ଇଂଲଣ୍ଡ ବିପକ୍ଷ ଦ୍ୱୀତିୟ ଟେଷ୍ଟ ପୂର୍ବରୁ ଭାରତାୟ ଦଳକୁ ଲାଗିଲା ଡବଲ ଝଟକା …

ଭାରତୀୟ ଦଳକୁ ଲାଗିଛି ଡବଲ ଝଟକା । ବିଶାଖାପାଟନମରେ ଖେଳାଯିବାକୁ ଥିବା ଦ୍ୱିତୀୟ ଟେଷ୍ଟରୁ ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜା ଏବଂ ମିଡିଲ ଅର୍ଡର ବ୍ୟାଟ୍ସମ୍ୟାନ କେ.ଏଲ ରାହୁଲଙ୍କୁ ବାଦ ଦିଆଯାଇଛି । ବିସିସିଆଇ ପକ୍ଷରୁ ଏହି ସୂଚନା ଦେଇଛି । ତେବେ ଇଂଲଣ୍ଡ ବିପକ୍ଷରେ ୫ ମ୍ୟାଚ ବିଶିଷ୍ଟ ଟେଷ୍ଟ ସିରିଜ୍ ରେ ଭାରତ ୦-୧ ରେ ପଛରେ ରହିଛି । ଆସନ୍ତା ଫେବୃଆରୀ ୨ରୁ ବିଶାଖାପଟନମ ରେ ଇଂଲଣ୍ଡ ବିପକ୍ଷରେ ଦ୍ୱିତୀୟ ଟେଷ୍ଟ ମ୍ୟାଚ ଖେଳାଯିବ । ତେବେ ଆହତ ଜନିତ ସମସ୍ୟା କାରଣରୁ ରବିନ୍ଦ୍ର ଜାଡେଜା ଓ କେ.ଏଲ ରାହୁଲଙ୍କୁ ବାଦ ଦିଆଯାଇଛି । ହାଇଦ୍ରାବାଦରେ ମ୍ୟାଚର ଚତୁର୍ଥ ଦିନରେ ଜାଡେଜାଙ୍କ ମାଂସ ପେଶୀରେ ଆଘାତ ଲାଗିଥିଲା ତା ସହିତ କେଏଲ ରାହୁଲ ମଧ୍ୟ ତାଙ୍କ ଡାହାଣ ଜଙ୍ଘରେ ଯନ୍ତ୍ରଣା ଅନୁଭବ କରିଥିଲେ । ତେବେ ବିସିସିଆଇର ମେଡିକାଲ ଦଳ ଏହି ଦୁଇ ଖେଳାଳିଙ୍କ ଉପରେ ନଜର ରଖିଛନ୍ତି । ତେବେ ଏହି ଟେଷ୍ଟରେ ସର୍ଫରାଜ ଖାନ , ସୁନ୍ଦର ଓ ସୌରଭ କୁମାରଙ୍କୁ ଦଳରେ ସାମିଲ କରିଛନ୍ତି ।

ତେବେ ଏହି ଟେଷ୍ଟ ମ୍ୟାଚରେ ରୋହିତ ଶର୍ମା (ଅଧିନାୟକ ), ଶୁଭମାନ ଗିଲ, ଯଶସ୍ୱୀ ଜୟସ୍ୱାଲ, ଶ୍ରେୟସ ଆୟର, କେ.ଏସ୍ ଭରତ (ଉଇକେଟ କିପର ), ଧ୍ରୁଭ ଜୁରେଲ (ଉଇକେଟ କିପର), ରବିଚନ୍ଦ୍ରନ ଅଶ୍ୱିନ୍‌, ଅକ୍ଷର ପଟେଲ, କୁଲଦୀପ ଯାଦବ, ମହମ୍ମଦ ସିରାଜ, ମୁକେଶ କୁମାର, ଜସପ୍ରୀତ ବୁମ୍ରା (ଉପଅଧିନାୟକ), ଅଭେଶ ଖାନ, ରଜତ ପାଟିଦାର, ସରଫରାଜ ଖାନ, ୱାଶିଂଟନ୍ ସୁନ୍ଦର, ସୌରଭ କୁମାରଙ୍କ ନାମ ଘୋଷଣା କରିଛି ବିସିସିଆଇ ।