କଂଗ୍ରେସ ଦେଲା ଟିକେଟ ! ଏହି ଆସନରୁ ଲଢିବେ ସିଦ୍ଧୁ ମୁସୱୋଲାଙ୍କ ବାପା ..
1 min read
ଲୋକପ୍ରିୟ ପଞ୍ଜାବୀ ଗାୟକ ସିଦ୍ଧୁ ମୁସୱୋଲାଙ୍କ ବାପା ଏବେ ରାଜନୀତିରେ ପ୍ରବେଶ କରିବେ । ସେ କଂଗ୍ରେସ ଟିକେଟରୁ ନିର୍ବାଚନ ଲଢିବେ ବୋଲି ଚର୍ଚ୍ଚା ହେଉଛି । ତେବେ ପୂର୍ବରୁ ସେ ରାଜନୀତିରେ ପ୍ରବେଶ କରିବେ ନାହିଁ ବୋଲି ଅନେକ ଥର କହିଥିବା ବଲକୌର ସିଂ , ବର୍ତ୍ତମାନ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ପୁରାପୁରି ପ୍ରସ୍ତୁତ , ଏ ନେଇ କଂଗ୍ରେସ ନିଶ୍ଚିତ କରିଛି । କଂଗ୍ରେସ ତାଙ୍କୁ ବାଥୀଣ୍ଡା ଆସନରୁ ଟିକେଟ ଦେଇପାରେ ବୋଲି ଏବେ ସୂଚନାମିଳିଛି । ଦୁଇମାସ ପୂର୍ବେ ସିଦ୍ଧୁ ମୁସେୱାଲାଙ୍କ ପିତା ବଲକୌର ସିଂ ରାଜନୀତିରେ ଯୋଗଦେବା ନେଇ ଇଙ୍ଗିତ କରିଥିଲେ । ଆମେ କାହିଁକି ରାଜନୀତି କରିବୁ ନାହିଁ ବୋଲି ସେ କହି ଥିଲେ । ପୂର୍ବତନ ସିଏମ ବେଣ୍ଟ ସିଂଙ୍କ ହତ୍ୟାର ଉଦାହରଣ ଦେଇ ସେ କହିଛନ୍ତି ଯେ ସାଂସଦ ହେବା ପରେ ତାଙ୍କ ନାତି ହତ୍ୟାକାରୀଙ୍କୁ ଦଣ୍ଡିତ କରିଛନ୍ତି । ସେ ଯଦି ନ୍ୟାୟ ପାଇବା ପାଇଁ ଏହି ରାସ୍ତା ଆପଣାଇନ୍ତି ତେବେ କିଛି ଅସୁବିଧା ନାହିଁ । ରବନୀତ ସିଂ ବିଟୁଙ୍କ ଉଦାହରଣ ଦେଇ ବଲକୌର ସିଂ କହିଥିଲେ ଯେ ଯଦି ସେ ମଧ୍ୟ ନ୍ୟାୟ ପାଇଁ ଏହା କରନ୍ତି, ତେବେ ଏଥିରେ କିଛି ଭୁଲ୍ ନାହିଁ ।
ପଞ୍ଜାବ କଂଗ୍ରେସ ସଭାପତି ଅମରିନ୍ଦର ସିଂ ରାଜା ଭର୍ଡିଙ୍ଗ ଏହା ପୂର୍ବରୁ କହିଥିଲେ ଯେ ଯଦି ବଲକୌର ସିଂ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଚାହାଁନ୍ତି, ତେବେ କଂଗ୍ରେସ ତାଙ୍କୁ ଟିକେଟ ଦେବାକୁ ପ୍ରସ୍ତୁତ । ସିଦ୍ଧୁ ମୋସେୱାଲା ନିଜେ ୨୦୨୨ ରେ କଂଗ୍ରେସ ଟିକେଟରେ ପ୍ରତିଦ୍ୱନ୍ଦ୍ୱିତା କରିଥିଲେ , କିନ୍ତୁ ସେ ନିର୍ବାଚନରେ ପରାଜିତ ହୋଇଥିଲେ । ଯଦି କଂଗ୍ରେସ ଲୋକସଭା ନିର୍ବାଚନ ପାଇଁ ବାଥୀନାରୁ ବଲକୌର ସିଂଙ୍କୁ ଟିକେଟ ଦିଏ , ତେବେ ଏଠାରେ ପ୍ରତିଯୋଗିତା ଆକର୍ଷଣୀୟ ହେବ ।
