‘କଫି ଉଇଥ୍ କରଣ ଶୋ କୁ ନା କହିଲେ ସାଉଥ୍ ସୁପରଷ୍ଟାର ‘ନାନି’
1 min read
ମୁମ୍ବାଇ ; ନିଜର ଅପକମିଙ୍ଗ୍ ଫିଲ୍ମକୁ ନେଇ ଖୁବ୍ ବ୍ୟସ୍ତ ଅଛନ୍ତି ସାଉଥ୍ ସୁପରଷ୍ଟାର (ନାନି) ନବୀନ ବାବୁ । ସେ ତେଲଗୁ ଜଗତର ଜଣେ ଦକ୍ଷ କଳାକାର ସହ ପ୍ରଯୋଜକ ମଧ୍ୟ ଅଟନ୍ତି । ତେବେ ଆଗକୁ ସୀତା ରାମମ୍ ଅଭିନେତ୍ରୀ ମୃଣାଲ ଠାକୁରଙ୍କୁ ସହ ଅନସ୍କ୍ରିନରେ ଦର୍ଶକ ଦେଖିବେ ଦୁହିଁଙ୍କ ରୋମାନ୍ସ ଦେଖିବାକୁ ପାଇବେ । ଏନେଇ ବର୍ତ୍ତମାନ ନାନି ଫିଲ୍ମର ପ୍ରମୋସନରେ ଦେଶ ବିଦେଶରେ ନଜର ଆସୁଛନ୍ତି । ନିକଟରେ ଇଣ୍ଡିଆ ଟୁଡେର ଏକ ଇଣ୍ଟରଭ୍ୟୁରେ ନାନି ଏକ ବୟାନ ରଖିଛନ୍ତି । ଯାହାକୁ ନେଇ ଚାରିଆଡେ ଚର୍ଚ୍ଚା ଜୋର ଧରିଛି । ଇଣ୍ଡିଆ ଟୁଡେ ଦ୍ୱାରା ଆୟୋଜିତ ଏକ ରାଉଣ୍ଡ ଟେବୁଲ୍ ମିଟ୍ ରେ ଅଭିନେତାଙ୍କୁ ପଚରାଯାଇଥିଲା ଯେ ଯଦି ସେ କରଣ ଜୋହରଙ୍କ ଠାରୁ ତାଙ୍କ ବିବାଦୀୟ ଶୋ କଫି ସହିତ କରଣରେ ଯୋଗଦେବାକୁ କଲ୍ ପାଇବେ ତେବେ ସେ କଣ କରିବେ?
ଏହାର ଉତ୍ତରରେ ଅଭିନେତା କହିଥିଲେ ଯେ ମୁଁ ମୋ ବ୍ୟାକ୍ତି ଗତ ଜୀବନକୁ ବ୍ୟକ୍ତିଗତ ରତ୍କବାକୁ ପସନ୍ଦ କରେ । କୌଣସି ଶୋରେ ଏହା ଉପରେ କୌଣସି ଆଲୋଚନାକୁ ମୁଁ ପସନ୍ଦ କରେନାହିଁ । ମୁଁ ତାଙ୍କୁ ବ୍ୟକ୍ତି ଗତ ଭାବେ ନିଶ୍ଚିତ ଭେଟିବାକୁ ଚାହିଁବି । କିନ୍ତୁଏଭଳି ଶୋକୁ ମୁଁ ପ୍ରତ୍ୟାକ୍ଷନ ହିଁ କରିବି । ତେବେ କରନ୍ ଙ୍କ ଏହି ଶୋ ବର୍ତ୍ତମାନ ଟେଲିଭିଜନ୍ ସହ ଓଟିଟି ପ୍ଲାଟଫର୍ମରେ ବି ଚାଲିଛି । ନିକଟରେ ଶୋରେ ରଣଭୀର ସିଂ, ଦୀପିକା ପାଦୁକୋନ, ସନ୍ନି ଦେଓଲ, ବବି ଦେଓଲ, ସାରା ଅଲି ଖାନ, ଅନନ୍ୟା ପାଣ୍ଡେ, କରୀନା କପୁର ଖାନ ଏବଂ ଆଲିଆ ଭଟ୍ଟଙ୍କୁ ଅତିଥି ଭାବରେ ଦେଖିବାକୁ ପାଇଥିଲେ ଦର୍ଶକ । ଏବଂ ସେମାନଙ୍କ ବିଷୟରେ ଅନେକ କଥା ଜାଣିବାକୁ ମଧ୍ୟ ପାଇଥିଲେ । ତେବେ ଏହି ଶୋର ହୋଷ୍ଟ ଆମନ୍ତ୍ରକ ନିଜେ କରନ୍ ହୋଇଥିବା ବେଳେ ଏଥିରେ ଅଭିନେତା ଅଭିନେତ୍ରୀମାନଙ୍କ ଖୁବ୍ ପର୍ସନାଲ /ବ୍ୟାକ୍ତିଗତ ଜୀବନ ବିଷୟରେ ଖୁଲାସା କରାଯାଏ । ଯାହାକୁ ନେଇ ଏହି ଶୋ ପୂର୍ବରୁ ଅନେକ ଥର ବିବାଦ ଘେରକୁ ଆସିଥିଲା ।
ନାନିଙ୍କ ଆଗାମୀ ଫିଲ୍ମ-
ମୃଣାଲ ଠାକୁଙ୍କ ସହ ଆଗକୁ ‘ହାଏ ନାନ୍ନା’ଫିଲ୍ମରେ ନଜର ଆସିବେ ଏହି ସାଉଥ୍ ଷ୍ଟାର । ବାପା –ଝିଅଙ୍କ ଭଲପାଇବାକୁ ନେଇ ଫିଲ୍ମଟି ଆପଣଙ୍କ ହୃଦୟକୁ ନିଶ୍ଚିତ ଛୁଇଁଯିବ । ଏହି ଫିଲ୍ମଟି ତେଲୁଗୁ, ତାମିଲ, କନ୍ନଡ, ମାଲାୟାଲମ୍ ଏବଂ ହିନ୍ଦୀରେ ଡିସେମ୍ବର ମାସରେ ମୁକ୍ତିଲାଭ କରିବ ବୋଲି ସୂଚନା ରହିଛି।
