉପସ୍ଥିତ ରହିବେ।

ସମ୍ବଲପୁର ସଭାରେ କାର୍ଯ୍ୟକ୍ରମ ସରିବା ପରେ କେନ୍ଦୁଝରରେ ମେଡିକାଲ ଗ୍ରାଉଣ୍ଡରେ ଆୟୋଜିତ ବିରାଟ ଜନସଭା କାର୍ଯ୍ୟକ୍ରମ ଯୋଗ ଦେବେ ଅମିତ ଶାହ | ପରେ ସେଠାରୁ ଢେଙ୍କାନାଳରେ ଜନସଭାରେ ଯୋଗ ଦେବା ସହ ଭୋଟ ପାଇଁ ନିବେଦନ କରିବେ। ପରେ ଶେଷରେ ନୟାଗଡ଼ ଯିବେ | ସେଠାରେ ଲୋକଙ୍କୁ ସମ୍ବୋଧନ କରିବା ସହ ନିଜ ପ୍ରାର୍ଥୀଙ୍କ ପାଇଁ ଭୋଟ ମାଗିବେ।

Advertisement