ଅଫେରା ରାଇଜରୁ ଫେରିଲେନି ମାଲିକ : ଶେଷରେ ଝୁରି ଝୁରି ଚାଲିଗଲା ସୁଶାନ୍ତଙ୍କ ପ୍ରିୟ ‘ଫଜ୍’
1 min read
ମୁମ୍ବାଇ : ଭାବିଥିଲା ଦିନେନା ଦିନେ ଫେରିବେ ମାଲିକ । ମଣିଷ ସିନା ନୁହଁ ସେ ସବୁଠୁ ଅଧିକ ବୁଝେ ଭଲପାଇବା , ଆଦର ଓ ବିଶ୍ୱାସର ସର୍ମ୍ପକକୁ । ସେଥିପାଇଁତ ଦୀର୍ଘ ୨ ବର୍ଷ ଯାଏଁ ଅପେକ୍ଷା କରି ବସିଲା କାଳେ ତା ମାଲିକ ଫେରିବେ ଆଉ ସେ ଆଗଭଳି ମାଲିକଙ୍କ କୋଳରେ ଗେହ୍ଲା ହେବ , ତାଙ୍କ ସେହ ଖେଳିବ ଆଗଭଳି ପୁଣି ନିଜ ମାଲିକର ପ୍ରିୟ ଫଜ୍ ହୋଇଯିବ । ଆପଣ ଏଠି ଭାବୁଥିବେ କିଏ ମାଲିକ ଆଉ କଉ ଫଜ୍ ।
ତେବେ ଆମେ ଏଠି କହୁଛି ବଲିଉଡ୍ର ସୁଶାନ୍ତ ସିଂ ରାଜପୁତଙ୍କ କଥା । ସୁଶାନ୍ତ ନିଜଠୁ ବି ଅଧିକ ବେଶୀ ଭଲପାଉଥିଲେ । ଆଉ ସେ ଥିଲା ତାଙ୍କ ଏକମାତ୍ର ପ୍ରିୟ କୁକୁର ଫଜ୍ । ସେ ମଧ୍ୟ ସୁଶାନ୍ତଙ୍କୁ ନିଜ ମାଲିକଠୁ ଅଧିକ ଭାବୁଥିଲା । ସୁଶାନ୍ତଙ୍କ ଭିତରେ ଫଜ୍ ନିଜ ପରିବାର ଦେଖୁଥିଲା । ତେବେ ପ୍ରଶଂସକମାନେ ସୁଶାନ୍ତଙ୍କ ମୃତ୍ୟୁ ଦୁଃଖରୁ ବାହାରି ପାରୁନଥିବା ବେଳେ ଆଜି ପୁଣି ଏକ ଶକ୍ତ ଝଟ୍କା ଲାଗିବ ସୁଶାନ୍ତଙ୍କ ଫ୍ୟାନ୍ସମାନଙ୍କୁ । କାରଣ ଆଉ ନାହାନ୍ତି ସୁଶାନ୍ତଙ୍କ କୁକୁର ଫଜ୍ । ଶେଷରେ ସୁଶାନ୍ତଙ୍କ ଫେରିବା ବାଟକୁ ଚାହି ଚାହିଁ ଆଜି ଛାଲିଯାଇଛି ସୁଶାନ୍ତଙ୍କ ପାଖକୁ । ଏଭଳି ଏକ ଦୁଃଖଦ ଖବର ଟୁଇଟ୍ କରି ଜଣାଇଛନ୍ତି ସୁଶାନ୍ତଙ୍କ ଭଉଣୀ ।
ସେ ଫଜ୍ ସହ ସୁଶାନ୍ତ ଏବଂ ନିଜର ଫଟୋ ସେୟାର କରି ଏଭଳି ଖବର ଦେଇଛନ୍ତି ।ସୁଶାନ୍ତଙ୍କ ମୃତ୍ୟୁ ପରେ ଫଜ୍ ର ଦାୟିତ୍ୱ ତାଙ୍କ ଭଉଣୀ ପ୍ରିୟଙ୍କା ରଖୁଥିଲେ । ମୁମ୍ବାଇରେ ସୁଶାନ୍ତ ନେଇଥିବା ଆପାର୍ଟମେଣ୍ଟରୁ ଫଜ୍ ସିଧା ପ୍ରିୟଙ୍କାଙ୍କ ସହ ଫରିଦାବାଦ୍ ପଳାଇଯାଇଥିଲେ ସତ କିନ୍ତୁ ଭୁଲି ପାରିନଥିଲେ ମାଲିକ ସୁଶାନ୍ତଙ୍କୁ । ପିଲାଟି ଦିନରୁ ଫଜ୍ ସୁସାନ୍ତଙ୍କ ପାଖରେ ବଢିଥିଲା । କିନ୍ତୁ ଗଲାବେଳେ ସୁଶାନ୍ତ ତାକୁ ଏକୁଟିଆ କରି ଚାଲିଯିବାଟା ବୋଧ ହୁଏ ସେ ପଶୁଟାକୁ ମଧ୍ୟ ଭିତରୁ ଦୁଃଖିତ କରିଦେଉଥିଲା ।ପ୍ରିୟଙ୍କାଙ୍କ କହିବା ଅନୁଯାୟୀ ଫଜ୍ ସୁଶାନ୍ତଙ୍କ ସହ ଖୁବ୍ ନାଚ କୁଦ୍ , ମସ୍ତି କରେ କିନ୍ତୁ ଯେବେଠୁ ସୁଶାନ୍ତ ଚାଲିଯାଇଛି । ସେବେଠୁ ଫଜ୍ ମଧ୍ୟ ନିରବି ଯାଇଛି । ସେ ଆଗଭଳି ନା ଖେଳୁଥିଲା ନା କୁଆଡେ ଯାଉଥିଲା । ଗୋଟେ ଘରେ ଚୁପଚାପ ଶୋଇରୁହେ । ଫଶୁ ହେଲେ ବି ସେ ମଣିଷ ଭଳି ବ୍ୟବହାର କରୁଥିଲା । କେଉଁଠି ନା କେଉଁଠି ସୁଶାନ୍ତର ଅନୁପସ୍ଥିତିକୁ ସେ ୨ ବର୍ଷ ହେବ ଝୁରି ହେଉଥିଲା । ଆଉ ଆଜି ଶେଷରେ ଆମକୁ ଛାଡି ସୁଶାନ୍ତ ପାଖକୁ ଚାଲିଗଲା ।
ତେବେ ପ୍ରିୟଙ୍କାଙ୍କ ପୋଷ୍ଟରେ ଅନେକ ପ୍ରଶଂସକମାନେ ଫଜର ଶାନ୍ତି କାମନା କରି କହିଛନ୍ତି । ଜଣେ ପଶୁ ହିଁ ମଣିଷର ପ୍ରକୃତ ବନ୍ଧୁ । ଫଜ୍ର ଆତ୍ମାକୁ ଶାନ୍ତି ମିଳୁ ବୋଲି ସୁଶାନ୍ତଙ୍କ ହଜାର ହଜାର ପ୍ୟାନ୍ସ କମେଣ୍ଟ ଦେଇଛନ୍ତି ।
୧୪ ଜୁନ ୨୦୨୦ ରେ ସନ୍ଦେହ ଜନକ ଭାବେ ସୁଶାନ୍ତଙ୍କ ମୃତ୍ୟୁ ହୋଇଥିଲା । ବର୍ତ୍ତମାନ ଯାଏଁ ମଧ୍ୟ ସୁସାନ୍ତଙ୍କ ମୃତ୍ୟୁ ଉପରୁ ପରଦା ଉଠାଇ ପାରିନାହିଁ ପୋଲିସ , କ୍ରାଇମବ୍ରାଞ୍ଚ ଏବଂ ଏସଟିଏଫ୍ । ନିକଟରେ ସୁଶାନ୍ତଙ୍କ ଶବ ବ୍ୟବିଚ୍ଚେଦ କରିଥିବା ଜଣେ ଷ୍ଟାପ୍ ମଧ୍ୟ ଆଗକୁ ବାହାରିଥିଲେ ସୁଶାନ୍ତଙ୍କୁ ନ୍ୟାୟ ଦେବା ପାଇଁ । ସୁଶାନ୍ତଙ୍କ ଶବ ବ୍ୟବଚ୍ଛୈଦର ପ୍ରକୃତ ସତ ରଖିଥିଲେ ଗଣମାଧ୍ୟମ ଆଗରେ । ସେସବୁ ପରେ ମଧ୍ୟ ଆଜି ଯାଏଁବି ଉଠିପାରୁନାହିଁ ସୁଶାନ୍ତଙ୍କ ମୃତ୍ୟୁ ଉପରୁ ପରଦା ।
