ସ୍ପାଇସଜେଟ୍ ବିମାନରେ ମହିଳା ଯାତ୍ରୀଙ୍କୁ ହେଲା ଅସଦାଚରଣ….
1 min read
ପୁଣି ଏୟାରଲାଇନକୁ ନେଇ ଆସିଲା ଅଭିଯୋଗ | ଉଡ଼ନ୍ତା ବିମାନରେ ଅସଦାଚରଣର ଅଭିଯୋଗ | କୋଲକାତା ରୁ ବାଗଡୋଗ୍ରା ଅଭିମୁଖେ ସ୍ପାଇସଜେଟ୍ ବିମାନରେ ଜଣେ ମହିଳା ଯାତ୍ରୀ ଅଭିଯୋଗ କରିଛନ୍ତି ଯେ ଜଣେ ସହ-ଯାତ୍ରୀ ବିମାନରେ ତାଙ୍କ ସହ ଅନୁପଯୁକ୍ତ ବ୍ୟବହାର କରିଛନ୍ତି। ତେବେ ଉକ୍ତ ମହିଳାଙ୍କୁ ସହଯାତ୍ରୀ ଜଣକ ସିଏସଏଫ ଅଧିକାରୀଙ୍କ ଆଗରେ କ୍ଷମା ମାଗିବା ପରେ ସହ-ଯାତ୍ରୀଙ୍କ ବିରୋଧରେ କୌଣସି ଅଭିଯୋଗ ଦାଖଲ କରାଯାଇନଥିଲା ବୋଲି ଏୟାରଲାଇନ୍ସ ବୟାନରେ କହିଥିଲେ।
ସ୍ପାଇସଜେଟ ଅଧିକାରୀଙ୍କ କହିବା ଅନୁଯାୟୀ, ଜାନୁଆରୀ ୩୧ ରେ ପଶ୍ଚିମବଙ୍ଗର ବାଗଡୋଗ୍ରା ଅଭିମୁଖେ ଯାତ୍ରା କରୁଥିବା ସମୟରେ ମହିଳା ଜଣକ ନିକଟସ୍ଥ ସିଟରେ ଆଉ ଜଣେ ସହ-ଯାତ୍ରୀ ବସିଥିଲେ | ବିମାନଟି ଟେକ୍ ଅଫ କରିବା ପରେ ଯୁବତୀ ଜଣଙ୍କ ହେଡଫୋନ ଲଗାଇ ମ୍ୟୁଜିକ୍ ଶୁଣୁଥିଲେ । ଏହି ସମୟରେ ଯୁବକ ଜଣଙ୍କ ମନ୍ଦ ଉଦ୍ଦେଶ୍ୟ ରଖି ତାଙ୍କୁ ସ୍ପର୍ଶ କରିଥିବା ଅଭିଯୋଗ ହୋଇଥିଲା। ଏହାପରେ ବିମାନରେ ଥିବା କ୍ରିଉ ସଦସ୍ୟଙ୍କୁ ଯୁବତୀ ଜଣଙ୍କ ଅବଗତ କରାଇଥିଲେ । ଏବଂ ମହିଳାଙ୍କ ଅଭିଯୋଗ ପରେ ସେମାନଙ୍କୁ ଅନ୍ୟ ସିଟକୁ ସ୍ଥାନାନ୍ତର କରାଯାଇଥିଲା। ସେଠାରେ ପହଞ୍ଚିବା ପରେ ସେମାନଙ୍କୁ ସିଏସ୍ଏଫ୍ ଅଧିକାରୀଙ୍କ ନିକଟକୁ ନିଆଯାଇଥିଲା।ଏହି ସମୟରେ ବିମାନବନ୍ଦର କର୍ତୃପକ୍ଷ ଓ ସିଆଇଏସଏଫ ଯବାନ ଅଭିଯୋଗ ଶୁଣିଥିଲେ । ତେବେ ଅଧିକାରୀମାନଙ୍କ ଆଗରେ ସେହି ସହ-ଯାତ୍ରୀ ମହିଳା ଯାତ୍ରୀଙ୍କୁ କ୍ଷମା ମାଗିଥିଲେ | ମହିଳା ଯାତ୍ରୀ ସହ-ଯାତ୍ରୀଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଦାବି କରି ନ ଥିଲେ।
