କାର ଭିତରେ ଖେଳୁ ଖେଳୁ ଲକ୍ ହୋଇଯାଇଥିଲା ଡୋର୍, ଚାଲିଗଲା ୪ ଶିଶୁଙ୍କ ଜୀବନ
1 min read
କାର୍ ଡୋର ଖୋଲା ରଖିବା କେତେ ବିପଦପୂର୍ଣ୍ଣ ହୋଇଥାଏ ତାହା ଦେଖିବାକୁ ମିଳିଛି ଗୁଜରାଟର ଏକ ଘଟଣାରୁ। କାର ଭିତରେ ଅଣନିଃଶ୍ଵାସୀ ହୋଇ ଚାଲିଯାଇଛି ୪ ଶିଶୁଙ୍କ ଜୀବନ। ସମସ୍ତ ଶିଶୁଙ୍କ ବୟସ ୨ରୁ ୭ ବର୍ଷ ମଧ୍ୟରେ। ଗୁଜରାଟର ଅମରେଲି ଅନ୍ତର୍ଗତ ରନ୍ଧିୟା ଗ୍ରାମରେ ଏହି ଅଭାବନୀୟ ଘଟଣା ଘଟିଛି।
ସୂଚନା ଅନୁଯାୟୀ, ଗୁଜରାଟର ଅମରେଲୀ ଜିଲା ରାନ୍ଧିୟା ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ଏକ କାର୍ ମଧ୍ୟରେ ୪ ଜଣ ଶିଶୁଙ୍କର ଶ୍ୱାସରୁଦ୍ଧ ହୋଇ ମୃତ୍ୟୁଘଟିଛି। ରବିବାର ସକାଳେ ପିଲମାନଙ୍କର ପରିବାର ଲୋକେ ସେମାନଙ୍କୁ ଘରେ ଛାଡ଼ି ଗାଁର ଏକ ଫାର୍ମ ହାଉସକୁ କାମ କରିବାକୁ ଯାଇଥିଲେ। ଘରେ ୭ ପିଲା ରହିଥିଲେ। ସେମାନଙ୍କ ମଧ୍ୟରୁ ୪ ଜଣ ଖେଳୁ ଖେଳୁ ନିଜ ଘର ପାଖରେ ରଖାଯାଇଥିବା ଫାର୍ମ ହାଉସ ମାଲିକଙ୍କ କାର ଭିତରେ ପଶିଯାଇଥିଲେ। କାର୍ ମଧ୍ୟରେ ଶିଶୁମାନେ ଖେଳୁଥିବା ଜାଣି ନ ପାରି ଏହାର ମାଲିକ କାର୍କୁ ଲକ୍ କରିଦେଇଥିଲେ। ପରିବାର ଲୋକେ ଏବଂ ଫାର୍ମ ହାଉସ ମାଲିକ କାମ ସାରି ସନ୍ଧ୍ୟାରେ ଫେରିବା ପରେ କାର ଭିତରୁ ୪ ପିଲାଙ୍କ ମୃତଦେହ ମିଳିଥିଲା। ଏହି ଘଟଣା ଜଣାପଡିଥିଲା ଦୀର୍ଘ ସମୟ ଧରି କାର୍ ମଧ୍ୟରେ ବନ୍ଦ ରହିବାରୁ ଶ୍ୱାସରୁଦ୍ଧ ଘଟି ସମସ୍ତ ୪ ଶିଶୁଙ୍କର ମୃତ୍ୟୁ ଘଟିଥିବା ପୋଲିସ ସୂଚନା ଦେଇଛି।
