ପୁଅର କୁରାଢି ଚୋଟରେ ବାପାର ମୃତ୍ୟୁ
1 min read
ମୟୁରଭଞ୍ଜ : ଏକ ଦୃଦୟବିଦାରକ ଘଟଣା ଦେଖିବାକୁ ମିଳିଛି ମୟୁରଭଞ୍ଜ ଜିଲ୍ଲାରେ । ପୁଅର କୁରାଢି ଚୋଟରେ ବାପା ମୃତ୍ୟୁ ହୋଇଛି । ସୂଚନା ଅନୁଯାୟୀ କରିଞ୍ଜିଆ ଥାନା ଅର୍ନ୍ତଗତ ବାଙ୍କିସାହିର ଲୁଞ୍ଚନ ମୁଣ୍ଡା ନିଜ ପୁଅ ମଙ୍ଗୁଳା ମୁଣ୍ଡାଙ୍କୁ ମାଛ ଛାଲିବା କାମକୁ ପଠାଇଥିଲେ ।କିନ୍ତୁ ପୁଅ ମଙ୍ଗୁଳା ମୁଣ୍ଡା ସେଠାକୁ ଯିବାକୁ ମନାକରିଦେଇଥିଲା । ଏନେଇ ଉଭୟଙ୍କ ଭିତରେ ଏକ ବଚସା ସୃଷ୍ଟି ହୋଇଥିଲା । ବଚସାଟି ବଢିବା ଫଳରେ ରାଗରେ ବାପା ପୁଅ ଉପରକୁ ପ୍ରଥମେ କୁରାଢିରେ ଆକ୍ରମଣ କରିଥିଲେ । ଏହାପରେ ପ୍ରତିବାଦରେ ପୁଅ ମଙ୍ଗୁଳା ବାପାଙ୍କ ଉପରକୁ ପାଲଟା ଆକ୍ରମଣ କରିଥିଲା ।
ଘଟଣା ସ୍ଥଳରେ ଲୁଞ୍ଚନ ମୁଣ୍ଡାଙ୍କ ମୃତ୍ୟୁ ହୋଇଥିବା ବେଳେ , ପୁଅ ମଙ୍ଗୁଳା ଓ ବହୁ ଚୁକ୍ତି ମୁଣ୍ଡା ଆହତ ହୋଇଥିଲେ । ପରେ ଗ୍ରାମବାସୀଙ୍କ ସାହାର୍ଯ୍ୟରେ ଦୁହିଁଙ୍କୁ କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସୂଚନା ପାଇ କରଞ୍ଜିଆ ଥାନା ଅଧିକାରୀ ରଞ୍ଜନ କୁମାର ସେଠୀ ଚିକିତ୍ସାଳୟରେ ପହଞ୍ଚି ଆହତ ପୁଅ ଓ ବୋହୁଙ୍କୁ ହେପାଜତର ସହ ନେଇ ପଚରାଉଚରା ଆରମ୍ଭ କରିଦେଇଛି ।
