ଶୌଚ ପାଇଁ ନଦୀକୁ ଯାଇଥିଲେ ନାବାଳିକା, ବୁଦାମୂଳରୁ ମିଳିଲା ମୃତଦେହ ….

ବଲାଙ୍ଗୀର ; କଲେଜ ଛାତ୍ରୀ ଙ୍କ ଦୁଷ୍କର୍ମ ପରେ ହତ୍ୟା ଅଭିଯୋଗ ଆଣିଲେ ପରିବାର ଲୋକେ । ସନ୍ଦେହ ଜନକ ଅବସ୍ଥାରେ ବୁଦାମୂଳରୁ ଯୁବତୀଙ୍କ ମୃତଦେହ ଉଦ୍ଧାର । ଘଟଣା ଘଟିଛି ବଲାଙ୍ଗୀର ଜିଲ୍ଲା ସଇଁତଳା ଥାନା ତୁଷ୍ଟାପାଲି ଗାଁ ରେ । ଗାଁର ମହେଦେବ ଛତ୍ରିଆଙ୍କ ଝିଅ ନଳିନୀ ଛତ୍ରିଆ ମଙ୍ଗଳବାର ସନ୍ଧ୍ୟାରେ ନଦୀକୁ ଶୌଚ ପାଇଁ ଯାଇଥିଲେ।

କିଛି ସମୟ ପରେ ଅନ୍ୟ ଯୁବତୀ ମାନେ ନଳିନୀକୁ ଗୁରୁତର ଅବସ୍ଥାରେ ଏକ ବୁଦାମୂଳରେ ପଡ଼ିଥିବା ଦେଖିବାକୁ ପାଇଥିଲେ। ସଙ୍ଗେସଙ୍ଗେ ପରିବାର ଲୋକେ ସଇଁତଳା ମେଡିକାଲକୁ ନେଇଥିଲେ। ସେଠାରେ ତାଙ୍କର ସ୍ୱାସ୍ଥ୍ୟବସ୍ଥା ଅଧିକ ଗୁରୁତର ହେବାରୁ ଡାକ୍ତରଙ୍କ ପରାମର୍ଶରେ ବଲାଙ୍ଗୀର ଭୀମଭୋଇ ମେଡିକାଲ କଲେଜ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

Advertisement

ହସ୍ପିଟାଲ ଫାଣ୍ଡି ପୋଲିସ ଶବକୁ ଜବତ କରି ପୋଷ୍ଟମୋର୍ଟମ ପାଇଁ ପଠାଇଥିବା ସୂଚନା ମିଳିଛି । ଅନ୍ୟପଟେ ତୁରନ୍ତ ଝିଅର ହତ୍ୟାକାରୀକୁ ଗିରଫ୍ କରିବାକୁ ଥାନାର ଦ୍ୱାରସ୍ତ ହୋଇଛନ୍ତି ପରିବାର ଲୋକେ ।