ଟି-୨୦ ବିଶ୍ୱକପ୍ ; ଫାଇନାଲରେ ଏଣ୍ଟ୍ରି କଲା ଭାରତ କାନ୍ଦିଲେ ରୋହିତ୍ , ଏମିତି ବୁଝାଇଲେ କୋହଲି ….
1 min read
ଦୀର୍ଘ ୧୦ ବର୍ଷ ପରେ ପୂରଣ ହୋଇଛି ଟିମ୍ ଇଣ୍ଡିଆର ସ୍ୱପ୍ନ । ଆଇସିସି ଟି-୨୦ ବିଶ୍ୱକପ୍ ଫାଇନାଲରେ ପ୍ରବେଶ କରିଛି ଟିମ୍ ଇଣ୍ଡିଆ। ଆଉ ଏହି ଖୁସିରେ ନିଜ କୋହକୁ ସମ୍ଭାଳି ପାରିନାହନ୍ତି କ୍ୟାପଟେନ୍ ରୋହିତ ଶର୍ମା । ମ୍ୟାଚ୍ ସରିବା ପରେ ଆଉ ନିଜକୁ ସମ୍ଭାଳି ପାରିନଥିଲେ ରୋହିତ୍ । ଡ୍ରେସିଂ ରୁମର ବାହାରେ ଏକ ଚେୟାର ଉପରେ ବସି ସେ ଖୁସିରେ କାନ୍ଦୁଥିବାର ନଜର ଆସିଥିଲେ । ଯାହାର ଫଟୋ ଓ ଭିଡିଓ ବର୍ତ୍ତମାନ ସାମ୍ନାକୁ ଆସିଛି ।
ମ୍ୟାଚ୍ ଶେଷ ହେବା ପରେ ଭାରତୀୟ ଖେଳାଳିମାନେ ଅନ୍ୟ ପ୍ରତିଯୋଗୀଙ୍କୁ ହ୍ୟାଣ୍ଡ୍ସସେକ୍ କରି ଡ୍ରେସିଂ ରୁମକୁ ଯାଉଥିଲେ। କିନ୍ତୁ ରୋହିତ ଏକ ଚ୍ୟାୟାରରେ ବସି କାନ୍ଦୁଥିବାର ନଜର ଆସିଥିଲେ । ଏହି ସମୟରେ କୋହଲିଙ୍କ ଆଖି ରୋହିତଙ୍କ ଉପରେ ପଡ଼ି ଥିଲା । ଆଉ ସେ ତୁରନ୍ତ ଯାଇ ରୋହିତଙ୍କୁ ହସାଇବାକୁ ଚେଷ୍ଟା କରିଥିଲେ । ଏହା ପରେ ପରେ ସୂର୍ଯ୍ୟକୁମାର ଯାଦବ ମଧ୍ୟ ରୋହିତଙ୍କ ପାଖକୁ ଯାଇ ତାଙ୍କୁ ବୁଝାଇଥିଲେ ।
ସେମି ଫାଇନାଲରେ ଇଂଲଣ୍ଡଠୁ ବଦଲା ନେଇଛି ଭାରତ । ଟି-୨୦ ବିଶ୍ୱକପ ଫାଇନାଲରେ ପ୍ରବେଶ କରିଛି ଭାରତ। ଡିଫେଣ୍ଡିଂ ଚାମ୍ପିଅନ ଇଂଲଣ୍ଡକୁ ୬୮ ରନରେ ହରାଇ ଫାଇନାଲରେ ପହଞ୍ଚିଛି ଟିମ୍ ଇଣ୍ଡିଆ। ଏହି ବିଜୟ ସହ ଇଂଲଣ୍ଡଠାରୁ ୨୦୨୨ ଟି-ଟ୍ବେଣ୍ଟି ୱାର୍ଲଡ କପ୍ ସେମିଫାଇନାଲ୍ ପରାଜୟର ବଦଲା ନେଇଛି ରୋହିତ ବାହିନୀ।ସେମି ଟକ୍କରରେ ଉଭୟ ବ୍ୟାାଟିଂ ଓ ବୋଲିଂରେ ଦମ୍ ଦେଖାଇଥିଲେ ମେନ୍ ଇନ୍ ବ୍ଲୁ। ରୋହିତ ଶର୍ମା, ସୂର୍ଯ୍ୟକୁମାର ଯାଦବ ଓ ହାର୍ଦ୍ଦିକ ପାଣ୍ଡ୍ୟାଙ୍କ ଦମଦାର୍ ବ୍ୟାଟିଂ ପରେ ବୋଲିଂରେ ଘାଇଲା କରିଥିଲେ କୁଳଦୀପ ଯାଦବ ଓ ଅକ୍ଷର ପଟେଲ। ଫଳରେ ଇଂଲିଶ ବାହିନୀ ଟାର୍ଗେଟ ପୂରା କରିବାରେ ଅସମର୍ଥ ହୋଇଥିଲା। ୧୬.୧ ଓଭରରେ ୧୦୩ ରନରେ କରି ଅଲ୍ ଆଉଟ୍ ହୋଇଯାଇଥିଲା ଇଂଲଣ୍ଡ।
