ସଂସଦରେ ସରକାରଙ୍କ ଉପରେ ବର୍ଷିଲେ ରାହୁଲ , କଥା ଶୁଣି ମୁଣ୍ଡରେ ହାତଦେଲେ ନିର୍ମଳା ..
1 min read
ବିଜେପି ଉପରେ ବର୍ଷିଲେ କଂଗ୍ରେସ ଏମ୍ପି ତଥା ଲୋକ ସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀ। ସୋମବାର ସଂସଦରେ କେନ୍ଦ୍ର ସରକାରଙ୍କୁ କଡ଼ା ଆକ୍ରମଣ କରିଛନ୍ତି। ରାହୁଲ ଗାନ୍ଧୀ ତାଙ୍କ ସମ୍ବୋଧନ ସମୟରେ ଏକ ପୋଷ୍ଟର ଦେଖାଇବାକୁ ଚାହୁଁଥିଲେ, ଯାହା ଏକ ବଡ଼ ବିବାଦ ସୃଷ୍ଟି କରିଥିଲା । ରାହୁଲ ଗାନ୍ଧୀ କହିଛନ୍ତି, ବାଚସ୍ପତି ସାର୍, ମୁଁ ଆପଣଙ୍କ ଅନୁମତି ସହିତ ଏକ ପୋଷ୍ଟର ଦେଖାଇବାକୁ ଚାହୁଁଛି। ତେବେ ପୋଷ୍ଟର ଦେଖାଇବାକୁ ରାହୁଲ ଗାନ୍ଧୀଙ୍କ ଅନୁରୋଧକୁ ଲୋକ ସଭା ବାଚସ୍ପତି ଆପତ୍ତି କରିଛନ୍ତି। ଓମ ବିର୍ଲା କଠୋର ସ୍ବରରେ କହିଥିଲେ ଯେ ମୁଁ ଆପଣଙ୍କୁ ସଂସଦରେ ପୋଷ୍ଟର ଦେଖାଇବାକୁ ଅନୁମତି ଦେବି ନାହିଁ।
ଏହା ଏକ ଭୁଲ ପନ୍ଥା ଏବଂ ସଂସଦରେ ହୋଇପାରିବ ନାହିଁ। ରାହୁଲଙ୍କ ଏହି ଅନୁରୋଧକୁ ଭାଜପା ଏମ୍ପିମାନେ ମଧ୍ୟ ବିରୋଧ କରିଛନ୍ତି। ରାହୁଲ ଗାନ୍ଧୀ ବାଚସ୍ପତି ଓମ ବିର୍ଲାଙ୍କ ଆପତ୍ତି ପରେ ସଂସଦରେ ପୋଷ୍ଟର ଦେଖାଇ ନାହାଁନ୍ତି। ତେବେ ରାହୁଲ ଗାନ୍ଧୀଙ୍କ ହାତରେ ଥିବା ପୋଷ୍ଟର ସ୍ପଷ୍ଟ ଦେଖାଯାଉଥିଲା। ରାହୁଲ ଗାନ୍ଧୀ ତାଙ୍କ ହାତରେ ଧରିଥିବା ପୋଷ୍ଟରରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଦୃଶ୍ୟମାନ ହୋଉଥିଲେ ଏବଂ ଏହି ପୋଷ୍ଟର ହାଲୱା ସମାରୋହର ଥିଲା। କେନ୍ଦ୍ର ବଜେଟ ଉପସ୍ଥାପନ ପୂର୍ବରୁ ଏହି ଫଟୋ ଥିଲା। ତେବେ ପ୍ରତି ବର୍ଷ ବଜେଟ ଉପସ୍ଥାପନ ପୂର୍ବରୁ ହାଲୱା ସମାରୋହ ଅନୁଷ୍ଠିତ ହୋଇଥାଏ ।
