ମୁୁକ୍ତିଲାଭ ପାଇଲା ‘ସୀତା ରାମମ୍’ ର ହିନ୍ଦି ଟେଲର୍ : ଜାଣନ୍ତୁ କେଉଁ ଦିନ ମୁକ୍ତିଲାଭ କରିବ ସମ୍ପୂର୍ଣ୍ଣ ହିନ୍ଦି ଭର୍ଜନ
1 min read
ଭୁବନେଶ୍ୱର : ଦକ୍ଷିଣ ଭାରତୀୟ ଚଳଚିତ୍ର ପ୍ରେମୀଙ୍କ ଅପେକ୍ଷାର ଅନ୍ତ ଘଟିଛି । ସୁପରହିଟ୍ ଫିଲ୍ମ ସୀତା ରାମମ୍ ର ହିନ୍ଦି ଡବିଂ ସେପ୍ଟେମ୍ବର ୨ ରେ ବଡ ପରଦାରେ ମୁକ୍ତିଲାଭ କରିବାକୁ ଯାଉଛି । ଯାହାକୁ ନେଇ ଚଳଚିତ୍ର ପ୍ରେମୀ ମାନଙ୍କ ମନରେ ଉତ୍କଣ୍ଠା ଦେଖାଦେଇଛି । ଏବେ ଫିଲ୍ମ ଦୁନିଆରେ ସାଉଥ ଷ୍ଟାର ମାନଙ୍କ ଡିମାଣ୍ଡ ବଢିବା ସହ ଲୋକମାନେ ମଧ୍ୟ ଅଧିକାଂଶ ମାତ୍ରାରେ ସାଉଥ ଚଳଚିତ୍ର ଦେଖିବାକୁ ପସନ୍ଦ କରୁଛନ୍ତି । ନିକଟରେ ବଲିଉଡ୍କୁ ମାତ୍ ଦେଇ ଅନେକ ଆଗରେ ଟଲିଉଡ୍ ବା ତେଲଗୁ ଚଳଚିତ୍ର ।
ତେବେ ପୁଣି ନିଜ ଦର୍ଶକ ମାନଙ୍କ ମନକୁ କିଣିବାକୁ ଟଲିଉଡ୍ ନିଜର ଏକ ସୁପର ଡୁପର ହିଟ୍ ଚଳଚ୍ଚିତ୍ର ‘ସିତା ରାମମ୍’ କୁ ହିନ୍ଦି ପରଦାରେ ଆଣିବାକୁ ଯାଉଛି । ଏହି ଫିଲ୍ମ ଟି ୧୯୬୪ ମସିହାର ଏକ ଅନାଥ ଆର୍ମୀ ଅଫିସର ରାମ୍ ଙ୍କ କ୍ଲାସିକ୍ ପ୍ରେମ କାହାଣି ଉପରେ ପରିବେସିତ । ଯେଉଁଥିରେ ବର୍ଡର ସେପଟରୁ ସୀତା ମହାଲକ୍ଷ୍ମୀ ନାରେ ଚିଠି ଆସେ ରାମ୍ଙ୍କ ପାଖକୁ । ଏହାଭିତରେ ରାମ୍ ପଡିଯାଆନ୍ତି ସୀତାଙ୍କ ପ୍ରେମରେ । ତେବେ ଦେଖାବା ବାକି ରହିଲା କି ରାମ୍ଙ୍କୁ ତାଙ୍କ ସୀତା ମିଳୁଛନ୍ତି କିନାହିଁ ।
ସେହିପରି ଫିଲ୍ମଟି ତେଲଗୁ,ମାଲାୟଲମ୍ ଓ ତାମିଲ୍ ରେ ଦର୍ଶକମାନଙ୍କ ମନଜିଣିବା ସହ ସେମାନଙ୍କୁ ଅନେକ ମାତ୍ରାରେ ଭାବୁକ କରିଦେଇଛି । ଗତକାଲି ଏହାର ହିନ୍ଦି ଡବିଂ ବଡ ପରଦାରେ ଆସିବା ପରେ ଜଣା ପଡିବ ଏହା କେତେ ହଲଚଲ ମଚାଉଛି ।
ଏହି ଚଳଚିତ୍ରରେ ରାମ୍ଙ୍କ ଲିଡ୍ ରେ ଦକ୍ଷିଣ ଭାରତୀୟ ସୁପରଷ୍ଟାର ସଲମାନ ଥିବାବେଳେ ମେନ୍ ଲିଡ୍ରେ ମୃଣାଲ ଠାକୁର ଙ୍କ ସହ ରଶ୍ମିକା ମଣ୍ଡାନାଙ୍କୁ ମଧ୍ୟ ଦେଖିବାକୁ ମିଳିଛି ।
