କୁକୁରକୁ ଗୋଇଠା ମାରି ହତ୍ୟା କରିଥିବା ବ୍ୟକ୍ତିଙ୍କୁ ଜୋରିମାନା ଦେବାକୁ ନିର୍ଦ୍ଦେଶ ଦେଲେ କୋର୍ଟ
ପଶୁମାନଙ୍କ ଉପରେ ନିର୍ଯାତନା ତଥା ମାମଲା ବଢୁଥିବା ବେଳେ ମୁମ୍ବାଇର ଏକ କୋର୍ଟ କଡା କର୍ଯ୍ୟନୁଷ୍ଠାନ ଗ୍ରହଣ କରି ୬୫ ବର୍ଷୀୟ ବ୍ୟକ୍ତି ୩0 ହଜାର ଜୋରିମାନା ଦେବାକୁ ନିର୍ଦ୍ଦେଶ ଦେଇଛି | ଜଜ୍ ରୁଚି ଭାଗବତଙ୍କ ଦ୍ୱାରା ପାସ୍ ହୋଇଥିବା ଏହି ପଦକ୍ଷେପ ପଶୁମାନଙ୍କର ସୁରକ୍ଷା ଉପରେ ଗୁରୁତ୍ୱାରୋପ କରିଛି ଏବଂ ଆଇନ ଉଲ୍ଲଂଘନ କରୁଥିବା ବ୍ୟକ୍ତିଙ୍କୁ କଠୋର ବାର୍ତ୍ତା ପ୍ରଦାନ କରିବ। କୈଳାଶ ସିଂ ନାମକ ଏହି ବ୍ୟକ୍ତି ଜଣକ ମୀରା ରୋଡରେ କୁକୁରକୁ ମାଡ ମାରିବା ଯୋଗୁଁ ମୃତ୍ୟୁ ଘଟିଥିବା ଅଭିଯୋଗ ହୋଇଥିଲା।
ଜଜ୍ ରୁଚି ଭଗତ କୈଳାସ ସିଂ ନାମକ ଜଣେ ବ୍ୟକ୍ତିଙ୍କୁ ଭାରତୀୟ ଦଣ୍ଡ ସଂହିତା (ଆଇପିସି)ର ଧାରା ୪୨୮ (ଗୋରୁ ମାରିବା କିମ୍ବା ଅକ୍ଷମ କରିବା କିମ୍ବା କୌଣସି ପଶୁଙ୍କ ଉପରେ ଆକ୍ରମଣ) ଏବଂ ପ୍ରିଭେନସନ୍ ଅଫ୍ କ୍ରୁଲେଟି ଟୁ ଆନିମଲ୍ସ ଆକ୍ଟ, ୧୯୬୦ (ପିସିଏ) ଅଧିନିୟମ ୧୧(୧) (କ) ଏବଂ ୧୧(୧) (୧) ଅନ୍ତର୍ଗତ ଶୁଣାଣି କରି ଦଣ୍ଡିତ କରିଛନ୍ତି।
ତାଙ୍କୁ ୩0 ହଜାର ଜୋରିମାନା ଦାବି କରିଛନ୍ତି | ଯଦି ଏହା ପୈଠ ନ କରିପାରନ୍ତି ତେବେ ଗୋଟେ ମାସ ସାଧାରଣ କାରାଦଣ୍ଡ ଭୋଗିବାକୁ ପଡିବ |
ରାୟରେ କୋର୍ଟ କହିଛନ୍ତି ଯେ “ଅଭିଯୁକ୍ତ କୁକୁରକୁ ପିଟିବା ଘଟଣାର ସତ୍ୟତର ଉପଯୁକ୍ତ ପ୍ରମାଣ ଉପସ୍ଥାପନ କରି ପାରିନାହାନ୍ତି। ତେଣୁ ଅଭିଯୋଗକାରୀଙ୍କ ପକ୍ଷରୁ ପ୍ରମାଣିତ ହୋଇଛି ଯେ ଅଭିଯୁକ୍ତ ଜଣକ ଜାଣିଶୁଣି କୁକୁରକୁ ଗୋଇଠା ମାରିଥିଲେ। ଏହା କୁକୁରର ମୃତ୍ୟୁର କାରଣ ହୋଇପାରିଥାଏ।