ବର୍ଷର ସବୁଠୁ ବଡ଼ ଫିଲ୍ମ ପାଲଟିଲା ‘ସ୍ତ୍ରୀ ୨’: କଲକି 2898 ଏଡି ଓ ଫାଇଟରକୁ ପଛରେ ପକାଇଲା
1 min read
ଦର୍ଶକଙ୍କୁ ବେଶ୍ ପସନ୍ଦ ଆସୁଛି ‘ସ୍ତ୍ରୀ ୨’। ଶ୍ରଦ୍ଧା କପୁର, ରାଜକୁମାର ରାଓ, ଅଭିଷେକ ବାନାର୍ଜୀ, ଅପାରଶକ୍ତି ଖୁରାନା ଓ ପଙ୍କଜ ତ୍ରିପାଠୀଙ୍କ ଏହି ଚଳଚ୍ଚିତ୍ର ପ୍ରମାଣ କରିଛି ଯେ, ଫିଲ୍ମକୁ ହିଟ୍ କରିବା ପାଇଁ ବଡ଼ ତାରକା ନୁହେଁ ବରଂ ଭଲ କାହାଣୀ ଆବଶ୍ୟକ। ସ୍ୱାଧୀନତା ଦିବସରେ ମୁକ୍ତିଲାଭ କରିଥିବା ଏହି ସିନେମା କେବଳ ଆଶାଠାରୁ ଅଧିକ ଆୟ କରି ନୁହେଁ, ବରଂ ବର୍ଷର ସବୁଠାରୁ ବଡ ଓପନର୍ ହୋଇପାରିଛି।
ସୁପରନ୍ୟାଚୁରାଲ ହରର୍ ଫିଲ୍ମ ପ୍ରତି ଦର୍ଶକଙ୍କ ଆଗ୍ରହ ବଢୁଛି କି ? ଏ ବର୍ଷ ଏହି ଜେନରର କିଛି ବଲିଉଡ୍ ଫିଲ୍ମ ହାସଲ କରିଛି ଆଶାତୀତ ବ୍ୟବସାୟିକ ସଫଳତା । ସୁପରନ୍ୟାଚୁରାଲ ହରର ଫିଲ୍ମ ପ୍ରତି ଦର୍ଶକଙ୍କ ଆଗ୍ରହର ସଦ୍ୟ ଉଦାହରଣ ହେଉଛି ଫିଲ୍ମ ‘ସ୍ତ୍ରୀ-୨’। ପୂର୍ବରୁ ରିଲିଜ ହୋଇଥିବା ଫିଲ୍ମ ସ୍ତ୍ରୀର ସିକ୍ୱେଲ ହେଉଛି ‘ସ୍ତ୍ରୀ-୨’। ଶ୍ରଦ୍ଧା କପୁର ଓ ରାଜକୁମାର ରାଓ ଅଭିନୀତ ଏବଂ ଅମର କୌଶିକ ନିର୍ଦ୍ଦେଶିତ ‘ସ୍ତ୍ରୀ-୨’କୁ ମିଳିଛି ଜବରଦସ୍ତ ଓପନିଂ । ‘ଖେଲ ଖେଲ ମେ’ ଓ ‘ବେଦା’ କୁ ପଛରେ ପକାଇ ଦେଇଛି ‘ସ୍ତ୍ରୀ-୨’ । ପ୍ରଥମ ଦିନରେ ‘ସ୍ତ୍ରୀ-୨’ କୁ ମିଳିଛି ୫୫ କୋଟି ୪୦ ଲକ୍ଷ ଟଙ୍କାର ଓପନିଂ । ଏ ବର୍ଷର ସବୁଠୁ ବଡ ଓପନିଂ ପାଇଛି ‘ସ୍ତ୍ରୀ-୨’ ।
Sacnilk.com ଅନୁଯାୟୀ, ବୁଧବାର ତଥା ୧୪ ଅଗଷ୍ଟରେ ସ୍ୱତନ୍ତ୍ର ଉଦଘାଟନୀ ପ୍ରିମିୟର୍ ସମୟରେ ଏହି ଫିଲ୍ମ ୮ କୋଟି ଟଙ୍କା ଆୟ କରିଥିଲା। ଏହା ପରେ ଅଫିସିଆଲ୍ ରିଲିଜ୍ ଦିନରେ ୪୬ କୋଟି ଟଙ୍କା ଆୟ କରିଛି, ଯାହା ସର୍ବ ମୋଟ ୫୪.୩୫ କୋଟି ଟଙ୍କାରେ ପହଞ୍ଚିଛି। ଏହି ଆୟ ସହ ରେକର୍ଡ ସୃଷ୍ଟି କରିଛି ସ୍ତ୍ରୀ 2। କାରଣ ଚଳିତ ବର୍ଷ ରିଲିଜ୍ ହୋଇଥିବା ବଡ଼ ବଜେଟ ସିନେମା କଲ୍କି ୨୮୯୮ ଏଡି ଏବଂ ଫାଇଟରର ପ୍ରଥମ ଦିନ ଆୟକୁ ଟପି ଯାଇଛି।
ସୂଚନା ଅନୁଯାୟୀ, ବଲିଉଡ଼ର ଶ୍ରେଷ୍ଠ ୧୦ ଚଳଚ୍ଚିତ୍ର ତାଲିକାରେ ‘ସ୍ତ୍ରୀ ୨’ ୭ମ ସ୍ଥାନରେ ଥିବା କୁହାଯାଉଛି। ଆୟ କ୍ଷେତ୍ରରେ ସଲମାନ ଖାନଙ୍କ ପିଲ୍ମ ‘ଟାଇଗର ୩’ ଓ ‘ଭାରତ’ ବ୍ୟତୀତ ଶାହରୁଖ ଖାନଙ୍କ ଫିଲ୍ମ ‘ହାପି ନ୍ୟୁ ଇୟର’କୁ ପଛରେ ପକାଇ ଦେଇଛି ‘ସ୍ତ୍ରୀ ୨’।
