ବାତ୍ୟା ’ଦାନା’; କିଏ କରିଛି ନାମକରଣ,କ’ଣ ରହିଛି ଏହାର ଅର୍ଥ…..
1 min read
ବଙ୍ଗୋପସାଗରରେ ସୃଷ୍ଟ ଲଘୁଚାପ ଅବପାତର ରୂପ ନେବା ସହ ୨୩ ତାରିଖରେ ନେବ ବାତ୍ୟାର ରୂପ । ‘ଦାନା’ ନାମକ ଏକ ଭୟଙ୍କର ଘୂର୍ଣ୍ଣିବଳୟ ପଶ୍ଚିମବଙ୍ଗର ପୂର୍ବ-ମଧ୍ୟଭାଗରେ ଘନିଭୂତ ହେଉଛି ଏବଂ ପୂର୍ବାନୁମାନ ଅନୁଯାୟୀ ଏହା ଅକ୍ଟୋବର ୨୩ ସୁଦ୍ଧା ଓଡିଶା-ପଶ୍ଚିମବଙ୍ଗ ଉପକୂଳ, ବିଶେଷ କରି ପୁରୀ ନିକଟରେ ସ୍ଥଳଭାଗ ଛୁଇଁପାରେ। ଅକ୍ଟୋବର ୨୪ ସକା ସୁଦ୍ଧା ଏହାର ପ୍ରଭାବ ଦେଖାଯିବ। ଭାରତୀୟ ପାଣିପାଗ ବିଭାଗ (ଆଇଏମଡି) ସମ୍ଭାବ୍ୟ ଭୟଙ୍କର ପାଣିପାଗ ପରିସ୍ଥିତି ପାଇଁ ସତର୍କ ସୂଚନା ଜାରି କରିଛ।
ସମୁଦ୍ର ମଧ୍ୟରେ ବଳ ଗୋଟାଇବା ସହ ଭୀଷଣ ରୂପରେ ସ୍ଥଳଭାଗକୁ ମାଡ଼ କରିବ ବୋଲି ପାଣିପାଗ ବିଭାଗ ଆକଳନ କରୁଛି । ସେହି ସମୟରେ ଏହାର ବେଗ ଘଣ୍ଟାପ୍ରତି ୧୦୦ରୁ ୧୧୦ କିମି ରହିବ ବୋଲି କୁହାଯାଉଛି । ଯାହାକୁ ନେଇ ସାରା ଓଡ଼ିଶାରେ ଏବେ ଲୋକଙ୍କ ମଧ୍ୟରେ ଛନକା ଖେଳିଯାଇଛି । ତେବେ ଦୁଇଦିନ ପରେ ଓଡ଼ିଶା ଉପକୂଳରେ ମାଡ଼ ହେବାକୁ ଯାଉଥିବା ବାତ୍ୟାର ନାଁ କେଉଁଠୁ ଆସିଛି ଓ ଏହାର ଅର୍ଥ କ’ଣ ଜାଣିଛନ୍ତି କି ?
ସୂଚନା ଅନୁଯାୟୀ, ବାତ୍ୟାର ନାମକରଣ ପୂର୍ବରୁ କରିବାର ବହୁ କାରଣ ରହିଛି । ବାତ୍ୟାର ନାଁ ଏହା ଏପରି ହୋଇଥାଏ, ଯାହା ସେ ଦେଶର ପରମ୍ପରା ଓ ସଂସ୍କୃତିକୁ ପ୍ରତିପାଦିତ କରିଥାଏ । ଅର୍ଥାତ ବାତ୍ୟାର ନାଁରେ ଉକ୍ତ ଦେଶର ସାଂସ୍କୃତିକ ପ୍ରତିବିମ୍ବ ରହିଥାଏ । ଏହାସହ ପୂର୍ବରୁ ନାମକରଣ କରାଯିବା ଦ୍ବାରା ଏହାକୁ ବିଭିନ୍ନ କ୍ଷେତ୍ରରେ ଗୋଟିଏ ନାଁରେ ଟ୍ରାକ୍ କରିବାରେ ସହଜ ହୋଇଥାଏ । ଯାହା ବିଭିନ୍ନ ଦେଶର ପାଣିପାଗ ବିଭାଗମାନଙ୍କୁ ତଥ୍ୟ ଆଦାନା ପ୍ରଦାନରେ ସାହାଯ୍ୟ କରିଥାଏ ।
‘ଦାନା’ ର ଅର୍ଥ
୨୪ ତାରିଖରେ ସାମ୍ଭାବ୍ୟ ବାତ୍ୟା ଓଡ଼ିଶା ଉକପୂଳରେ ସ୍ଥଳଭାଗକୁ ଛୁଇଁବ । ଯାହାର ନାଁ ରହିଛି ‘ଦାନା’ । ଏହି ବାତ୍ୟାର ନାଁ ‘ଦାନା’ ଦେଇଛି ସାଉଦି ଆରବ । ଯାହା ଉତ୍ତର ଭାରତ ମହାସାଗରରେ WMO ପାଇଁ ବାତ୍ୟାର ନାମ ଦେଉଥିବା ୧୪ ଦେଶଙ୍କ ମଧ୍ୟରେ ଅନ୍ୟତମ ।
ସୌଦି ଆରବ ଏହାର ନାମକରଣ କରିଛି ‘ଦାନା’। ଆରବୀୟ ଶବ୍ଦ ‘ଦାନା’ ହେଉଛି ଏକ ନାରୀ ସମ୍ବନ୍ଧୀୟ ନାମ ଯାହା ‘ପୂର୍ଣ୍ଣ ଆକାରର, ମୂଲ୍ୟବାନ ଏବଂ ସୁନ୍ଦର ମୋତି’ କୁ ବୁଝାଏ। ଏହି ନାମ ସାଧାରଣତଃ ପାରସି ଉପସାଗରର ଆରବ ରାଜ୍ୟମାନଙ୍କରେ ବ୍ୟବହୃତ ହୁଏ, ଯେଉଁଠାରେ ମୋତି ବୁଡ଼ିବା ଐତିହାସିକ ଭାବରେ ଏକ ଗୁରୁତ୍ୱପୂର୍ଣ୍ଣ ବୃତ୍ତି ଥିଲା। ପାର୍ସୀ ଭାଷାରେ, ‘ଦାନା’ ଅର୍ଥ ‘ଦାନ’, ‘ଅନୁଦାନ’ ଏବଂ ‘ବେଷ୍ଟୋୱାଲ’ ପରି ଅର୍ଥ ପ୍ରଦାନ କରେ। ଝଡ଼ର ସହଜ ଚିହ୍ନଟକୁ ସୁଗମ କରିବା ଏବଂ ପାଣିପାଗ ସମ୍ବନ୍ଧୀୟ ବିପଦ ବିଷୟରେ ଜନସାଧାରଣଙ୍କ ସଚେତନତାକୁ ବଢାଇବା ଲକ୍ଷ୍ୟରେ ଟ୍ରପିକାଲ ସାଇକ୍ଲୋନନ ପାଇଁ ଏକ ଆନ୍ତର୍ଜାତୀୟ ନାମକରଣ ବ୍ୟବସ୍ଥାର ଏକ ଅଂଶ ଭାବରେ କାତାର ଏହା ପ୍ରସ୍ତାବ ଦେଇଥିଲା।
