ବଲିଉଡ୍ରେ ଏଣ୍ଟ୍ରି କରିବେ ସୈଫ୍ଙ୍କ ବଡେ ମିଆଁ ଇବ୍ରାହିମ୍ , ହାତରେ ରହିଛି ଗୋଟେ ପରେ ଗୋଟେ ବଡ ଅଫର୍
1 min read
ନୂଆଦିଲ୍ଲୀ : ବଲିଉଡ୍ର ଚକଲେଟ୍ ହିରୋ ସୈଫ୍ ଅଲିଖାନଙ୍କ ପୁଅ ଇବ୍ରାହିମ୍ ଏବେ ବଲିଉଡ୍ରେ ଏଣ୍ଟ୍ରି କରିବାକୁ ଯାଉଛନ୍ତି । ତେବେ ବଲିଉଡ୍ର ଷ୍ଟାର କିଡ୍ ମାନଙ୍କୁ ନେଇ ସବୁବେଳେ କିଛି ନୂଆ ଏକ୍ସପେରିମେଣ୍ଟ କରୁଥିବା ନିର୍ଦ୍ଦେଶକ କରନ ଜୋହର ଏବେ ଆଉ ଏକ ନୂଆ ଚେହେରାକୁ ଲଞ୍ଚ କରିବାକୁ ଯାଉଛନ୍ତି । ବର୍ତ୍ତମାନ ଏହି ଖବର ବଲିଉଡ୍ରେ ହଇଚଇ ମଚେଇ ଦେଇଛି। କରଣଙ୍କ ବ୍ୟାନର ଧର୍ମା ପ୍ରଡକ୍ସନ୍ସରେ ନିର୍ମିତ ଏକ ଫିଲ୍ମ ସହିତ ଇବ୍ରାହିମ ବଲିଉଡରେ ଡେବ୍ୟୁ କରିବେ ।
ବର୍ତ୍ତମାନ ଇବ୍ରାହିମ କରଣଙ୍କୁ ତାଙ୍କର ଆଗାମୀ ଚଳଚ୍ଚିତ୍ର ରକି ଅର ରାନୀ କି ପ୍ରେମ କାହାନୀରେ ସାହାଯ୍ୟ କରୁଛନ୍ତି। ଏଠାରୁ ହିଁ ତାଙ୍କ ବଲିଉଡରେ ପ୍ରବେଶ ବିଷୟରେ କଳ୍ପନାଜଳ୍ପନା କରାଯାଇଥିଲା। ତେବେ ଜୁମ୍ ଟିଭିର ରିପୋର୍ଟ ଇବ୍ରାହିମଙ୍କ ଆଗାମୀ ଫିଲ୍ମରେ ବଲିଉଡ ଅଭିନେତା ବୋମାନ ଇରାନୀଙ୍କ ପୁଅ କାୟୋଜ ଇରାନୀ ନିର୍ଦ୍ଦେଶନା ଦେବେ। ଏହି ଚଳଚ୍ଚିତ୍ର ୨୦୨୩ରେ ବଡ ପରଦାକୁ ଆସିବ। ଶୁଣିବାକୁ ମିଳୁଛି ଯେ ଏହା ଏକ ବଡ ବଜେଟ୍ର ଫିଲ୍ମ ଅଟେ ।
ତେବେ ସୈଫ୍ଙ୍କ ପୁଅ ଛଡା କରଣ କିଙ୍ଗ୍ ଖାନଙ୍କ ପୁଅ ଆର୍ଯ୍ୟନଙ୍କୁ ମଧ୍ୟ ଲଞ୍ଚ କରିବାକୁ ଅନେକ ତର ପ୍ରସ୍ତାବ ଦେଇଛନ୍ତି । କିନ୍ତୁ ଆର୍ଯ୍ୟନ ଅଭିନୟ ଜଗତରୁ ସମ୍ପୁର୍ଣ୍ଣ ଦୂରେଇ ରହିବାକୁ ଚାହୁଛନ୍ତି । ସେ କରଣଙ୍କ ପ୍ରସ୍ତାବକୁ ମୂଳରୁ ଏଡାଇ ଦେଇଛନ୍ତି । ଆର୍ଯ୍ୟନଙ୍କ ଏପରି ନିଷ୍ପତ୍ତିରେ ବାପା ସାହରୁଖ ମଧ୍ୟ କିଛି ପ୍ରତିକ୍ରିୟା ପ୍ରକାଶ କରିନାହାନ୍ତି ।
