କାର୍ତ୍ତିକ ମାସରେ ଅଲୌକିକ ଘଟଣା ,ମାଟିତଳୁ ଆବିର୍ଭାବ ହେଲେ ମହାଦେବ …
1 min read
ବୋରିଗୁମ୍ମା ନୂଆଗୁଡା ଗ୍ରାମରେ ମାଟି ଭିତରୁ ଆବିର୍ଭାବ ହେଲେ ମହାଦେବ ।କାର୍ତ୍ତିକ ମାସରେ ଏଭଳି ଅଲୌକିକ ଘଟଣା ଦେଖିବାକୁ ଭକ୍ତଙ୍କ ଭିଡ଼ ଲାଗିଛି।ସୂଚନାଅନୁଯାୟୀ ନୂଆଗୁଡା ଗ୍ରାମରେ ଏକ ବିରାଟ ବଟବୃକ୍ଷ କିଛି ମାସ ତଳେ ଆପେଆପେ ଲେଉଟି ପଡିଥିଲା।ସେହି ଗ୍ରାମର ସମୀର ନାମକ ଜଣେ ବ୍ୟକ୍ତି ମେଟାଲଡିଟେକ୍ଟିଭ ମେସିନରେ ମାଟିତଳେ ପରୀକ୍ଷା କରିବା ଯୋଗୁଁ ସେହି ସ୍ଥାନରେ ହାଇ ସିଗ୍ନାଲ ମିଳିଥିଲା।ପରେ ସେହିସ୍ଥାନରେ ଖୋଳିବା ବେଳେ ମାଟିଭିତରୁ ଶିବଲିଙ୍ଗ ଦେଖିବାକୁ ପାଇଥିଲେ।
ସଙ୍ଗେସଙ୍ଗେ ଗ୍ରାମବାସୀଙ୍କୁ ଖବର ଦେଇଥିଲେ ସମୀର।ଗ୍ରାମବାସୀ ମିଳିତ ଭାବେ ସେହିସ୍ଥାନରେ ପୂଜାର୍ଚ୍ଚନା ଆରମ୍ଭ କରିଥିଲେ।ଶିବଲିଙ୍ଗ ଆବିର୍ଭାବ ଖବର ପବନ ବେଗରେ ଚାରିଆଡେ ପ୍ରସାର ହେବାପରେ ନୂଆଗୁଡା ଗ୍ରାମ କୁ ଶିବଲିଙ୍ଗ ଦର୍ଶନ ପାଇଁ ଶ୍ରଦ୍ଧାଳୁ ଙ୍କ ଭିଡ଼ ଲାଗି ରହିଛି।ଆଜି କାର୍ତ୍ତିକ ମାସର ଶେଷ ସୋମବାର ହେଇଥିବା ଯୋଗୁଁ ଆଜିଠାରୁ ରୀତିନୀତି ଅନୁସାରେ ପୂଜାର୍ଚ୍ଚନା କରାଯିବ ବୋଲି କହିଛନ୍ତି ପୂଜକ।ବର୍ତ୍ତମାନ ଅସ୍ଥାୟୀ ଭାବେ ପୂଜାର୍ଚ୍ଚନା କରାଯିବା ପରେ ମନ୍ଦିର ନିର୍ମାଣକରାଯିବା ନେଇ ଗ୍ରାମବାସୀ କହିଛନ୍ତି।
