ସୋନମଙ୍କ ପାଇଁ କିଣିଲେ ଘର ଶଶୁର , ଦାମ ଜାଣିଲେ ଉଡିଯିବ ହୋସ ..
1 min read
ଅଭିନେତ୍ରୀ ସୋନମ କପୁର ଙ୍କ ପାଇଁ ଶଶୁର କିଣିଲେ ୨୩୧କୋଟିର ଘର । ବର୍ତ୍ତମାନ ଅଭିନେତ୍ରୀ ସୋନମ କପୁର ଲଣ୍ଡନରେ ଏକ ବିଳାସପୂର୍ଣ୍ଣ ଘରେ ସ୍ୱାମୀ ତଥା ଧନୀ ବ୍ୟବସାୟୀ ଆନନ୍ଦ ଅହୁଜାଙ୍କ ସହ ରୁହନ୍ତି। ତେବେ ସୋନମ ଏବଂ ଆନନ୍ଦ ଖୁବ୍ ଶୀଘ୍ର ଏକ ନୂତନ ବିଳାସପୂର୍ଣ୍ଣ ପ୍ରାସାଦକୁ ଯିବେ ବୋଲି ଜଣାଯାଇଛି। କୁହାଯାଉଛି ଯେ, ସୋନମଙ୍କ ଶଶୁର ତଥା ଆନନ୍ଦଙ୍କ ପିତା ହରିଶ ଆହୁଜା ଲଣ୍ଡନରେ କୋଟି କୋଟି ମୂଲ୍ୟର ଏକ ୮ମହଲା ବିଲ୍ଡିଂ କିଣିଛନ୍ତି। ହରିଶ ଆହୁଜା ଏହି ସମ୍ପତ୍ତି କିଣିଥିବା ବେଳେ ସୋନମ ଏବଂ ଆନନ୍ଦ ଘରର ମରାମତି କାମ ସରିବା ପରେ ସେଠାକୁ ରହିବାକୁ ଯିବେ ବୋଲି ଜଣାଯାଇଛି।
୮ମହଲା ଭିତରୁ ଗୋଟେ ମହଲାରେ ଦୁହେଁ ରହିବା ସହ ବାକି ମହଲାକୁ ଫ୍ଲାଟ କରାଯିବ । ଘରଟି ନଟିଙ୍ଗ ହିଲରେ ଥିବା ବେଳେ ଶାହରୁଖଙ୍କ ଘରଠାରୁ ସୋନମ ରହିବାକୁ ଯାଉଥିବା ଘର ଅଧିକ ଦାମୀ ବୋଲି ସାମ୍ନାକୁ ଆସିଛି। ଶାହରୁଖ ରହୁଥିବା ମନ୍ନତ ୨୦୦କୋଟିରେ ନିର୍ମାଣ ହୋଇଥିବା ବେଳେ ସୋନମ ରହିବାକୁ ଯାଉଥିବା ଘରର ମୂଲ୍ୟ ୨୩୧କୋଟି।ସୋନମ ଓ ଆନନ୍ଦ ବେଶ କିଛି ବର୍ଷ ପରସ୍ପରକୁ ଡେଟିଂ କରିବା ପରେ ୨୦୧୮ ମେ’ ମାସରେ ବିବାହ କରିଥିଲେ। ମୁମ୍ବାଇରେ ସେମାନଙ୍କ ବିବାହ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏବଂ ଦୁହିଁଙ୍କର ଗୋଟିଏ ପୁଅ ମଧ୍ୟ ଅଛି ।
