ଜେଲ୍ ଗଲେ ରସିକିଆ ସସ୍କୁତ ମାଷ୍ଟର ; ଛାତ୍ରୀଙ୍କୁ ବହି କିଣିଦେବା କହି ଏପରି କଲେ ସାର୍
1 min read
ବଲାଙ୍ଗୀର : ଶିକ୍ଷକ ନାଁରେ କଳଙ୍କ । ନବମ ଶ୍ରେଣୀ ଛାତ୍ରୀଙ୍କୁ ବହି କିଣିଦେବା କହି ବାଇକ୍ରେ ନେଲେ । ଜଙ୍ଗଲିଆ ରାସ୍ତାରେ ଅସଦାଚରଣ କରିବାକୁ ଉଦ୍ୟମ କଲେ । ଏବେ ଧରାପଡ଼ିବା ପରେ ମାମୁଁଘରେ ସାର୍ । ପେଶା ଶିକ୍ଷକତା ନିଶା କିନ୍ତୁ କିଛି ଅଲଗା । ସ୍କୁଲରେ ସଂସ୍କୃତ ଓ ସାହିତ୍ୟ ପଢାଉଥିବା ବେଳେ ଛାତ୍ରୀଙ୍କୁ ଭଲପାଇ ବସିଲେ । ଖାଲି ଭଲପାଇଲେ ତାହା ନୁହେଁ ବରଂ ତାଙ୍କୁ ମିଛ ପ୍ରତିଶ୍ରୁତି ଦେବାକୁ ପଛାଇଲେନି । ଏମିତିକି ବହି କିଣି ଦେବା ଲାଗି କହିଲେ । ଖାଲି ପ୍ରତିଶ୍ରୁତି ଦେଇଥିଲେ ତାହା ନୁହେଁ ବରଂ ବାଇକ୍ରେ ବସାଇ ବି ନେଲେ । କିନ୍ତୁ ସାରଙ୍କ ମନରେ ଥିବା ମନ୍ଦ ଉଦ୍ଦେଶ୍ୟର ଟେର ପାଇନଥିଲେ ଛାତ୍ରୀ ଜଣକ ।
ସାରଙ୍କ ସହ ଗାଡ଼ିରେ ଯାଉଥିବା ବେଳେ ନିଛାଟିଆ ରାସ୍ତା ଦେଖି ଅସଦାଚରଣ କରିବାକୁ ଉଦ୍ୟମ କଲେ । ହେଲେ ଛାତ୍ରୀ ଜଣକ ଚିତ୍କାର କରିବାରୁ ଜଙ୍ଗଲରେ ଛାଡ଼ି ଦେଇ ଫେରାର ମାରିଲେ ଶିକ୍ଷକ ଜଣକ । ଆଉ ପୂରା ଘଟଣା ଜଣାପଡ଼ିବା ପରେ ଏବେ ଗିରଫ ହେଲେ ରସିକିଆ ସାର୍ । ଅଭିଯୋଗ ପରେ ପୋସ୍କୋ ଆଇନ୍ ବଳରେ ତାଙ୍କୁ ତୁରନ୍ତ ଗିରଫ କରାଯାଇ ଜେଲ୍ ପଠାଇ ଦିଆଯାଇଛି। ଏପରି ରସିକିଆ ସାର୍ଜଣକ ହେଲେ ବଲାଙ୍ଗିର ଜିଲ୍ଲା ଖପ୍ରାଖୋଲ କନଗାଁର ସତ୍ୟନାରାୟଣ ନାଏକ।
ତେବେ ସତ୍ୟନାରାୟଣ ଯୋଗୀମୁଣ୍ଡା ହାଇସ୍କୁଲରେ ସଂସ୍କୃତ ଆଉ ସାହିତ୍ୟ ପାଠ ପଢାଉଥିଲେ । ହେଲେ ପାଠପଢାଉ ପଢାଉ ନବମ ଶ୍ରେଣୀର ଜଣେ ଛାତ୍ରୀଙ୍କୁ ମିଛ ଜାଲରେ ଫସାଇ ବହି କିଣିଦେବା ବାହାନା କରି ପାଟଣାଗଡ଼କୁ ଯିବାକୁ କହିଥିଲେ । ଏମିତିକି ନିଜ ମଟର ସାଇକେଲରେ ବସାଇ ସଂପୃକ୍ତ ଛାତ୍ରୀଙ୍କୁ ବି ଆଣିଥିଲେ ।ଯୋଗୀମୁଣ୍ଡାରୁ ପାଟଣାଗଡ଼କୁ ପକ୍କା ରାସ୍ତା ଥିବାବେଳେ ସାର କିନ୍ତୁ ଜଙ୍ଗଲ ରାସ୍ତା ଦେଇ ପାଟଣାଗଡ଼ ଆସୁଥୁଲେ । ଏହି ରାସ୍ତାରେ ନିଛାଟିଆ ସ୍ଥାନ ଦେଖି ଛାତ୍ରୀଙ୍କୁ ଅସଦାଚରଣ କରିବାକୁ ଉଦ୍ୟମ କରିଥିଲେ । ହେଲେ ସାର୍ଙ୍କ କଥାରେ ଛାତ୍ରୀ ଜଣକ ରାଜି ନହେବା ସହିତ ଚିତ୍କାର କରିଥିଲେ । ପରେ ଘଟଣାସ୍ଥଳରୁ ଫେରାର ମାରିଥିଲେ ସାର୍ । ଘଟଣା ପରେ ଛାତ୍ରୀଙ୍କ ପରିବାର ପକ୍ଷରୁ ଥାନାରେ ଅଭିଯୋଗ କରାଯିବ ପରେ ସାର୍ଙ୍କୁ ଗିରଫ କରିବା ସହିତ ଡାକ୍ତରୀମାଇନା କରାଇଛି ପୋଲିସ୍ । ଏହାସହ ବଲାଙ୍ଗୀର ପୋସ୍କୋ କୋର୍ଟକୁ ସାରଙ୍କୁ ଚାଲାଣ କରାଯାଇଥିବା ପାଟଣାଗଡ଼ ଉପଖଣ୍ଡ ପୁଲିସ ଅଧିକାରୀ ସୂଚନା ଦେଇଛନ୍ତି ।
