ବାପାଙ୍କ ଅନ୍ତେଷ୍ଟି କ୍ରିୟା ପାଇଁ କଡା ସୁରକ୍ଷାରେ ଜେଲରୁ ଘରକୁ ଆସିଲେ ଡି ବ୍ରଦର୍ସ
1 min read
ଡି ବ୍ରଦର୍ସ ତଥା ଧଳସାମନ୍ତ ୨ ଭାଈଙ୍କ ବାପାଙ୍କର ହୋଇଛି ପରଲୋକ | ଉଭୟ ଭାଈଙ୍କୁ କଡା ସୁରକ୍ଷାରେ ଏପ୍ରିଲ ୨୧ ତାରିଖ ତଥା ଗତକାଲି ସନ୍ଧ୍ୟାରେ ଜେଲ୍ରୁ କଟକ ତାଙ୍କ ଘରକୁ ନିଆଯାଇଥିଲା | ବଡ ଭାଇ ସୁଶାନ୍ତ ଏବଂ ସାନ ଭାଈ ସୁଶୀଲକୁ ସିଡିଏ ଘରକୁ ଆଣିଥିଲା ପୋଲିସ |
ତେବେ ସୂଚନାନୁସାରେ ଗତକାଲି ପୂର୍ବାହ୍ନରେ ତାଙ୍କ ବାପାଙ୍କ ପରଲୋକ ହୋଇଥିବାରୁ ସେ ଖବର ପାଇଥିଲେ | ଏବଂ ସନ୍ଧ୍ୟାରେ ୨ ଭାଈଙ୍କୁ କଟକରେ ଥିବା ସିଡିଏ ଘରକୁ ଅଣାଯାଇଥିଲା | ପରେ ଉଭୟ ଭାଈ ବାପାଙ୍କୁ କାନ୍ଧେଇ ସତୀଚଉରା ଶ୍ମଶାନ ନେଇଥିଲେ | ଏବଂ ସେଠାରେ ବଡ ଭାଈ ଦେଇଥିଲେ ମୁଖାଗ୍ନି | ପରେ ସବୁ କର୍ମ ସରିବା ପରେ ୨ ଭାଈଙ୍କୁ ଚୌଦ୍ୱାର ଜେଲ୍କୁ ପଠାଯାଇଥିଲା |
ଏପ୍ରିଲ ୨୨ ତଥା ଆଜି ସେ ବାପାଙ୍କ କାର୍ଯ୍ୟରେ ଯୋଗଦେବା ପରେ କୋର୍ଟରେ ହାଜର ହେବା କାର୍ଯ୍ୟକ୍ରମ ରହିଛି। ତେଣୁ କୋର୍ଟ କାର୍ଯ୍ୟ ସରିବା ପର୍ଯ୍ୟନ୍ତ ସେମାନେ ଝାରପଡା ଏବଂ ଚୌଦାର ଜେଲରେ ଅସ୍ଥାୟୀ ଭାବେ ରହିବେ ବୋଲି ସୂଚନା ମିଳିଛି । ପ୍ରକାଶ ଯେ, ଗତ ୨୦୧୮ ମସିହାରୁ ଡି ବ୍ରଦର୍ସ ତଥା ୨ ଭାଈ ସୁଶାନ୍ତ ଧଳସାମନ୍ତଙ୍କୁ ବଲାଙ୍ଗୀରି ଜେଲ ଏବଂ ସୁଶୀଲ ଧଳସାମନ୍ତ ବାଲେଶ୍ୱର ଅଛନ୍ତି |
