ସିନେପ୍ରେମୀଙ୍କ ପାଇଁ ଖୁସି ଖବର , ଖୁବଶୀଘ୍ର ଓଟିଟିରେ ରିଲିଜ୍ ହେବ ସିଙ୍ଘମ ଏଗେନ-ଭୁଲ ଭୁଲେୟା 3!
1 min read
ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ସିଙ୍ଘମ ଏଗେନ’ ଏବଂ ‘ଭୁଲ୍ ଭୁଲେୟା 3’ ଶେଷରେ ମୁକ୍ତିଲାଭ କରିଛି । ନଭେମ୍ବର 1 ରେ ଉଭୟ ଫିଲ୍ମ ଏକାସାଙ୍ଗେ ରିଲିଜ ହୋଇଥିଲା । ଉଭୟ ଚଳଚ୍ଚିତ୍ର ସିନେମା ଘରେ ଦର୍ଶକଙ୍କ ହୃଦୟ ଜିତି ଚହଳ ସୃଷ୍ଟି କରିଥିଲା । ଦୁଇଟି ଚଳଚ୍ଚିତ୍ର ବକ୍ସ ଅଫିସରେ ଭଲ ରୋଜଗାର କରିଥିଲା । ହେଲେ ସିଂଘମ ଏଗେନ୍ ର କଲେକ୍ସନ ରେ ଲାଗିଲା ବ୍ରେକ । ଧୀରେ ଧୀରେ କ୍ରେଜ୍ କମିବାରେ ଲାଗିଥିଲା । ହେଲେ ଆଜିବି ଲୋକଙ୍କ ମଧ୍ୟରେ ‘Bhool Bhulaiyaa 3’କୁ ନେଇ ଉତ୍ସାହ ଦେଖିବା ପାଇଁ ମିଳୁଛି । ଅଧିକାଂଶ ଲୋକ ଉଭୟ ଚଳଚ୍ଚିତ୍ରକୁ ପ୍ରେକ୍ଷାଳୟରେ ଦେଖିସାରିଛନ୍ତି ।
ହେଲେ କିଛି ଲୋକ ଏହି ସିନେମାର ଓଟିଟି ରିଲିଜକୁ ଅପେକ୍ଷା କରିଛନ୍ତି । ତେବେ ସେହି ଦର୍ଶକ ଙ୍କ ପାଇଁ ଖୁସି ଖବର ।ଖୁବଶୀଘ୍ର OTT ପ୍ଲାଟଫର୍ମରେ ରିଲିଜ୍ ହେବାକୁ ଯାଉଛି ଏହି ଦୁଇଟି ସିନେମା ।ଚଳଚ୍ଚିତ୍ର ନିର୍ମାତା ଏପର୍ଯ୍ୟନ୍ତ ଉଭୟ ଚଳଚ୍ଚିତ୍ରର ରିଲିଜ୍ ତାରିଖ ଘୋଷଣା କରିନାହାଁନ୍ତି କିମ୍ବା ଏହାର OTT ପ୍ଲାଟଫର୍ମ ବିଷୟରେ ମଧ୍ୟ ସୂଚନା ଦେଇ ନାହାଁନ୍ତି । ହେଲେ କିଛି ଗଣମାଧ୍ୟମରି ଖବର ପ୍ରକାଶ ପାଇଛି ଯେ ‘Bhool Bhulaiyaa 3’ ନେଟଫ୍ଲିକ୍ସରେ ମୁକ୍ତିଲାଭ କରିପାରେ ।
ଅଜୟ ଦେବଗାନଙ୍କ ସିଂଘମ ଏଗେନ୍ ପାର୍ଟ ୱାନ୍ ଯାହା 2011 ରେ ଆସିଥିବା ଏହା ଆମାଜନ ପ୍ରାଇମରେ ମୁକ୍ତିଲାଭ କରିଥିଲା, ପରେ ଏହାର ସିକ୍ୱେଲ ଜିଓ ସିନେମାରେ ମୁକ୍ତିଲାଭ କରିଥିଲା । ବର୍ତ୍ତମାନ ସିଂଘମ ଏଗେନ୍ ପ୍ରାଇମରେ ରିଲିଜ୍ ହୋଇପାରେ । ଯାହା ପରେ ଏହି ଫିଲ୍ମ ପ୍ରାଇମ ଭିଡିଓରେ ରିଲିଜ ହେବ ବୋଲି ଅନୁମାନ କରାଯାଉଛି। ହେଲେ ଏପର୍ଯ୍ୟନ୍ତ ନିର୍ମାତାଙ୍କ ମଧ୍ୟରୁ କୌଣସି ସୂଚନା ଜାରି କରାଯାଇ ନାହିଁ ।
