ମହାକାଶରୁ ମତଦାନ : ଆମେରିକା ରାଷ୍ଟ୍ରପତି ନିର୍ବାଚନ ପାଇଁ ମହାକାଶରେ ଭୋଟ୍ ଦେଲେ ସୁନୀତା ୱିଲିୟମ୍ସ…
1 min read
ଆମେରିକା ରାଷ୍ଟ୍ରପତି ନିର୍ବାଚନ ପାଇଁ ମହାକାଶରୁ ଭୋଟ୍ ଦେଲେ ଭୋଟର। ବର୍ତ୍ତମାନ ଅନ୍ତର୍ଜାତୀୟ ମହାକାଶ କେନ୍ଦ୍ରରେ ଥିବା ମହାକାଶଚାରୀ ସୁନିତା ଆମେରିକା ରାଷ୍ଟ୍ରପତି ନିର୍ବାଚନ ପାଇଁ ନିଜର ମତସାବ୍ୟସ୍ତ କରିଛନ୍ତି। ନାସା ତରଫରୁ ଏହି ବ୍ୟବସ୍ଥା କରାଯାଇଛି, ଯେଉଁଥିରେ ମହାକାଶରୁ ମଧ୍ୟ ମହାକାଶଚାରୀମାନେ ଭୋଟ୍ ଦେଇପାରିବେ । ନାଗରିକମାନେ ଯେମିତି ନିଜ ଅଧିକାରରୁ ବଞ୍ଚିତ ନହୁଅନ୍ତି, ସେଥିପାଇଁ ନାସା ତରଫରୁ ଏପରି ବ୍ୟବସ୍ଥା କରାଯାଇଛି । ମହାକାଶରେ ଥାଇ ମଧ୍ୟ ମହାକାଶଚାରୀମାନେ ନାଗରିକର କର୍ତ୍ତବ୍ୟ ପାଳନ କରିପାରିବେ । ରିପୋର୍ଟରୁ ଜଣାପଡିଛି ଯେ ଚାରି ଜଣ ଆମେରିକୀୟ ବର୍ତ୍ତମାନ ମହାକାଶରେ ଅଛନ୍ତି । ସେମାନଙ୍କ ମଧ୍ୟରେ ଦୁଇଜଣ ବୋଇଙ୍ଗ ଷ୍ଟାରଲିନର୍ ମହାକାଶଚାରୀ – ସୁନୀତା ୱିଲିୟମ୍ସ ଏବଂ ବଚ୍ ୱିଲମୋର ମହାକାଶରେ ଆସନ୍ତା ଫେବୃଆରୀ ପର୍ଯ୍ୟନ୍ତ ରହିବେ ।
ଭାରତୀୟ ବଂଶୋଭବ ସୁନୀତା ୱିଲିୟମ୍ସ ଗତ ସେପ୍ଟେମ୍ବରରେ କହିଥିଲେ, ନଫେରି ପାରିବାରୁ ସେ ମହାକାଶରୁ ହିଁ ଭୋଟ୍ ଦେବାକୁ ଚାହିଁବେ । କାରଣ ଏହା ନାଗରିକର ବ୍ୟକ୍ତିଗତ ଅଧିକାର ।
ପୃଥିବୀ ବାହାରେ ରହୁଥିବା ମହାକାଶଚାରୀମାନଙ୍କୁ ନିର୍ବାଚନରେ ଭାଗ ନେବାକୁ ନାସା ସ୍ପେଶ୍ ଯୋଗାଯୋଗ ଏବଂ ନାଭିଗେସନ୍ ପ୍ରୋଗ୍ରାମକୁ ସହଜ କରିଛି । ଏହା ଅଧୀନରେ, ଯେତେବେଳେ ଜଣେ ମହାକାଶଚାରୀ ଏକ ମିଶନରେ ଯାଆନ୍ତି, ତାଙ୍କୁ ଆଗୁଆ ଭୋଟ୍ ଦେବାକୁ ପଞ୍ଜିକରଣ କରିବାକୁ ପଡିଥାଏ ।
ଏଥିପାଇଁ ମହାକାଶଚାରୀଙ୍କୁ ଏକ ଫେଡେରାଲ୍ ପୋଷ୍ଟକାର୍ଡ ଆବେଦନ ପୂରଣ କରିବାକୁ ପଡିଥାଏ । ଏହି ଆବେଦନ ଅନ୍ୟ ନାଗରିକଙ୍କ ଦ୍ୱାରା ମଧ୍ୟ ପୂରଣ ହୋଇପାରିଥାଏ । ଯେତେବେଳେ ସୁନୀତା ୱିଲିୟମ୍ସ ମହାକାଶକୁ ଯାଇଥିଲେ, ସେ ଜାଣି ନଥିଲେ ଯେ ସେ ନିର୍ବାଚନ ପର୍ଯ୍ୟନ୍ତ ସେଠାରେ ରହିବେ । ତେଣୁ ସେ ଆବେଦନ କରିପାରିନଥିଲେ । ଯଦିଓ ସେ ଅଟକି ରହିଛନ୍ତି, ତାଙ୍କୁ ଏହି ସୁଯୋଗ ଦିଆଯାଇଛି ।
ପୂର୍ବରୁ ମହାକାଶରୁ ଭୋଟ୍ ଦିଆଯାଇଥିଲା, ଡେଭିଡ ଓ୍ୱଲଫ ୧୯୯୭ରେ ମହାକାଶରୁ ପ୍ରଥମେ ଭୋଟ୍ ଦେଇଥିଲେ । ସେବେଠାରୁ ମହାକାଶଚାରୀମାନେ ଏହାକୁ କ୍ରମାଗତ ଭାବରେ ଅନୁସରଣ କରି ଆସୁଥିଲେ। ୨୦୧୬ ଏବଂ ୨୦୨୦ରେ ସୁନୀତା ୱିଲିୟମ୍ସ ଏହା ପୂର୍ବରୁ ଦୁଇଥର କରିଛନ୍ତି । ସୁନୀତା ୱିଲିୟମ୍ସ ଏବଂ ୱିଚ୍ ବର୍ତ୍ତମାନ ୨୦୨୫ ପର୍ଯ୍ୟନ୍ତ ଆନ୍ତର୍ଜାତୀୟ ସ୍ପେସ୍ ଷ୍ଟେସନରେ ରହିବେ ।
