ଜିତିଲା KKR ଇମୋସନାଲ ଶାହାରୁଖ ପରିବାର , ପତ୍ନୀ ସହ ଟ୍ରଫି ଧରି ୧୦ ବର୍ଷ ପୁରୁଣା ପୋଜ ରିକ୍ରିଏଟ କଲେ SRK ..
1 min read
ଦୀର୍ଘ ୧୦ବର୍ଷ ପରେ ହାତେଇଛି ବଲିଉଡ ବାଦଶାହା ଶାହାରୁଖ ଖାନଙ୍କ ଟିମ କୋଲକାତା ନାଇଟ୍ ରାଇଡର୍ସ । ଫାଇନାଲରେ ସନରାଇଜର୍ସ ହାଇଦ୍ରାବାଦ କୁ ୮ ୱିକେଟରେ ହରାଇ ଆଇପିଏଲ ୨୦୨୪ ଟ୍ରଫି ଜିତିଛି ।ଦଳର ଏହି ଐତିହାସିକ ବିଜୟ ପରେ ବଲିଉଡର କିଙ୍ଗ ଖାନ ଅର୍ଥାତ୍ ଶାହାରୁଖ ଖାନ ପାଦ ଆଉ ତଳେ ଲାଗୁ ନାହିଁ । ନିଜ ପରିବାର ସହ ଏହି ଖାସ ମୁହୁର୍ତ୍ତକୁ ସେଲିବ୍ରେଟ୍ କରିଥିଲେ କିଙ୍ଗ୍ ଖାନ । ଚେନ୍ନାଇରେ ଏହି ବିଜୟ ଉତ୍ସବ ପାଳନ କରିବାକୁ ଶାହାରୁଖ କେକେଆର ଖେଳାଳିଙ୍କ ସହ ପଡ଼ିଆରେ ନଜର ଆସିଥିଲେ ।ଶାହାରୁଖଙ୍କ ସହ ସାମିଲ ହୋଇଥିବା ବେଳେ ଟିମର ସଫଳତା ଦେଖି ଭାବବିହ୍ୱଳ ହୋଇଛନ୍ତି ବାଦଶାହାଙ୍କ ପୁରା ପରିବାର ।
View this post on InstagramAdvertisement
ଶାହରୁଖ ଖାନ ଏବଂ ତାଙ୍କ ଝିଅ ସୁହାନା ଏବଂ ପତ୍ନୀ ଗୌରୀ ଖାନଙ୍କ ମଧ୍ୟରେ ଏହି ଭାବପ୍ରବଣ ମୁହୂର୍ତ୍ତର ଭିଡିଓ ଏବଂ ଫଟୋ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।ଭାଇରାଲ ହୋଇଥିବା ଫଟୋରେ ଶାହାରୁଖ ଖାନ ଟ୍ରଫି ଧରି କେକେଆର ଖେଳାଳିଙ୍କ ସହ ପୋଜ୍ ଦେଉଥିବାର ନଜର ଆସୁଛନ୍ତି। ନିକଟରେ ଗରମ ଏବଂ ଡିହାଇଡ୍ରେସନ୍ କାରଣରୁ ଶାହାରୁଖ ଖାନଙ୍କୁ ଡାକ୍ତରଖାନାରେ ଭର୍ତ୍ତି କରିବାକୁ ପଡିଥିଲା। ଡାକ୍ତରଖାନାରୁ ଡିସଚାର୍ଜ ହେବା ପରେ କିଙ୍ଗ ଖାନ ସିଧା ନିଜ ଟିମକୁ ଉତ୍ସାହିତ କରିବା ପାଇଁ ଚେନ୍ନାଇରେ ପହଞ୍ଚିଥିଲେ ଏଥର ତାଙ୍କ ସହ ପତ୍ନୀ ଗୌରୀ ଖାନ ମଧ୍ୟ ନଜର ଆସିଥିଲେ । ତେବେ ସେହି ସମୟରେ ସେ ପତ୍ନୀ ଗୌରୀ ଖାନଙ୍କ ସହ ଟ୍ରଫି ଧରି ପୋଜ ଦେଇ ୧୦ ବର୍ଷ ପୁରୁଣା ମୁହୁର୍ତ୍ତ ମନେ ପକାଇଛନ୍ତି ।ଶାହାରୁଖଙ୍କ ଫ୍ୟାନ୍ କ୍ଲବ ଇନଷ୍ଟାଗ୍ରାମରେ ଶାହାରୁଖ ଖାନ ଏବଂ ଗୌରୀ ଖାନଙ୍କ ୧୦ ବର୍ଷ ପୁରୁଣା ଫଟୋ ପୋଷ୍ଟ କରିଛନ୍ତି ।
ଥ୍ରୋବ୍ୟାକ୍ ଫଟୋରେ ଶାହାରୁଖ ଏବଂ ଗୌରୀ ଆଇପିଏଲ୍ ବିଜେତା କପ୍ ସହ ପୋଜ୍ କରୁଥିବା ନଜର ଆସିଛନ୍ତି । ଫଟୋ ସେୟାର କରି ସେ କ୍ୟାପସନରେ ଲେଖିଛନ୍ତି, ‘ଟିମ ସହ ସମସ୍ତ ସଂଘର୍ଷ ଏବଂ ସେମାନେ କରିଥିବା କାର୍ଯ୍ୟ ପାଇଁ ଆଜି ସେମାନଙ୍କ ଯାତ୍ରା ସଫଳ ହୋଇଛି।’ ଯାହାର ଫଟୋ ବେଶ ଭାଇରାଲ ହେବା ପରେ ସମସ୍ତେ ଏହାକୁ ପସନ୍ଦ କରିବା ସହ ଟିମ ସହ ଶାହାରୁଖଙ୍କୁ ଶୁଭେଚ୍ଛା ଜଣାଇଛନ୍ତି ।
