ସ୍ୱାମୀଙ୍କ ନିର୍ବାଚନୀ ପ୍ରଚାରର ମଙ୍ଗ ଧରିଲେ ସ୍ତ୍ରୀ , ଘର ଘର ବୁଲି ଆକାଶଙ୍କ ପାଇଁ କଲେ ଭୋଟ ଭିକ୍ଷା ..
1 min read
ଏଥର ସ୍ୱାମୀଙ୍କ ନିର୍ବାଚନି ପ୍ରଚାରର ମଙ୍ଗ ଧରିଲେ ସ୍ତ୍ରୀ । ବିଜେପି ବିଧାୟକ ପ୍ରାର୍ଥୀ ଆକାଶ ଦାସ ନାୟକଙ୍କ ପାଇଁ ଘରକୁ ଘର ବୁଲି ଭୋଟ୍ ମାଗୁଛନ୍ତି ପତ୍ନୀ ଶୁଭ୍ରଜ୍ୟୋତି ଦାସ ନାୟକ। ସେ ନିଜର ସହକର୍ମୀଙ୍କୁ ଧରି ଘରକୁ ଘର ଆକାଶ ପାଇଁ ପ୍ରଚାର କରୁଛନ୍ତି । ଅଭିନେତାରୁ ରାଜନେତା ହୋଇଥିବା
ଆକାଶ ଦାସ ନାୟକ କୋରେଇ ନିର୍ବାଚନମଣ୍ଡଳୀରୁ ବିଜେପି ପ୍ରାର୍ଥୀ ହୋଇଛନ୍ତି। ତାଙ୍କ ପତ୍ନୀ ଶୁଭ୍ରଜ୍ୟୋତି ଦାସ ନାୟକ ବ୍ୟାସନଗର ପୌରାଞ୍ଚଳରେ ମହିଳା କର୍ମୀମାନଙ୍କ ସହ ଘର ଘର ବୁଲି କୋରାଇର ଅସ୍ମିତା, ସ୍ୱାଭିମାନ ଓ ସମ୍ମାନର କଥା କହି ନିଜ ସ୍ୱାମୀଙ୍କ ଭୋଟ୍ ଭିକ୍ଷା କରୁଛନ୍ତି। ଗୋଟେ ପଟେ ଆକାଶ କୋରେଇ ବିଧାନସଭା କ୍ଷେତ୍ରର ବିଭିନ୍ନ ପଂଚାୟତରେ ବୁଲି ବୁଲି ପ୍ରଚାର ଓ ମିଶ୍ରଣ କରିବା ସହ ନିଜ ପାଇଁ ଭୋଟ ଭିକ୍ଷା କରୁଥିବା ବେଳେ ଅପରପକ୍ଷରେ ତାଙ୍କ ସ୍ତ୍ରୀ ଶୁଭ୍ରଜ୍ୟୋତି ଭୋଟ ଭିକ୍ଷା କରୁଛନ୍ତି।
କୋରେଇ ରାଜନୀତିରେ ଦମଦାର ଲଢ଼େଇ ଦେଖିବେ ଜନତା । କାରଣ ଏଠାରୁ ନିର୍ବାଚନ ମଇଦାନକୁ ଓହ୍ଲାଇଛନ୍ତି ବିଜେପିର ଆକାଶ ଦାସନାୟକ ଏବଂ ବିଜେଡିରୁ ପ୍ରାର୍ଥୀ ହୋଇଛନ୍ତି ଦଳର ସାଂଗଠନିକ ସଂପାଦର ପ୍ରଣବ ପ୍ରକାଶ ଦାସଙ୍କ ମାଆ ସନ୍ଧ୍ୟାରାଣୀ ଦାସ ।
