ଇଣ୍ଡିଆ-ଇଲଂଣ୍ଡ ଟେଷ୍ଟ ସିରିଜ୍ ; ଦଳରୁ ବାଦ୍ ପଡିଲେ ଇଶାନ-ଶାମି , ନୂଆ ଖେଳାଳିଙ୍କ ସହ ପଡିଆକୁ ଓହ୍ଲାଇବ ଟିମ୍ ଇଣ୍ଡିଆ ….

ନୂଆଦିଲ୍ଲୀ ; ଇଂଲଣ୍ଡ ବିପକ୍ଷ ପ୍ରଥମ ଦୁଇଟି ଟେଷ୍ଟ ମ୍ୟାଚ୍ ପାଇଁ ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ଶୁକ୍ରବାର ଦିନ ଟିମ୍ ଇଣ୍ଡିଆର ଦଳ ଘୋଷଣା କରିଛି। ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟ ପାଇଁ ଦ୍ରୁତ ବୋଲର ମହମ୍ମଦ ଶାମି ଏବଂ ୱିକେଟ୍ କିପର-ବ୍ୟାଟ୍ସମ୍ୟାନ୍ ଇଶାନ କିଶନ ଟେଷ୍ଟ ସିରିଜରୁ ବାଦ୍ ପଡିଛନ୍ତି। ପ୍ରଥମ ଦୁଇଟି ଟେଷ୍ଟ ମ୍ୟାଚ୍ ଯଥାକ୍ରମେ ହାଇଦ୍ରାବାଦ ଏବଂ ବିଶାଖାପାଟନମରେ ଖେଳାଯିବ।

ତେବେ ଗୋଡରେ ଆଘାତ ଲାଗିଥିବାରୁ ଶାମି ଦଳ ବାହାରେ ଥିବାବେଳେ କିଶନ ବିଶ୍ରାମ ମାଗିଥିଲେ। ଏହି ସମୟରେ ଯୁବ ୱିକେଟ୍ କିପର-ବ୍ୟାଟ୍ସମ୍ୟାନ୍ ଧ୍ରୁଭ ଜୁରେଲ ଜାନୁୟାରୀ ୨୫ ରୁ ଆରମ୍ଭ ହେବାକୁ ଥିବା ସିରିଜ ପାଇଁ ତାଙ୍କର ପ୍ରଥମ କଲ-ଅପ୍ ଗ୍ରହଣ କରିଛନ୍ତି। ଉପ-ଅଧିନାୟକ ଭାବେ ରୋହିତ ଶର୍ମା ଦଳର ନେତୃତ୍ୱ ନେବେ।

ବିସିସିଆଇ ଏକ ବିବୃତ୍ତିରେ କହିଛି, “ପୁରୁଷ ଚୟନ କମିଟି ଇଂଲଣ୍ଡ ବିପକ୍ଷ ପ୍ରଥମ ଦୁଇଟି ଟେଷ୍ଟ ମ୍ୟାଚ୍ ପାଇଁ ଭାରତ ଦଳ ଘୋଷଣା କରିଛି। ଭାରତ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳିବାକୁ ଯାଉଛି, ଯାହାର ପ୍ରଥମ ମ୍ୟାଚ୍ ୨୫ ଜାନୁଆରୀ ୨୦୨୪ ରୁ ହାଇଦ୍ରାବାଦରେ ଖେଳାଯିବ। । ” ଚଳିତ ମାସ ଆରମ୍ଭରେ ଦକ୍ଷିଣ ଆଫ୍ରିକା ବିପକ୍ଷ ଦ୍ୱିତୀୟ ତଥା ଅନ୍ତିମ ଟେଷ୍ଟ ପାଇଁ ଦଳର ଅଂଶ ହୋଇଥିବା ଫାଷ୍ଟ ବୋଲର ଆଭେଶ ଖାନଙ୍କୁ ମଧ୍ୟ ଦଳରେ ସାମିଲ କରାଯାଇଛି। ଦ୍ରୁତ ବୋଲର ପ୍ରସିଦ୍ଧ କୃଷ୍ଣ ମଧ୍ୟ ପ୍ରଥମ ଦୁଇଟି ସିରିଜରେ ଭାଗ ନେବେ ନାହିଁ। ଶେଷ ସିରିଜ୍ ରାଜକୋଟ, ରାଞ୍ଚି ଏବଂ ଧର୍ମଶାଳାରେ ଖେଳାଯିବ।

ଇଂଲଣ୍ଡ ବିପକ୍ଷରେ ୨ ଟେଷ୍ଟ ସିରିଜ୍ ପାଇଁ ଟିମ୍ : ରୋହିତ ଶର୍ମା (ଅଧିନାୟକ), ଶୁଭମାନ ଗିଲ, ଯଶସ୍ୱୀ ଜୈସୱାଲ, ବିରାଟ କୋହଲି, ଶ୍ରେୟସ ଆୟର, କେ.ଏଲ୍ ରାହୁଲ, କେ.ଏସ୍ ଭରତଧ୍ରୂଭ ଜୁରେଲ, ରବିଚନ୍ଦ୍ରନ ଅଶ୍ୱିନ, ରବିନ୍ଦ୍ର ଜାଡେଜା। , ଅକ୍ଷର ପଟେଲ, କୁଲଦୀପ ଯାଦବ, ମୋହମଦ୍ ସିରାଜ, ମୁକେଶ କୁମାର, ଜସପ୍ରୀତ ବୁମ୍ରା, ଆବେଶ ଖାନ ।