ଶାହରୁଖଙ୍କ ଧମକ୍ ଦେଲେ ପ୍ରଶଂସକ ; କହିଲେ ଫ୍ୟାନ-୨ ପାଇଁ ପ୍ରସ୍ତୁତ ରୁହ !
1 min read
ନୂଆଦିଲ୍ଲୀ : ସତ ହେଲା ସାହରୁଖଙ୍କ ଫ୍ୟନ୍ ଫିଲ୍ମର କାହାନୀ । କିଙ୍ଗ୍ଖାନଙ୍କୁ ଧମକ ଦେଲେ ତାଙ୍କ ପ୍ରଶଂସକ । ବଲିଉଡ ସୁପରଷ୍ଟାର ଶାହାରୁଖ ଖାନ ଫିଲ୍ମ‘ପଠାନ’କୁ ନେଇ ଚର୍ଚ୍ଚାରେ ଅଛନ୍ତି । ବକ୍ସ ଅଫିସରେ ‘ପଠାନ’ ଧମାକାଦାର ରେକର୍ଡ କରୁଛି । ଇତି ମଧ୍ୟରେ ଭାଲେଂଟାଇନ୍ ଡେ’ ଅବସରରେ କିଙ୍ଗ୍ଖାନ ସୋସିଆଲ ମିଡିଆ ପ୍ଲାଟଫର୍ମ ଟୁଇଟ୍ରରେ ତାଙ୍କ ପ୍ରଶଂସକଙ୍କ ପାଇଁ ଏକ ଆସ୍କ ଏସ୍ଆରକେ ସେସନ ରଖିଛନ୍ତି ।
ଯେଉଁଥିରେ ଶାହାରୁଖ ତାଙ୍କ ପ୍ରଶଂସକଙ୍କ ପ୍ରଶ୍ନର ଉତର ଦେଉଥିବାର ନଜର ଆସିଛନ୍ତି । ଏହି ସମୟ ମଧ୍ୟରେ ଶାହାରୁଖ ଖାନଙ୍କ ଜଣେ ପ୍ରଶଂସକ ଅଭିନେତାଙ୍କୁ ଧମକ ଦେଇଛନ୍ତି । ଯାହାକୁ ଶାହାରୁଖ ଖାନ ନିଜ ଶୈଳୀରେ ଉତର ଦେଇଛନ୍ତି । ପ୍ରଶଂସକ ପ୍ରଶ୍ନ ପଚାରିଥିଲେ, ସାର, ଏଥର ଯଦି ରିପ୍ଲାଏ ନ ଆସିଲା, ତେବେ ଆପଣଙ୍କୁ ଫ୍ୟାନ ୨ କରିବାକୁ ପଡିବ । ଏହା ଉପରେ ଶାହରୁଖ ଖାନ ବିଳମ୍ବ ନକରି ଉତର ଦେଇ କହିଛନ୍ତି, ମୁଁ କୌଣସି ପ୍ରକାରେ ଫ୍ୟାନ ୨ କରିବି ନାହିଁ, ତୁମେ ଯାହା କରୁଛ କର । ଏହିପରି କିଙ୍ଗ ୍ଖାନ ଏହି ଧମକପୂର୍ଣ୍ଣ ପ୍ରଶଂସକଙ୍କୁ ନିରାଶ ନକରି ନିଜ ଶୈଳୀରେ ପ୍ରତିକ୍ରିୟା ଦେଇଛନ୍ତି । ୨୦୧୬ରେ ମୁକ୍ତିଲାଭ କରିଥିବା ଶାହାରୁଖ ଖାନଙ୍କ ଫିଲ୍ମ ‘ଫ୍ୟାନ’ରେ ଗୌରବ ନାମକ ଜଣେ ପ୍ରଶଂସକଙ୍କ କାହାଣୀକୁ ଦର୍ଶାଯାଇଛି, ଯିଏ ଏକ ସମୟରେ ସମସ୍ତ ସୀମା ଅତିକ୍ରମ କରି ସୁପରଷ୍ଟାରଙ୍କ ଜୀବନ ଅନୁସରଣ କରନ୍ତି ।
ଯଦିଓ ଶାହାରୁଖଙ୍କ ଫିଲ୍ମ ବକ୍ସ ଅଫିସରେ କିଛି ଆଶ୍ଚର୍ଯ୍ୟଜନକ ପ୍ରଦର୍ଶନ କରିପାରି ନଥିଲା ଏବଂ ପରେ ଫ୍ଲପ ବୋଲି ପ୍ରମାଣିତ ହୋଇଥିଲା ।
