କଂଗ୍ରେସ ର ବରିଷ୍ଠ ନେତା ରାହୁଲ ଗାନ୍ଧୀ ଦେଲେ କଡ଼ା ଚେତାବନୀ , ସ୍ମୃତି ଙ୍କ ଅପମାନ ବରଦାସ୍ତ କରିବେନି ..

 ପୂର୍ବତନ କେନ୍ଦ୍ର ମନ୍ତ୍ରୀ ତଥା ବିଜେପି ନେତା ସ୍ମୃତି ଇରାନୀଙ୍କ ଉପରେ ଅଭଦ୍ର ତଥା ଅଶ୍ଳୀଳ ମନ୍ତବ୍ୟ ଦେଇଥିବା ଲୋକଙ୍କୁ ଚେତାବନୀ ଦେଲେ ରାହୁଲ ଗାନ୍ଧୀ ।ଏପରି କାର୍ଯ୍ୟକରିବା   ଉଚିତ୍‌ ନୁହେଁ ବୋଲି କହଛନ୍ତି। ସେ କହିଥିଲେ ଯେ ଜୀବନରେ ବିଜୟ ଏବଂ ପରାଜୟ ଅଛି, କିନ୍ତୁ କାହାକୁ ଅପମାନ କରିବା ଦୁର୍ବଳତାର ସଙ୍କେତ, ଶକ୍ତି ନୁହେଁ।

ଏହା ସହିତ ସେ କଂଗ୍ରେସ ନେତାମାନଙ୍କୁ ମଧ୍ୟ ଚେତାବନୀ ଦେଇଛନ୍ତି ଯେ ସ୍ମୃତି ଇରାନୀଙ୍କ ବିଷୟରେ କୌଣସି ନେତା ଭଲ କିମ୍ବା ଖରାପ କହିବା ଉଚିତ୍‌ ନୁହେଁ। କଂଗ୍ରେସ ନେତା ସୋସିଆଲ ମିଡିଆ ପ୍ଲାଟଫର୍ମରେ ଲେଖିଛନ୍ତି ଯେ ଏପରି ଆଚରଣରୁ ଦୂରେଇ ରୁହନ୍ତୁ ଲୋକଙ୍କୁ ଅପମାନିତ କରିବା ଏବଂ ଅପମାନ କରିବା ଶକ୍ତି ନୁହେଁ, ଦୁର୍ବଳତାର ସଙ୍କେତ ଅଟେ। ସୂଚନାଯୋଗ୍ୟ, ଉତ୍ତରପ୍ରଦେଶର ଆମେଠୀ ଲୋକ ସଭା ଆସନରୁ ହାରିଯିବା ପରେ ସ୍ମୃତି ଇରାନୀଙ୍କୁ ସୋସିଆଲ ମିଡିଆରେ କ୍ରମାଗତ ଭାବେ ଟ୍ରୋଲ କରାଯାଉଥିଲା। କଂଗ୍ରେସ ନେତା କିଶୋରୀ ଲାଲ ଶର୍ମା ତାଙ୍କୁ ଏହି ଆସନରୁ ବିପୁଳ ବ୍ୟବଧାନରେ ପରାସ୍ତ କରିଛନ୍ତି। ଏହାପୂର୍ବରୁ ଲୋକ ସଭା ନିର୍ବାଚନ ୨୦୧୯ରେ ସ୍ମୃତି ଇରାନୀ ରାହୁଲ ଗାନ୍ଧୀଙ୍କୁ ପରାସ୍ତ କରିଥିଲେ। ଏଥର ଯେତେବେଳେ ସ୍ମୃତି ଇରାନୀ ଆମେଠୀରୁ ହାରିଗଲେ, ସେ ଟ୍ରୋଲ ହେବା ଆରମ୍ଭ କଲେ। ତାଙ୍କ ବଙ୍ଗଳା ଖାଲି କରିବାକୁ ମଧ୍ୟ ତାଙ୍କୁ ଟାର୍ଗେଟ କରାଯାଇଥିଲା। ତେବେ ଏହାପରେ ଏବେ ସୋସିଆଲ ମିଡ଼ିଆରେ ଏପରି   ଅଶ୍ଳୀଳ ମନ୍ତବ୍ୟ ନଦେବା ପାଇଁ କହିଛନ୍ତି ରାହୁଲ ।