ଟ୍ରୋଲ ହେଉଛନ୍ତି ସୁପରଷ୍ଟାର ମହେଶ ବାବୁଙ୍କ ଭାଇ ନରେଶ ବାବୁ : ୬୦ ବର୍ଷ ବୟସରେ ଏହି ଅଭିନେତ୍ରୀଙ୍କୁ କଲେ ପ୍ରେମ ବିବାହ ..
1 min read
ହାଇଦ୍ରାବାଦ୍ : ବିବାହ କରି ଟ୍ରୋଲର ଶିକାର ହେଲେ ସାଉଥ୍ ସୁପରଷ୍ଟାର ମହେଶବାବୁଙ୍କ ବଡ ଭାଇ ନରେଶ ବାବୁ । ୬୦ ବର୍ଷ ବୟସରେ ସେ ୪୪ ବର୍ଷୀୟା ଅଭିନେତ୍ରୀ ପବିତ୍ରା ଲୋକେଶଙ୍କୁ ନିଜ ଜୀବନ ସାଥୀ ଭାବେ ଗ୍ରହଣ କରିଛନ୍ତି । ନରେଶ ବାବୁ ଏହା ପୂର୍ବରୁ ୩ ଥର ବିବାହ କରିଛନ୍ତି।
ପ୍ରଥମ ୩ପତ୍ନୀ ଜଣେ ଜଣେ ବିଶିଷ୍ଟ ବ୍ୟକ୍ତିତ୍ୱଙ୍କ କନ୍ୟା ହୋଇଥିବା ବେଳେ ଏବେ ତାଙ୍କର ଚତୁର୍ଥ ବିବାହକୁ ନେଇ, ବର୍ତ୍ତମାନ ୟୁଜର୍ସ ତାଙ୍କୁ ଟ୍ରୋଲ କରିବାରେ ଲାଗିଛନ୍ତି । ତାଙ୍କର ପ୍ରଥମ ବିବାହ ସିନିୟର ଡ୍ୟାନ୍ସ ମାଷ୍ଟର ଶ୍ରୀନୁଙ୍କ ଝିଅ ସହ ହୋଇଥିଲା । ଏହାପରେ ସେ ପ୍ରସିଦ୍ଧ କବି ତଥା ଗୀତିକାରଙ୍କ ନାତୁଣୀକୁ ବିବାହ କରିଥିଲେ । ଶେଷରେ ନିଜଠାରୁ ୨୦ ବର୍ଷିୟ ସାନ ରାମିଆ ରଘୁପତିଙ୍କୁ ବିବାହ କରିଥିଲେ । ଏବଂ ବର୍ତ୍ତମାନ ସେ ୧୬ ବର୍ଷ ସାନ ଅଭିନେତ୍ରି ପବିତ୍ରା ଲୋକେଶଙ୍କ ସହ ନିଜ ନୂଆ ଜୀବନ ଆରମ୍ଭ କରିଛନ୍ତି ।
ତେବେ ନରେଶ ନିଜର କିଛି ଖାସ୍ ବନ୍ଧୁଙ୍କ ଗହଣରେ ଅତି ନିରାଡମ୍ବର ଭାବେ ଏହି ବିବାହ କରିଛନ୍ତି । ବିବାହର କିଛି ଭିଡିଓ ଟ୍ୱିଟରରେ ସେୟାର କରିବା ସହ ସେ ଲେଖିଛନ୍ତି ଯେ, ‘ ଆମର ଏହି ନୂଆଜୀବନ ଯାତ୍ରାରେ ଆଜୀବନ ଶାନ୍ତି ସୁଖପାଇଁ ସମସ୍ତଙ୍କର ଆଶୀର୍ବାଦ ଓ ପ୍ରାର୍ଥନା ଆବଶ୍ୟକ’ ।
