ଓଡ଼ିଶା ଆସିବେ ସ୍ମୃତି ଇରାନୀ….ଭୋଟ ମାଗିବା ସହ ସୁଭଦ୍ରା ଯୋଜନା ରାଜ୍ୟବାସୀଙ୍କୁ କରିବେ ଅବଗତ

ବର୍ତ୍ତମାନ ଚାଲିଛି ନିର୍ବାଚନୀ ଋତୁ | ଆଉ ସମସ୍ତ ଦଳ ଏଥିପାଇଁ କରୁଛନ୍ତି ଜୋରଦାର ପ୍ରଚାର | ଜନତାଙ୍କ ଠାରୁ ନେଇ ନେତା ପର୍ଯ୍ୟନ୍ତ ସମସ୍ତେ ନିର୍ବାଚନୀ ପ୍ରଚାରରେ ବ୍ୟସ୍ତ | ଓଡିଶା ଫୋକସରେ ବିଜେପି | ରାଜ୍ୟରେ ବିଜେପି ପ୍ରଚାର ପାଇଁ ହେଭିୱେଟ ପାର୍ଥୀ ଆସୁଛନ୍ତି | ତେବେ ଆସନ୍ତାକାଲି ଓଡ଼ିଶା ଆସିବେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ। ରାଜ୍ୟର ୩ଟି ସ୍ଥାନରେ ନିର୍ବାଚନୀ ସଭାରେ ଯୋଗଦେବେ ସ୍ମୃତି।

ସ୍ମୃତି ଇରାନୀ ଆସନ୍ତାକାଲି ପ୍ରଥମେ ପାରାଦୀପର କୁଜଙ୍ଗଠାରେ ଜନ ସଭାରେ ଯୋଗ ଦେବେ। ପରେ ସେଠାରୁ ସଭାସାରି କେନ୍ଦ୍ରାପଡ଼ା ଲୋକସଭା କ୍ଷେତ୍ର ଆଳିରେ ନିର୍ବାଚନୀ ସଭାରେ ଯୋଗଦେବେ। ଏହାପରେ ରେମୁଣାର ଥିବା କାର୍ଯ୍ୟକ୍ରମରେ ଯୋଗ ଦେବାର ରହିଛି।

Advertisement

ତେବେ ସ୍ମୃତି ଇରାନୀ ନିର୍ବାଚନ ସଭାରେ ସୁଭଦ୍ରା ଯୋଜନା କ’ଣ ଓ ରାଜ୍ୟ ବିଜେପି ସରକାରକୁ ଆସିଲେ ମହିଳାମାନେ କିପରି ଶୁଭଦ୍ରା ଯୋଜନା ପାଇପାରିବେ ସେନେଇ ରାଜ୍ୟବାସୀଙ୍କୁ ଅବଗତ କରାଇବେ।