ପୁଣି ଓଡିଶାରେ ଟ୍ରେନ ଟ୍ରାଜେଡି ; ସିକନ୍ଦରାବାଦ୍-ଅଗରତାଲା ଏକ୍ସପ୍ରେସରେ ଧୁଆଁ ..

ବ୍ରହ୍ମପୁର : ପୁଣି ଓଡିଶାରେ ଟ୍ରେନ ଟ୍ରାଜେଡି । ଅଳ୍ପକେ ବର୍ତ୍ତିଳା ସିକନ୍ଦରାବାଦ୍-ଅଗରତାଲା ସୁପର ଫାଷ୍ଟ ଟ୍ରେନ । ସିକନ୍ଦରାବାଦ୍-ଅଗରତାଲା ଏକ୍ସପ୍ରେସ ବି-୫ ବଗିରେ ଧୂଆଁ ବାହାରୁଥିବା ଦେଖି ଯାତ୍ରୀ ଭୟଭୀତ ହୋଇ ଓହ୍ଲାଇ ପଡ଼ିଥିଲେ। ପ୍ରାୟ ୪୫ ମିନିଟ୍ ଧରି ଟ୍ରେନଟି ଅଟକି ରହିଥିଲା । ଯାତ୍ରୀମାନେ ଆଉ ସେ ବଗିରେ ଚଢିବେ ନାହିଁ ବୋଲି ଏକା ଜିଦ୍ ଧରି ବସିଥିଲେ ।

ସୂଚନ ଅନୁ୍‌ଯାୟୀ ଆଜି ଟ୍ରେନଟି ସିକନ୍ଦରବାଦରୁ ତ୍ରିପୁରାର ଅଗରତାଲାକୁ ଯାଉଥିଲା। ବ୍ରହ୍ମପୁର ଷ୍ଟେସନରେ ହଠାତ୍ ବି-୫ ଏସି ବଗିରେ ଧୂଆଁ ବାହାରୁଥିବା ଯାତ୍ରୀମାନେ ଦେଖିଥିଲେ। ପରେ ସମସ୍ତ ଯାତ୍ରୀ ଟ୍ରେନରୁ ଭୟଭୀତ ହୋଇ ଓହ୍ଲାଇ ପଡ଼ିଥିଲେ। ରେଳ ବିଭାଗ ପକ୍ଷରୁ ଅଗ୍ନିଶମ ବାହିନୀକୁ ଖବର ଦିଆଯାଇଥିଲା। ଅଗ୍ନିଶମ ବାହିନୀ ପହଞ୍ଚି ବଗିରେ ନିୟାଁକୁ ଆୟତ କରିଥିଲା ତେବେ ସର୍ଟ ସର୍କିଟ ଯୋଗୁ ବଗିରେ ଏଭଳି ଅଘଟଣା ଘଟିଥିବା ଜଣାପଡିଛି ।

Advertisement