ସିଡ୍ଙ୍କ ଭୁଲୁଛନ୍ତି ସେହେନାଜ୍ ଗିଲ୍ : ଏହି ସିଙ୍ଗରଙ୍କ ସହ ଭାଇରାଲ୍ ହେଉଛି ଭିଡିଓ
1 min read
ନୂଆଦିଲ୍ଲୀ : ବିଗ୍ ବସ ୧୫ ରେ ନିଜ ଜବରଦସ୍ତ ପରଫୋମାନ୍ସ ସହ ଲକ୍ଷ ଲକ୍ଷ ଦର୍ଶକଙ୍କ ମନ ଜିତିଥିଲେ ପଞ୍ଜାବୀ କୁଡି ସେହେନାଜ୍ ଗିଲ୍ । ଏବେ ସାରା ଦେଶରେ ଖୁବ୍ ଲୋକପ୍ରିୟତା ହାସଲ କରିଚାଲିଛନ୍ତି ସେ । ବିଗବସ୍ ରେ ସିଦ୍ଧାର୍ଥ ଶୁକ୍ଳାଙ୍କ ସହ ତାଙ୍କ କେମେଷ୍ଟ୍ରିକୁ ପ୍ରଶଂସକମାନେ ଖୁବ୍ ପସନ୍ଦ କରିଥିଲେ । ବିଗବସରୁ ହିଂ ଆରମ୍ଭ ହୋଇଥିଲା ଦୁହିଁଙ୍କ ନିଆରା ପ୍ରେମ କାହାଣୀ । କିନ୍ତୁ ଏହା ଅଧିକ ଦିନ ଚାଲିପାରିନଥିଲା । ହଠାତ୍ ସେହେନାଜ୍ଙ୍କୁ ଏକା କରି ଛାଡି ଚାଲିଜାଇଥିଲେ ସିଡ୍ ।
ଦୀର୍ଘ ୧ ବର୍ଷ ପରେ ସେହେନାଜ୍ଙ୍କୁ ନିଜ ଜୀବନରେ ଆଗକୁ ବଢୁଥିବାର ଦେଖିବାକୁ ମିଳିଛି । ଯାହାକୁ ନେଇ ତାଙ୍କ ପ୍ରଶଂସକମାନେ ମଧ୍ୟ ବେଶ୍ ଖୁସି ଅଛନ୍ତି । ସିଡ୍ଙ୍କ ଯିବା ପରେ ସେହେନାଜଙ୍କ ଅବସ୍ଥା ଦେଖିବା ତାଙ୍କ ପ୍ରସଂସକମାନଙ୍କ ପାଇଁ କଷ୍ଟକର ହୋଇପଡିଥିଲା । କିନ୍ତୁ ଆମ ଷ୍ଟ୍ରଙ୍ଗ ଗର୍ଲ ସେହେନାଜ୍ ଏବେ ତାଙ୍କ ଜୀବନର ଏକ ନୂଆ ଆରମ୍ଭ କରୁଥିବାର ନଜର ଆସୁଛନ୍ତି । ଯାହା ଏକ ଭାଇରାଲ ହେଉଥିବା ଭିଡିଓରୁ ଜଣାପଡୁଛି ।
ନିକଟରେ ଏକ ଦିୱାଲି ପାର୍ଟିର ଭିଡିଓ ଖୁବ୍ ଭାଇରାଲ ହେବାରେ ଲାଗିଛ ିା ଯେଉଁଥିରେ ସେହେନାଜ୍ ଏକ ଷ୍ଟାଇଲିଷ୍ଟ ଲେହେଙ୍ଗାରେ ନଜର ଆସୁଛନ୍ତି । ଏବଂ ସବୁଠୁ ବଡ କଥା ସିଡଙ୍କ ମୃତ୍ୟୁ ପରେ ସେହେନାଜଙ୍କ ମୁହଁରୁ ହଜିଯାଇଥିବା ସେଇ ବିନ୍ଦାସ ହସଟି ପୁଣି ଫେରିଆସୁଥିବାର ଦେଖିବାକୁ ମିଳିଛି । ପାର୍ଟିରେ ସେହେନାଜ୍ ବଲିଉଡ୍ ଫେମସ୍ ସିଙ୍ଗର ଗୁରୁ ରାନ୍ଧୱାଙ୍କ ସହ ରୋମାଣ୍ଟିକ୍ ଡ୍ୟାନ୍ସ କରୁଥିବାର ନଜର ଆସୁଛନ୍ତି । ଦୁହେଁ ଭାଇରାଲ ହେଉଥିବା ଭିଡିଓରେ ଖୁବ୍ ଖୁସି ଥିବା ଜଣାପଡୁଛି ।
ତେବେ ସେହେନାଜ୍ଙ୍କ ପ୍ରଶଂସକ ଏହି ଭିଡିଓକୁ ଦେଖିବା ପରେ ,ସେ ଦୁହିଁଙ୍କୁ ମଧ୍ୟରେ କିଛି କେମେଷ୍ଟ୍ରି ଚାଲିଥିବାର କଳ୍ପାନ ଜଳ୍ପନା ଚଲାଇଛନ୍ତି । ଶେହନାଜ ଏବଂ ଗୁରୁ ରନ୍ଧୱାଙ୍କର ଏହି ଭିଡିଓ ଉପରେ କମେଣ୍ଟ ଦେଇ କିଛି ୟୁଜର୍ସ ଲେଖିଛନ୍ତି, ‘ଯେତେବେଳେ ଦୁଇ ପଞ୍ଜାବୀ ଏକାଠି ହୁଅନ୍ତି, ସେତେବେଳେ ଧମାଲ ହୁଏ’। ଆଉ ଜଣେ ଲେଖିଛନ୍ତି, ‘ଶେହନାଜ ଏବଂ ଗୁରୁ ଏକାଠି ସୁନ୍ଦର ଦେଖାଯାଉଛନ୍ତି। ଯଦି କେମେଷ୍ଟ୍ରି ଦେଖାଇବ ତ ଏମିତି। କିନ୍ତୁ ଏହା କେତେଦୂର ସତ ତାହା ଆଗକୁ ହିଂ ଜଣାପଡିବ ।
