ବିବାହ ପ୍ରସ୍ତାବରେ ରାଜି ନହେବାରୁ ପ୍ରେମିକାକୁ ଛୁରାମାଡ କରିଥିଲା ପ୍ରେମିକ,ବିହାରରୁ ଗିରଫ କଲା ପୋଲିସ…
1 min read
ପ୍ରେମିକାକୁ ଛୁରାମାଡ କରି ଚମ୍ପଟ ମାରିଥିଲା ପ୍ରେମିକ । ଅଭିଯୁକ୍ତ ପ୍ରେମିକାକୁ ବିବାହରରୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଉମରକୋଟ ରେ କାଳୀ ପୁଜା ଚାଲିଥିବା ବେଳେ ଘଟଣାଟି ଘଟିଥିଲା । କାଳୀ ପୂଜା ଉତ୍ସବରେ ନୃତ୍ୟ ପରିବେଷଣ କରିବାକୁ ପୁରୀ ଜିଲାରୁ ଜୟ ମାଁ କାଳୀ ନାମକ ଏକ ଡ୍ୟାନ୍ସ ଗ୍ରୁପ ଆସିଥିଲେ । ସେମାନେ ବିଭିନ୍ନ ପୂଜାରେ ନୃତ୍ୟ ସରିବା ପରେ ଉମରକୋଟ ସହରରେ ରାଜସ୍ୱ ନିରୀକ୍ଷକ ଙ୍କ କାର୍ଯ୍ୟାଳୟ ପଛ ପଟେ ଏକ ଭଡାଘରେ ରହୁଥିଲେ । ଆଉ ରୋହିତ ସିଂ ନାମକ ଜଣେ ବିହାରୀ ଯୁବକ ପାଚେରୀ ଡେଇଁ ଲିପ୍ସା ରହୁଥିବା ଭଡା ଘର ଭିତରେ ପଶି ଲିପ୍ସାକୁ ଛୁରା ମାଡ଼ କରି ଘଟଣା ସ୍ଥଳରୁ ଫେରାର ହୋଇଯାଇଥିଲେ । ତେବେ ଲିପ୍ସାଙ୍କ ସାଙ୍ଗ ମାନେ ରୋହିତଙ୍କ ବିରୁଦ୍ଧରେ ଉମରକୋଟ ଥାନାରେ ଲିଖିତ ଅଭିଯୋଗ କରିଥିଲେ ।
ତେବେ ମିଳିଥିବା ସୂଚନା ଅନୁସାରେ ରୋହିତର ଘର ବିହାର ଅଞ୍ଚଳରେ। ରୋହିତ ଦୁଇ ବର୍ଷ ପୂର୍ବରୁ ଲିପ୍ସା ଙ୍କୁ ଉତ୍ତର ପ୍ରଦେଶ ରେ ଏକ କାର୍ଯ୍ୟକ୍ରମରେ ଦେଖିଥିଲା । ଆଉ ସେଇଠୁ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ସେବେ ଠାରୁ ଲିପ୍ସା ଯୁଆଡେ ଯାଏ ସେଠାକୁ ରୋହିତ ମଧ୍ୟ ଯାଏ । ତେବେ ରୋହିତ ର ବିବାହ ପ୍ରସ୍ତାବକୁ ଲିପ୍ସା ମନା କରିବାରୁ ଏଥିରେ ରାଗି ଯାଇ ରୋହିତ ଲିପ୍ସା ଙ୍କୁ ଛୁରା ମାଡ ମାରିଥିବା ଉମରକୋଟ ଆଇଆଇସି ଡମ୍ବୁରୁଧର ପ୍ରଧାନ ସୁଚନା ଦେଇଛନ୍ତି । ଲିପ୍ସା ଗୁରୁତର ଆହତ ହୋଇ ପ୍ରଥମେ ଉମରକୋଟ ଓ ପରେ କୋରାପୁଟରେ ଚିକିତ୍ସିତ ହୋଇ ସୁସ୍ଥ ହେଇ ଘରକୁ ଫେରି ଯାଇଛନ୍ତି। ସେପଟେ ରୋହିତ କୁ ଗିରଫ କରିବା ପାଇଁ ନବରଙ୍ଗପୁର ଏସ ପି ଙ୍କ ନିର୍ଦ୍ଧେଶ କ୍ରମେ ଓ ଉମରକୋଟ ଆଇଆଇସି ଙ୍କ ପ୍ରତ୍ୟକ୍ଷ ତତ୍ୱବାଧାନ ରେ ଏକ ଟିମ ଗଠନ ହୋଇଥିଲା ।ଏହି ଟିମ ରେ ସବ ଇନ୍ସପେକ୍ଟର ଅକ୍ଷୟ ମିଶ୍ର ଓ ସବ ଇନ୍ସପେକ୍ଟର ସଂନ୍ତୋଷ କୁମାର ମାଝୀ ଥିଲେ। ଏହି ୨ ପୋଲିସ ଅଧିକାରୀ ବିହାର ର ପାଟଣା କୁ ଯାଇ ରୋହିତ କୁ ଗିରଫ କରି କାଲି ବିଲମ୍ବିତ ରାତିରେ ଉମରକୋଟ ରେ ପହଂଚି ଥିଲେ। ଆଜି ରୋହିତ ବିରୁଦ୍ଧ ରେ ଉମରକୋଟ ଥାନାରେ ଏକ ମାମଲା ରୁଜ୍ଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରିଛି ପୋଲିସ। ଅନ୍ୟପଟେ ଉମରକୋଟ ଅଞ୍ଚଳର ଜଣେ ବ୍ୟକ୍ତି ବିଭିନ୍ନ ସ୍ଥାନରୁ ଝିଅ ମାନଙ୍କୁ ଆଣି ନୃତ୍ୟ କାର୍ଯ୍ୟ ରେ ବ୍ୟବହାର କରୁଥିବା ଜଣା ପଡିଛି । ଏ କଥା ସେ ନିଜେ ମଧ୍ୟ ସ୍ୱୀକାର କରିଛନ୍ତି ଓ ଏଥି ପାଇଁ ତାଙ୍କ ପାଖରେ କୌଣସି ପ୍ରଶାସନିକ ଅନୁମତି ନଥିବା ସେ ପ୍ରକାଶ କରିଛନ୍ତି ।
