ଅନନ୍ତ-ରାଧିକାଙ୍କ ପ୍ରି-ୱେଡିଂରେ ଏକାଠି ନାଚିଲେ ତିନି ଖାନ , ଭାଇରଲ ହେଲା ଭିଡିଓ ..
1 min read
ଚଳିତବର୍ଷର ସବୁଠୁ ବଡ଼, ସବୁଠୁ ଆକର୍ଷଣୀୟ, ସବୁଠୁ ଦାମୀ ବାହାଘର ହେବାକୁ ଯାଉଛି । ବିଶିଷ୍ଟ ଶିଳ୍ପପତି ମୁକେଶ ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀଙ୍କ ବାହାଘର । ଜୁଲାଇ ୧୨ରେ ହେବ ବାହାଘର କିନ୍ତୁ ଏହା ପୂର୍ବରୁ ଗୁଜରାଟ ଜାମନଗରରେ ୩ଦିନ ଧରି ଆରମ୍ଭ ହୋଇଛି ପ୍ରିୱେଡିଂ ଫଙ୍କସନ । ଏହି କାର୍ଯ୍ୟକ୍ରମରେ ତିନି ଖାନ ଆମୀର ଖାନ, ଶାହାରୁଖ ଖାନ ଏବଂ ସଲମାନ ଖାନଙ୍କୁ ଏକାଠି ଦେଖିବାକୁ ମିଳିଛି । ଏହି ୩ ଷ୍ଟାରଙ୍କୁ ଫ୍ୟାନ୍ସ ଏକାଠି ଦେଖିବାକୁ ଉତ୍ସାହର ସହ ଅପେକ୍ଷା କରିଥିବା ବେଳେ ଏହି ୩ ଷ୍ଟାର ଅନନ୍ତଙ୍କ ବିବାହ ଉତ୍ସବରେ ଏକାଠି ନଜର ଆସି ସମସ୍ତଙ୍କ ମନ ଜିତିଛନ୍ତି । ଶାହାରୁଖ, ସଲମାନ ଓ ଆମୀର ଖାନଙ୍କ ଜଲୱା ଦେଖିବାକୁ ମିଳିଥିଲା । ସୋସିଆଲ ମିଡିଆରେ ଭାଇରାଲ ହେଉଥିବା ଭିଡ଼ିଓରେ ଶାହାରୁଖ, ସଲମାନ ଓ ଆମୀରଙ୍କ ଧୁଆଁଧାର ଡ୍ୟାନ୍ସ ଦେଖିବାକୁ ମିଳିଛି ।
View this post on InstagramAdvertisement
ବଲିଉଡ଼ର ଏହି ତିନି ଖାନ ‘ଆରଆରଆର’ ଫିଲ୍ମର ପ୍ରସିଦ୍ଧ ଗୀତ’ ନାଟୁ-ନାଟୁ’ରେ ଡ୍ୟାନ୍ସ କରୁଥିବା ଦେଖିବାକୁ ମିଳୁଛି । ଯାହାର ଭିଡିଓ ଏବେ ସୋଶିଆଲ ମିଡିଆରେ ବେଶ୍ ଭାଇରଲ୍ ହେବାରେ ଲାଗିଛି । ଶାହାରୁଖ, ସଲମାନ ଏବଂ ଆମୀର ଖାନ ନିଜ ହିଟ୍ ଫିଲ୍ମ ମୁଝସେ ଶାଦି କରୋଗୀର ‘ଜିନେ କେ ହେ ଚାର ଦିନ’, ‘ଛୟାଁ ଛୟାଁ’, ରଙ୍ଗ ଦେ ବସନ୍ତୀର ଗୀତ ‘ମସ୍ତି କି ପାଠଶାଳା’, ପଠାନର ‘ଝୁମେ ଜୋ ପଠାନ’ର ହୁକ୍ ଷ୍ଟେପ୍ ପ୍ରଦର୍ଶନ କରି ଏହି ବିବାହ ଉତ୍ସବର ସେଲିବ୍ରେସନକୁ ଦ୍ୱିଗୁଣିତ କରିଛନ୍ତି । ଏହି ଭିଡ଼ିଓ ଭାଇରାଲ ହେବା ପରେ ଫ୍ୟାନ୍ସ ଏହାକୁ ବେଶ ପସନ୍ଦ କରିଛନ୍ତି ।
