ଶାହାରୁଖ ଖାନଙ୍କୁ ଧମକ ଦେଇଥିବା ଅଭିଯୁକ୍ତକୁ ଗିରଫକଲେ ପୋଲିସ…

1 min read

1 week ago Dipalini Mohanty

ବଲିଉଡ ର ବାଦଶାହା ଶାହାରୁଖ ଖାନଙ୍କୁ ମିଳିଥିଲା ହତ୍ୟା ଧମକ। ଏବେ ସେହି ଘଟଣାରେ ପୋଲିସ ନେଇଛି ବଡ଼ ପଦକ୍ଷେପ । ଧମକ ଦେଇଥିବା ବ୍ୟକ୍ତିଙ୍କୁ ପୁଲିସ ଗିରଫ କରିଛି ଶାହାରୁଖ ଖାନଙ୍କୁ ଧମକ ଦେଇଥିବା ବ୍ୟକ୍ତି ଫୈଜାନ ଖାନଙ୍କୁ ମୁମ୍ବାଇ ପୋଲିସ ଗିରଫ କରିଛି। ଆଜି ସକାଳେ ଫୈଜାନ ଖାନଙ୍କୁ ଗିରଫ କରାଯାଇଛି।

ବଲିଉଡର ସୁପରଷ୍ଟାର ଶାହାରୁଖ ଖାନଙ୍କୁ ଧମକ ଦେବା ମାମଲାରେ ଫୈଜାନ ଖାନଙ୍କୁ ଗିରଫ କରିବା ପାଇଁ ମୁମ୍ବାଇ ପୋଲିସ ସକାଳେ ରାୟପୁରରେ ପହଞ୍ଚିଥିଲା। ରିମାଣ୍ଡରେ ନେବା ପରେ ମୁମ୍ବାଇ ପୋଲିସ ତାଙ୍କୁ ଜିଲ୍ଲା କୋର୍ଟରେ ହାଜର କରିବ। ଏହା ପରେ ତାଙ୍କୁ ତୁରନ୍ତ ବାନ୍ଦ୍ରା ପୋଲିସ ଷ୍ଟେସନକୁ ନିଆଯିବ। ନିକଟରେ ଫୈଜାନ୍ ଖାନ୍ ସୂଚନା ଦେଇଥିଲେ ଯେ ସେ, ବାନ୍ଦ୍ରା ପୋଲିସ ଷ୍ଟେସନ ନିଜର ବିବୃତ୍ତି ଦେବାକୁ 14 ତାରିଖ ଦିନ ମୁମ୍ବାଇ ଆସିବେ। ତେବେ ଗତ ଦୁଇ ଦିନ ହେବ ତାଙ୍କୁ ଅନେକ ଧମକ ଦିଆଯାଉଥିଲା ଯେଉଁଥି ପାଇଁ ସେ ଅନଲାଇନ୍ ହାଜିର ହେବା ପାଇଁ ଆବେଦନ କରିଥିଲେ ହେଲେ ମୁମ୍ବାଇ ପୋଲିସ ଏହାକୁ ଗ୍ରହଣ କରି ନଥିଲା ।