ତାପସୀଙ୍କ ପ୍ରେମରେ ପଡିଲେ କିଙ୍ଗ ଅଫ ରୋମାନ୍ସ ଶାହାରୁଖ , ଆସିଲା ଫିଲ୍ମ ଡଙ୍କିର ପ୍ରଥମ ଗୀତ..
1 min read
୨୦୨୩ ମସିହାରେ ଶାହାରୁଖ ଖାନ୍ ତାଙ୍କର ତୃତୀୟ ବିସ୍ଫୋରଣ ପାଇଁ ପ୍ରସ୍ତୁତ ହେଉଛନ୍ତି। ଆଗାମୀ ଫିଲ୍ମ ଡଙ୍କି ଚଳିତବର୍ଷ ଶେଷରେ ମୁକ୍ତିଲାଭ କରିବାକୁ ଯାଉଛି । ଶାହାରୁଖ ଜନ୍ମଦିନରେ ଫିଲ୍ମର ଡଙ୍କିର ପ୍ରଥମ ଫଟୋ ଏବଂ ଏକ ଛୋଟିଆ ଟିଜରକୁ ସେୟାର କରାଯାଇଥିଲା । ତେବେ ବର୍ତ୍ତମାନ ଫିଲ୍ମର ଏକ ଗୀତ ରିଲିଜ କରାଯାଇଛି। ଏହି ଗୀତରେ ଶାହରୁଖ ଖାନଙ୍କ ବିପକ୍ଷରେ ବଲିଉଡର ତଥା ସାଉଥର ଅଭିନେତ୍ରୀ ତାପସୀ ପନ୍ନୁ ନଜର ଆସିଛନ୍ତି। ଗୀତର ଟାଇଟଲ୍ ଲୁଟ୍ ଉପରେ ଏହା ରହିଛି । ଏହି ଗୀତରେ ଶାହାରୁଖ ଖାନ ତାପସୀ ପନ୍ନୁଙ୍କ ପ୍ରେମରେ ପଡି ପଛରେ ବୁଲୁଥିବାର ନଜର ଆସିଛନ୍ତି । ଶାହାରୁଖ ଖାନଙ୍କ ଦେଶୀ ଷ୍ଟାଇଲ୍ ରୋମାନ୍ସର ପ୍ରଶଂସକମାନେ ଏଥିରେ ଦେଖିବାକୁ ପାଇବେ।
ଅଭିନେତାଙ୍କୁ ସବୁବେଳେ ଭଳି ଏଥିରେ ମଧ୍ୟ ବିନ୍ଦାସ ଲୁକରେ ନଜର ଆସୁଛନ୍ତି । ଏହି ଗୀତରେ ତାପସୀ ସାଲୱାର ସୁଟରେ ଅଛନ୍ତି ଏବଂ ଶାହାରୁଖଙ୍କ ସହ ତାଭ୍କ କେମେଷ୍ଟ୍ରି ଜବରଦସ୍ତ ରହିଛି । ଗୀତରେ ଶାହାରୁଖ ଖାନଙ୍କ ଲୁକ୍ ତାଙ୍କ ଚଳଚ୍ଚିତ୍ର ଫ୍ୟାନ୍ ଏବଂ ଜିରୋ ସହିତ କିଛିମାତ୍ରାରେ ମେଳ ଖାଉଛି । ଏହାବ୍ୟତୀତ ଏହି ଗୀତରେ କଣ୍ଠ ଦାନ କରିଛନ୍ତି ପ୍ରିତମ ,ଅରିଜିତ ସିଂହ ।ଫିଲ୍ମରେ ଶାହରୁଖଙ୍କ ବିପକ୍ଷରେ ତାପସୀ ଅଛନ୍ତି । ଏହା ବ୍ୟତୀତ ସତୀଶ ଶାହା, ବିକି କୌଶଲ ଏବଂ ବୋମନ ଇରାନୀଙ୍କ ଭଳି ତାରକା ମଧ୍ୟ ଏଥିରେ ରହିଛନ୍ତି । ଏହାର ନିର୍ଦ୍ଦେଶନା ଦେଇଛନ୍ତି ରାଜକୁମାର ହିରାନୀ । ରାଜକୁମାର ସଫଳତାର ଗ୍ୟାରେଣ୍ଟି ଭାବରେ ବିବେଚନା କରାଯାଏ । ୨୦ ବର୍ଷର କ୍ୟାରିୟରରେ ରାଜକୁମାର ହିରାନୀ ସମସ୍ତ ହିଟ୍ ଫିଲ୍ମ ଦେଇଛନ୍ତି । ଏହି ଚଳଚ୍ଚିତ୍ରରୁ ମଧ୍ୟ ଅନେକ ଆଶା ଅଛି । ଏହି ଫିଲ୍ମ ୨୨ ଡିସେମ୍ବର ୨୦୨୩ ରେ ମୁକ୍ତିଲାଭ କରିବ ।
