ରାଜଧାନୀରେ ମଦ୍ୟପ ଡ୍ରାଇଭରଙ୍କୁ ସାବାଡ୍ କରୁଛି କମିଶନରେଟ୍ ପୋଲିସ୍ , ଗୋଟେ ଦିନରେ ବନ୍ଧା ହେଲେଣି ୨୧ ଜଣ …
1 min read
ଭୁବନେଶ୍ୱର ; ରାଜଧାନୀରେ ମଦ୍ୟପ ଡ୍ରାଇଭରଙ୍କୁ ସାବାଡ୍ କରୁଛି କମିଶନରେଟ୍ ପୋଲିସ । ଏବେ ରାଜଧାନୀ ରାଜରାସ୍ତାରେ ମଦ୍ୟପାନ କରି ଗାଡି ଚଳାଉଥିଲେ ବାନ୍ଧିନେବ ପୋଲିସ । ମିଳିଥିବା ସୂଚନା ଅନୁଯାୟୀ ଗତକାଲି ରାତିରେ ୨୧ଜଣ ମଦ୍ୟପ ଗାଡି ଚାଳକଙ୍କୁ ଗିରଫ କରିବା ଶହ ୨୧ଟି ଗାଡି ଜବତ କରିଛି କମିସନରେଟ ପୋଲିସ । ସର୍ବାଧିକ ଲକ୍ଷ୍ମୀ ସାଗର ଥାନା ଅଞ୍ଚଳରୁ ଗିରଫ ହୋଇଛନ୍ତି ମଦ୍ୟପ ଗାଡି ଚାଳକ । ଲକ୍ଷ୍ମୀ ସାଗରରୁ ସାର୍ବଧିକ ୭ ଜଣଙ୍କୁ ଗିରଫ୍ କରିବା ସହ ୭ଟି ଗାଡି ଜବତ କରିଛି । ସେହିଭଳି ଜଟଣୀ ରୁ ୫ଜଣକୁ ଗିରଫ କରାଯିବା ସହ ୫ଟି ଗାଡ଼ି ଜବତ କରିଛି ପୋଲିସ ।
ନିକଟରେ ହିଟ ଏଣ୍ଡ ରନ୍ ମାମଲା , ବାରମ୍ବାର ଦୁର୍ଘଟଣା ସାମ୍ନାକୁ ଆସିବା ପରେ କଡା କଡ଼ି ଚେକିଙ୍ଗ ବ୍ଲକି ଆରମ୍ଭ କରିଥିଲା ପୋଲିସ । ମଦ୍ୟପାନ କରି ଗାଡ଼ି ଚାଲାଣ ପାଇଁ ଦୁର୍ଘଟଣା ଅଧିକ ଘଟୁଛି । ଏନେଇ ପୋଲିସ ବାରମ୍ବାର ସଚେତନ କରିବା ପରେ ମଧ୍ୟ ଶୁଣୁନଥିଲେ ଅମାନିଆ ଡ୍ରାଇଭର । ତେଣୁ ହଠାତ୍ କମିଶନରେଟ୍ ଏଭଳି କାର୍ଯ୍ୟନୁଷ୍ଠାନ ଗ୍ରହଣ କରିଛି ।
Advertisement
