ଥାଲାପତି ବିଜୟ ନେଲେ ଅଭିନୟ ଛାଡିବାକୁ ନିଷ୍ପତ୍ତି , କାରଣ ଜାଣିଲେ ଆପଣ ବି ହୋଇଯିବେ ଆଶ୍ଚର୍ଯ୍ୟ !
1 min readଦକ୍ଷିଣ ଫିଲ୍ମ ଇଣ୍ଡଷ୍ଟ୍ରିର ସୁପରଷ୍ଟାର ଥାଲାପତି ବିଜୟ ଚମତ୍କାର ଅଭିନୟ କରି ଦର୍ଶକଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛନ୍ତି । ତାଙ୍କର ଫିଲ୍ମ ଦେଖିବାକୁ ଅପେକ୍ଷା କରିଥାନ୍ତି ଦର୍ଶକ । ହେଲେ ଏବେ ତାଙ୍କ ପ୍ରଶଂସକଙ୍କୁ ଲାଗିଛି ବଡ ଝଟକା । କାରଣ ଅଭିନୟ ଛାଡ଼ିଦେବେ ବିଜୟ । ଥାଲାପତି ବିଜୟ ଆଉ ଫିଲ୍ମରେ ଦେଖାଯିବେ ନାହିଁ। ଫିଲ୍ମରୁ ସନ୍ୟାସ ନେବାକୁ ମନସ୍ଥ କରିଛନ୍ତି। ନିଜ ପ୍ରଡକ୍ସନ୍ ହାଉସ୍ ଦ୍ବାରା ଏକ ଭିଡ଼ିଓ ରିଲିଜ୍ କରି ସେ ଏହା ଘୋଷଣା କରିଛନ୍ତି।
ଏହି ଭିଡ଼ିଓରେ, ଥାଲାପତିଙ୍କ ଚଳଚ୍ଚିତ୍ର ଯାତ୍ରାର ଝଲକ ଦେଖାଯାଇଛି। ଯାହା ଦେଖିବା ପରେ ପ୍ରଶଂସକମାନେ ଅତ୍ୟନ୍ତ ଭାବପ୍ରବଣ ହୋଇ ଯାଇଛନ୍ତି। କିଛି ଲୋକ ଆଶ୍ଚର୍ଯ୍ୟ ହୋଇଯାଇଛନ୍ତି ଯେ ଯେତେବେଳେ ଥାଲାପତିଙ୍କର ପ୍ରତ୍ୟେକ ଚଳଚ୍ଚିତ୍ର ସୁପରହିଟ୍ ଏବଂ ବ୍ଲକବଷ୍ଟର ବୋଲି ପ୍ରମାଣିତ ହେଉଛି ସେତେବେଳେ ସେ ହଠାତ୍ କାହିଁକି ଏପରି ନିଷ୍ପତ୍ତି ନେଲେ? ନିକଟରେ ଥାଲାପତି ବିଜୟ ତାଙ୍କର ଶେଷ ଚଳଚ୍ଚିତ୍ର ‘ଥାଲାପତି ୬୯’ ଘୋଷଣା କରିଛନ୍ତି। ଏହି ଚଳଚ୍ଚିତ୍ର ରିଲିଜ୍ ହେବା ପରେ ସୁପରଷ୍ଟାର ଇଣ୍ଡଷ୍ଟ୍ରିରୁ ଅବସର ନେବାକୁ ନିଷ୍ପତ୍ତି ନେଇଛନ୍ତି। ତାଙ୍କ ଚଳଚ୍ଚିତ୍ର ‘ଦି ଗ୍ରେଟେଷ୍ଟ ଅଫ୍ ଅଲ୍ ଟାଇମ୍’ (ଜିଓଏଟି) ଗତ ସପ୍ତାହରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା। ରିଲିଜ୍ ହେବା ପରଠାରୁ ଏହି ଚଳଚ୍ଚିତ୍ରଟି ବକ୍ସ ଅଫିସରେ ବେଶ ଭଲ କଲେକ୍ସନ କରୁଛି ।
ଏହି ଫିଲ୍ମ ଏପର୍ଯ୍ୟନ୍ତ ୧୭୭ କୋଟିରୁ ଅଧିକ ଆୟ କରିଛି। ଏହି ରୋଜଗାର କେବଳ ଗୋଟିଏ ସପ୍ତାହର। ଥାଲାପତି ବିଜୟଙ୍କ ଶେଷ ଚଳଚ୍ଚିତ୍ର ‘ଥାଲାପତି ୬୯’ ଘୋଷଣା କରି ପ୍ରଡକ୍ସନ୍ ହାଉସ୍ କେଭିଏନ୍ ଦ୍ୱାରା ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରାଯାଇଛି। ଏହି ପୋଷ୍ଟରରେ କ୍ୟାପସନରେ ସେୟାର କରାଯାଇଛି, ଥାଲାପତି ବିଜୟ ସାର୍ଙ୍କ ପାଇଁ ଆମର ପ୍ରେମ, ଆମେ ସମସ୍ତେ ତୁମର ଚଳଚ୍ଚିତ୍ର ଦେଖିବା ଏବଂ ଏହା ଆଗକୁ ବଢ଼ିଛୁ। ପ୍ରତ୍ୟେକ ପଥରେ ଆପଣ ଆମ ଜୀବନର ଏକ ଅଂଶ ହୋଇଛନ୍ତି। ଆମର ୩୦ ବର୍ଷ ଧରି ମନୋରଞ୍ଜନ କରିଥିବାରୁ ଆପଣଙ୍କୁ ବହୁତ ଧନ୍ୟବାଦ। ପ୍ରଡକ୍ସନ୍ ହାଉସ ପକ୍ଷରୁ ଥାଲାପତି ବିଜୟଙ୍କ ଚଳଚ୍ଚିତ୍ର ଯାତ୍ରାର ଏହି ୫ ମିନିଟର ଭିଡ଼ିଓରେ ଅଭିନେତାଙ୍କର ଆରମ୍ଭରୁ ପୁରା ଯାତ୍ରା ବିଷୟରେ ଝଲକ ଦେଖାଯାଇଛି। ଭିଡ଼ିଓ ଦେଖିବା ପରେ ପ୍ରଶଂସକମାନେ ମଧ୍ୟ ଅତ୍ୟନ୍ତ ଭାବପ୍ରବଣ ହୋଇଯାଇଛନ୍ତି ଏବଂ ଭିଡ଼ିଓର କମେଣ୍ଟ ବକ୍ସରେ ‘ମିସ୍ ୟୁ’ ମନ୍ତବ୍ୟ ଦେଇ ଥାଲାପତି୍କ ପ୍ରତି ନିଜର ପ୍ରେମ ଦେଖାଉଛନ୍ତି। ଗଣମାଧ୍ୟମ ରିପୋର୍ଟ ଅନୁସାରେ ଥାଲାପତି ବିଜୟ ଚଳଚ୍ଚିତ୍ରରୁ ଦୂରେଇ ଯାଇ ତାଙ୍କ ରାଜନୈତିକ କ୍ୟାରିୟର ଉପରେ ଧ୍ୟାନ ଦେବାକୁ ଚାହୁଁଛନ୍ତି। ବୋଧହୁଏ, ଦେଶରେ ୨୦୨୪ଲୋକସଭା ନିର୍ବାଚନ ପୂର୍ବରୁ ଏହି ଅଭିନେତା ତାଙ୍କ ଦଳ ‘ତାମିଝାଗା ଭେତ୍ରି କାଝଗମ’ ଗଠନ କରିଥିଲେ। ଏହାସହିତ ସେ ପାର୍ଟି ପାଇଁ ପତାକା ମଧ୍ୟ ଉନ୍ମୋଚନ କରିଥିଲେ। ପାନାୟୁରପାର୍ଟି କାର୍ଯ୍ୟାଳୟରେ ପତାକା ଉତ୍ତୋଳନ କରୁଥିବାବେଳେ ବିଜୟ ଦଳର ସଂଗୀତ ମଧ୍ୟ ପ୍ରକାଶ କରିଥିଲେ।
.