ମହାକାଶରେ ଫସିଛନ୍ତି ସୁନିତା, ସମସ୍ୟା ବଢ଼ାଉଛି ଆମେରିକା-ରୁଷ ବିବାଦ
1 min read
ମହାକାଶରେ ଫସି ରହିଛନ୍ତି ଭାରତୀୟ ବଂଶୋଦ୍ଭବ ମହାକାଶଚାରୀ ସୁନୀତା ଓ୍ବିଲିୟମ୍ସ ଏବଂ ଆମେରିକୀୟ ମହାକାଶଚାରୀ ବ୍ୟାରି ଓ୍ବିଲମୋର। ଜୁନ ୨୬ରେ ସେମାନେ ମହାକାଶରୁ ଫେରିବାର ଯୋଜନା ଥିବାବେଳେ ବୋଇଂ ସ୍ପେଶକ୍ରାଫ୍ଟରେ ହିଲିୟମ ଗ୍ୟାସ ଲିକେଜ୍ କାରଣରୁ ସେମାନଙ୍କ ଫେରିବା ଅଭିଯାନକୁ ସ୍ଥଗିତ ରଖାଯାଇଛି। ତେବେ ଉଭୟଙ୍କ ଫେରିବା ସମୟ ଯେତିକି ବିଳମ୍ବ ହେଉଛି, ସେମାନଙ୍କ ସ୍ଵାସ୍ଥ୍ୟ ପ୍ରତି ବିପଦ ସେତିକି ଘନଉଛି ବୋଲି କୁହାଯାଉଛି। ଯଦିଓ ଉଭୟେ ସୁରକ୍ଷିତ ଥିବା ନାସା ପକ୍ଷରୁ କୁହାଯାଇଛି, ତେବେ ଅଧିକ ଦିନ ଧରି ମହାକାଶରେ ରହିବା ଦ୍ଵାରା ସେମାନଙ୍କଠାରେ ସ୍ଵାସ୍ଥ୍ୟ ସମସ୍ୟା ସୃଷ୍ଟି ହେବାର ଆଶଙ୍କା ରହିଛି ବୋଲି ବିଶେଷଜ୍ଞମାନେ କହିଛନ୍ତି।
ଜୁନ୍ ୫ରେ ବୋଇଙ୍ଗର ଷ୍ଟାରଲିନର୍ ମହାକାଶଯାନରେ ମହାକାଶକୁ ଯାଇଥିଲେ। ସେବେଠାରୁ ସେ ମହାକାଶରେ ଅଟକି ରହିଛନ୍ତି। ତାଙ୍କର ପ୍ରାରମ୍ଭିକ ମିସନ ୮ ଦିନ ଧରି ଚାଲିଥିଲା, କିନ୍ତୁ ମହାକାଶଯାନରେ ତ୍ରୁଟି ଥିବାରୁ ସେ ଫେରିପାରୁ ନାହାନ୍ତି। ପ୍ରଶ୍ନ ମଧ୍ୟ ଉଠିଛି ଯେ ଯେତେବେଳେ ଅନ୍ତର୍ଜାତୀୟ ସ୍ପେସ୍ ଷ୍ଟେସନରେ ରୁଷିଆର କ୍ୟାପସୁଲ୍ ପ୍ରସ୍ତୁତ ହୋଇ ରହିଛି, ସେତେବେଳେ ଉଭୟଙ୍କୁ କାହିଁକି ପୃଥିବୀକୁ ଅଣାଯାଉ ନାହିଁ।
ମହାକାଶ ପ୍ରତିଯୋଗିତା ଯୋଗୁଁ ଆମେରିକା ଏହାର ପାରମ୍ପରିକ ଶତ୍ରୁ ରୁଷିଆର ସାହାଯ୍ୟ ମାଗୁନାହିଁ ବୋଲି କୁହାଯାଉଛି | ତେବେ ଆମେରିକା-ରୁଷିଆ ବିବାଦ ଯୋଗୁ ସୁନୀତାଙ୍କ ଜୀବନ ବିପଦରେ ପଡ଼ିଛି। ତାଙ୍କୁ ବଞ୍ଚାଇବାରେ ସମସ୍ୟା ସୃଷ୍ଟି ହୋଇଛି।
ଷ୍ଟାରଲିନର୍ କିମ୍ବା ନାସା ମଧ୍ୟ ଏହାର ସୁଧାର ପାଇଁ ଚେଷ୍ଟା କରୁଛନ୍ତି। କାହାଠାରୁ ସାହାଯ୍ୟ ମାଗିବା ପରିବର୍ତ୍ତେ ସେମାନେ ଯାନର ତ୍ରୁଟି ସୁଧାରିବାରେ ବ୍ୟସ୍ତ ଅଛନ୍ତି। ଯେହେତୁ ସେମାନଙ୍କ ପାଖରେ ୪୫ ରୁ ୭୨ ଦିନ ବାକି ଅଛି, ସେମାନେ ସାହାଯ୍ୟ ମାଗିବାରେ ଦ୍ୱିଧା କରୁଛନ୍ତି । ୮ ଟି କ୍ୟାପସୁଲ୍ ଅଇଏସଏସ ଉପରେ ଡକ୍ କରାଯାଇପାରିବ। ସମ୍ପ୍ରତି ସେଠାରେ କେବଳ ରୁଷୀୟ କ୍ୟାପସୁଲ ଉପଲବ୍ଧ, ଯାହା ଜରୁରୀକାଳୀନ ପରିସ୍ଥିତିରେ ଉପଯୋଗୀ ହେବ। ପୂର୍ବରୁ ଆମେରିକାର ମଧ୍ୟ ଏକ କ୍ୟାପସୁଲ ଥିଲା। କିନ୍ତୁ, ସମ୍ପ୍ରତି ସମସ୍ତ କ୍ୟାପସୁଲ କେବଳ ରୁଷିଆର ରହିଛି। ଏହି କ୍ୟାପସୁଲଗୁଡିକ ଷ୍ଟେସନରେ ଡକ୍ ହୋଇଛି। ଯଦି ସବୁଠାରୁ ଖରାପ ପରିସ୍ଥିତି ସୃଷ୍ଟି ହୁଏ ତେବେ ସେଠାରେ ଥିବା ରୁଷିଆର କ୍ୟାପସୁଲ ଦ୍ବାରା ପାଞ୍ଚ ଜଣ ମହାକାଶଚାରୀ ଥରକରେ ପୃଥିବୀକୁ ଫେରିପାରିବେ।
ଯଦିଓ ଉଭୟେ ସୁରକ୍ଷିତ ଥିବା ନାସା ପକ୍ଷରୁ କୁହାଯାଇଛି, ତେବେ ଅଧିକ ଦିନ ଧରି ମହାକାଶରେ ରହିବା ଦ୍ଵାରା ସେମାନଙ୍କଠାରେ ସ୍ଵାସ୍ଥ୍ୟ ସମସ୍ୟା ସୃଷ୍ଟି ହେବାର ଆଶଙ୍କା ରହିଛି ବୋଲି ବିଶେଷଜ୍ଞମାନେ କହିଛନ୍ତି। ମହାକାଶରେ କମ୍ ମାଧ୍ୟାକର୍ଷଣ ଶକ୍ତି(ମାଇକ୍ରୋଗ୍ରାଭିଟି) ଯୋଗୁ ଶରୀରର ତରଳ ପଦାର୍ଥ ଶରୀରର ଉପରିଭାଗକୁ ପ୍ରବାହିତ ହୋଇଥାଏ। ଏହାଦ୍ଵାରା ନାକ ଜାମ ହୋଇଯାଏ ଏବଂ ଗୋଡ଼ରେ ଜଳୀୟଅଂଶ ହ୍ରାସ ପାଇଥାଏ। ଶରୀରରେ ରକ୍ତ ହ୍ରାସ ପାଏ ଏବଂ ରକ୍ତଚାପ ଅନିୟନ୍ତ୍ରିତ ହୋଇଥାଏ।
ମାଇକ୍ରୋଗ୍ରାଭିଟି ଯୋଗୁ ଶରୀର ମାଂସପେଶୀ ଏବଂ ହାଡ଼ର ଦ୍ରୁତ ଅବକ୍ଷୟ ଘଟିଥାଏ। ବିଶେଷକରି ଗୋଡ଼ ଏବଂ ମେରୁଦଣ୍ଡ ହାଡ଼ରେ ଏହି ସମସ୍ୟା ହୋଇଥାଏ। ହାଡ଼ର ଘନତ୍ଵ ବା ସାନ୍ଦ୍ରତା ହ୍ରାସ ପାଇ ପତଳା ଏବଂ ଦୁର୍ବଳ ହୋଇଯାଏ।
