ମୋ ମା’ ଆଉ ମାମୁଘର ଲୋକେ ମିଶି ବାପାର ଜୀବନ ନେଇଗଲେ !
1 min read
ଢେଙ୍କାନାଳ ; ଶଶୁର ଘରେ ଜ୍ବାଇଁ ର ମୃତ୍ୟୁ ହୋଇଥିବା ବେଳେ। ଶଶୁର ଘର ଲୋକ ଫେରାର ହୋଇଛନ୍ତି। ଝିଅ ଆଣିଛି ମାମୁଁ ଘରଲୋକ ନାଁରେ ହତ୍ୟା ଅଭିଯୋଗ। ଏଭଳି ଏକ ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ହିନ୍ଦୋଳ ଥାନା ବାଘଧରିଆ ଗ୍ରାମର ହରିଜନ ସାହିରେ। ହିନ୍ଦୋଳ ବ୍ଲକ ଦୁଦୁରକୋଟ ଗ୍ରାମର ଦୁଷ୍ମନ୍ତ ନାଏକ ବୟସ ୪୫ ବର୍ଷ ଗତକାଲି ବାଘଧରିଆ ହରିଜନ ସାହିର ଶଶୁର ପ୍ରଶନ୍ନ ନାଏକଙ୍କ ଘରକୁ ଆସିଥିଲେ।
କିନ୍ତୁ ହଠାତ୍ ଆଜି ତାଙ୍କର ମୃତଦେହ ଶଶୁର ଘର ପାଇଖାନା ଟାଙ୍କି ପାଖରେ ପଡିଥିବାର ଦେଖିବାକୁ ମିଳିଥିଲା।ଖବରପାଇ ତାଙ୍କ ପୁଅ ଝିଅ ମାମୁଁ ଘରେ ପହଞ୍ଚିଥିଲେ। ଦେଖିଲାବେଳକୁ ତାଙ୍କ ବାପା ଦୁଷ୍ମନ୍ତ ନାଏକ ମୃତ ଅବସ୍ଥାରେ ପଡିଛନ୍ତି। ସଙ୍ଗେସଙ୍ଗେ ହିନ୍ଦୋଳ ଥାନାରେ ଅଭିଯୋଗ ପରେ ହିନ୍ଦୋଳ ଥାନା ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି। କିନ୍ତୁ ଶଶୁର ଘର ଲୋକ ଫେରାର ଥିବାରୁ ତଦନ୍ତରେ ବିଳମ୍ବ ହୋଇଛି। ଦୁଷ୍ମନ୍ତ ନାଏକଙ୍କ ଝିଅ ଅଭିଯୋଗ କରିଛନ୍ତି କି ମୋ ବାପାକୁ ମା ଆଉ ମୋ ମାମୁଁ ଘରଲୋକ ମିଶି ମାରିଦେଇଛନ୍ତି ।
କୈଳାଶ ପରିଡା ନାମକ ଏକ ବ୍ୟକ୍ତି ସହ ମା କଥା ହେଉଥିବା ପୋଲିସ ଆଗରେ କହିଛନ୍ତି ଦୁଷ୍ମନ୍ତ ଙ୍କ ଝିଅ । ଏନେଇ ମୋ ବାପା ସବୁ ଜାଣିବା ପରେ ଘରେ ପାଟିଗୋଳ ହୋଇଥିଲା ତାପରେ ମା ତା ବାପାଘରକୁ ପଳାଇଥିଲା । ତେଣୁ ବାପା ଏଇ ୨ ଦିନ ହେବ ମାକୁ ଆଣିବାକୁ ମାମୁଘର ଯାଇଥିଲେ କିନ୍ତୁ ଗତକାଲି ମାମୁଘର ଫୋନ ଆସିଲା ଯେ ମୋ ବାପା ଆଉ ନାହାନ୍ତି । ସେଇ କୈଳାଶ ପରିଡା , ମୋ ମାମୁଘର ଲୋକେ ଆଉ ମୋ ମା ମିଶି ମୋ ବାପାକୁ ଜୀବନରୁ ମାରିଦେଇଛନ୍ତି ବୋଲି ଥାନାରେ ଅଭିଯୋଗ କରିଛନ୍ତି ମୃତ ଦୁଷ୍ମନ୍ତଙ୍କ ଝିଅ ।
