ସିଦ୍ଧାର୍ଥ ଶୁକ୍ଳାଙ୍କ ପ୍ରଥମ ଶ୍ରାଦ୍ଧବାର୍ଷିକ ପାଳିଲେ ପରିବାର ଏବଂ ସେହେନାଜ୍
1 min read
ନୂଆଦିଲ୍ଲୀ : ଟେଲିଭିଜନ ଦୁନିଆର ବହୁ ଚର୍ଚ୍ଚିତ ନାଁ ସିଦ୍ଧାର୍ଥ ଶୁକ୍ଳା । ବିଗ୍ ବସ୍ ସିଜିନ ୧୩ରେ ନିଜର ଦମ୍ଦାର ପରଫୋମାନ୍ସରେ ଦର୍ଶକ ମାନଙ୍କ ମନ ଜିଣିନେଇଥିଲେ ସେ । ‘ବାଳିକାବଧୂ’ ସିରିଏଲ୍ରୁ ଲୋକପ୍ରିୟତା ହାସଲ କରିଥିବା ସିଦ୍ଧାର୍ଥ ‘ଦିଲ୍ ସେ ଦିଲ୍ ତକ , ବ୍ରୋକନ ବଟ୍ ବିୟୁଟିଫୁଲ ,ଖତୋରେକେ ଖିଲାଡି ସିଜିନ୍ ୭ ସହ ବରୁନ ଧାବନ ଙ୍କ ବିପକ୍ଷରେ ହମ୍ପଟି ଶର୍ମାକି ଦୁଲହନିଆରେ ମଧ୍ୟ ବେଶ୍ ପ୍ରଶନ୍ସା କମାଇଥିଲେ ।
ବିଗ୍ ବସ୍ ସିଜିନ ୧୩ ର ସମାପ୍ତି ପରେ ସେହେନାଜ୍ ଓ ସିଡ୍ଙ୍କ ଜୋଡି ଟେଲିଭିଜନ୍ ଦୁନିଆ ବେଶ୍ ହଲଚଲ ଖେଳାଇଦେଇଥିଲା । ଯାହାକୁ ନେଇ ଦୁହେଁ ଖୁବ୍ ଚର୍ଚ୍ଚାରେ ରହୁଥିଲେ । ରିଲସ୍ ଦୁନିଆ ଛଡା ଦୁହେଁ ରିଆଲିଟି ଦୁନିଆରେ ମଧ୍ୟ ପରସ୍ପରକୁ ନେଇ ସେତିକି ସିରିଅସ୍ ଥିଲେ ସିଡ୍ନାଜ୍ ।କିନ୍ତୁ ଭାଗ୍ୟର ଲେଖା କିଏ ବଦଳାଇ ପାରିବ । ସେପ୍ଟେମ୍ବର ୧ ତାରିଖ ସିଦ୍ଧାର୍ଥଙ୍କ ପରିବାର ଓ ସେହେନାଜ୍ଙ୍କ ପାଇଁ ଏକ ଅଭିଶାପର ଦିନ ଥିଲା । ପ୍ରତ୍ୟକଦିନ ଭଳି ସେଦିନ ବି ନିଜ ରୁମ୍ରେ ଶୋଇଥିଲେ ସିଦ୍ଧାର୍ଥ । ହଠାତ୍ ଛାତିରେ ଯନ୍ତ୍ରଣା ଅନୁଭବ କରିଥିଲେ କିନ୍ତୁ କାହାରିକୁ ଡାକି ପାରିନଥିଲେ । ପରିବାରଲୋକେ ଏହା ସକାଳୁ ଜାଣି ତାଙ୍କୁ ହସ୍ପିଟାଲ୍ ନେଇଯାଇଥିଲେ । ସେଠାରେ ହିଁ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ଡାକ୍ତରଙ୍କ କହିବା ଅନୁଯାୟୀ ତାଙ୍କୁ ହାର୍ଟଆଟାକ ଆସିଥିଲା ।
ତେବେ ଆଜିର ଦିନରେ ସିଦ୍ଧାର୍ଥ ତାଙ୍କ ମାଙ୍କୁ ଏକା କରି ଛାଡି ଚାଲିଯାଇଥିଲେ ।ମାତ୍ର ୪୦ବର୍ଷ ବୟସରେ ହିଁ ହୃଦଘାତର ଶିକାର ହୋଇଥିଲେ ସିଦ୍ଧାର୍ଥ । ତାଙ୍କ ମା ରୀତା ଶୁକ୍ଳା ଜଣେ ବ୍ରହ୍ମକୁମାରୀ ଦିକ୍ଷିତ ହୋଇଥିବାରୁ ପୁଅର ବର୍ଷିକୀ ସେ କିଛି ବ୍ରହ୍ମକୁମାରୀଙ୍କ ସହ ପାଳନ କରିଛନ୍ତି । ଏହି ଅବସରରେ ପରିବାରର କିଛି ଲୋକ , ନିକଟସ୍ଥ ବନ୍ଧୁ ମଧ୍ୟ ସେଠାରେ ଉପସ୍ଥିତ ଥିଲେ । ସିଦ୍ଧାର୍ଥଙ୍କ ଆତ୍ମାର ସଦଗତି ପାଇଁ ସଭିଏ ପାର୍ଥନା କରିଥିଲେ । ଏହାସହ ସେଠାରେ ପ୍ରସାଦର ମଧ୍ୟ ବ୍ୟବସ୍ଥା କରିଥିଲେ ରୀତା ।ତେବେ ସିଦ୍ଧାର୍ଥଙ୍କ ମୃତ୍ୟୁପରେ ତାଙ୍କ ମା ଏବେ ୨ ଝିଅଙ୍କ ପାଖରେ ରହୁଥିବା ସୂଚନା ମିଳୁଛି । ତେବେ ସିଡ୍କୁ ଏଯାଏଁ ବି ଭୁଲିପାରୁନାହାନ୍ତି ସେହେନାଜ୍ । ଆଜି ସିଦ୍ଧାର୍ଥଙ୍କ ଶ୍ରାଦ୍ଧ ବାର୍ଷିକ ଫଟୋକୁ ଶେହେନାଜ୍ ଗିଲ୍ ନିଜ ସୋଶିଆଲ ମିଡିଆରେ ପୋଷ୍ଟ କରିଥିବା ଦେଖିବାକୁ ମିଳିଛି ।
