ନରେନ୍ଦ୍ର ମୋଦିଙ୍କୁ ପ୍ରଶଂସାରେ ପୋତି ପକାଇଲେ ଶେଖ ହାସିନାଙ୍କ ପୁଅ , କହିଲେ ଆପଣଙ୍କ ପାଖରେ ମୁଁ ସବୁବେଳେ ଋଣୀ ..
1 min read
ନରେନ୍ଦ୍ର ମୋଦିଙ୍କୁ ହୃଦୟରୁ ପ୍ରଶଂସା କଲେ ଶେଖ ହାସିନାଙ୍କ ପୁଅ ସଜିବ ୱାଜେଡ ଆନନ୍ଦ । ଆମେରିକାର ୱାଶିଂଟନ୍ ଡିସିରୁ ଏକ ଭିଡିଓ ଜାରି କରିଛନ୍ତି ସଜିବ ୱାଜେଡ ଆନନ୍ଦ । ସେହି ଭୀଡିଓରେ ପ୍ରଧାନମନ୍ତ୍ରୀ ମୋଦିଙ୍କୁ ପ୍ରଶଂସା କରୁଥିବା ଦେଖିବାକୁ ମିଳିଛି। ଭିଡିଓ ବାର୍ତ୍ତାରେ ଶେଖ ହାସିନାଙ୍କ ପୁଅ ସାଜିବ ୱାଜେଡ ଆନନ୍ଦ କହିଛନ୍ତି ଯେ, ମୋର ମା’ (ଶେଖ ହସିନା)ଙ୍କ ଜୀବନ ବଞ୍ଚାଇବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କ ତୁରନ୍ତ ପଦକ୍ଷେପ ପାଇଁ ମୋର ବ୍ୟକ୍ତିଗତ କୃତଜ୍ଞତା ରହିଛି। ମୁଁ ତାଙ୍କ ପାଖରେ ସର୍ବଦା କୃତଜ୍ଞ କରିବି। ସେ କହିଛନ୍ତି, ମୋର ଦ୍ୱିତୀୟ ବାର୍ତ୍ତା ହେଉଛି ଭାରତ ବିଶ୍ୱରେ ଏକ ଅଗ୍ରଣୀ ଭୂମିକା ଗ୍ରହଣ କରିବା ଉଚିତ୍ ଏବଂ ଅନ୍ୟ ବିଦେଶୀ ଶକ୍ତିମାନଙ୍କୁ ପରିସ୍ଥିତିକୁ ନିୟନ୍ତ୍ରଣ କରିବାକୁ ଦିଅନ୍ତୁ ନାହିଁ ।
ଆନନ୍ଦ କହିଛନ୍ତି ଯେ, ବାଂଲାଦେଶ ଭାରତର ପଡୋଶୀ ଦେଶ। ଏହା ହେଉଛି ଭାରତର ପୂର୍ବ ଭାଗ। ଆମ ସରକାର ବାଂଲାଦେଶରେ ଶାନ୍ତି ବଜାୟ ରଖିଥିଲେ। ଏହା ଏକ ପ୍ରମାଣିତ ଟ୍ରାକ ରେକର୍ଡ ଯେ ବାଂଲାଦେଶରେ ଶେଖ ହାସିନାଙ୍କ ସରକାର ଶାନ୍ତି ବଜାୟ ରଖିଛନ୍ତି ବୋଲି କେହି ଅସ୍ବୀକାର କରିପାରିବେ ନାହିଁ। ଅର୍ଥନୈତିକ ବିକାଶ ବଜାୟ ରଖିବା ଏବଂ ଦେଶରେ ବଢୁଥିବା ଉଗ୍ରବାଦକୁ ମଧ୍ୟ ବନ୍ଦ କରିଛନ୍ତି। ଆମେ ଏକମାତ୍ର ସରକାର। ଯେଉଁଥିରେ ପ୍ରମାଣ ହୋଇଛି ଯେ ଆମେ ଏହା କରିପାରିବା। ଅନ୍ୟ ସରକାର ଚେଷ୍ଟା କରିଛନ୍ତି। ସେମାନେ ବିଫଳ ହୋଇଛନ୍ତି। ଏହାସହ ଶେଖ ହସିନା କେଉଁଠି ରହିବେ ସେନେଇ ତାହାର ମଧ୍ୟ ଜବାବ ଦେଇଛନ୍ତି ସାଜୀବ ।କହିଛନ୍ତି ଯେ, ତାଙ୍କ ମାଆ କୌଣସି ଦେଶରେ ଶରଣ ପାଇଁ ଆବେଦନ କରିନାହାନ୍ତି । ଏହାକୁ ନେଇ ପ୍ରସାର ହେଉଥିବା ଖବର ସମ୍ପୂର୍ଣ୍ଣ ଗୁଜବ ।ଏହା ସହ ସେ ବାଂଲାଦେଶରେ ଘଟିଥିବା ହିଂସା କାଣ୍ଡ ପଛରେ ବେଦେଶୀ ହାତ ଥିବା କହିଛନ୍ତି ।
