ଭୋଟ୍ ଶେଷ ହେବା ପରେ ସରକାରଙ୍କ ବଡ ନିଷ୍ପତ୍ତି, ବୃଦ୍ଧି ପାଇବ ଟୋଲ ଟ୍ୟାକ୍ସ
1 min read
ନିର୍ବାଚନ ଭୋଟିଂ ଶେଷ ହେଉ ହେବ କ୍ଷଣି ଭୋଟରଙ୍କୁ ଲାଗିଛି ଝଟକା | NHAI (ନ୍ୟାସନାଲ ହାଇୱେ ଅଥରିଟି ଅଫ୍ ଇଣ୍ଡିଆ) ଏପ୍ରିଲ 1 ରୁ ଜାତୀୟ ରାଜପଥ ଟୋଲ ପ୍ଲାଜାରେ ଟୋଲ ଟ୍ୟାକ୍ସ ହାର ବୃଦ୍ଧି କରିବାକୁ ନିଷ୍ପତ୍ତି ନେଇଛି। ଲୋକସଭା ନିର୍ବାଚନକୁ ଦୃଷ୍ଟିରେ ରଖି ଏହା କାର୍ଯ୍ୟକାରୀ ହେବା ପୂର୍ବରୁ ମଧ୍ୟ ଏହାକୁ ସ୍ଥଗିତ ରଖାଯାଇଥିଲା। ଶନିବାର ଦିନ ମତଦାନ ପ୍ରକ୍ରିୟା ଶେଷ ହୋଇଛି। ଏବେ ରବିବାର ମଧ୍ୟରାତ୍ରିରୁ ଟୋଲ ଟ୍ୟାକ୍ସ ହାର ବୃଦ୍ଧି କରିବାକୁ ନିଷ୍ପତ୍ତି ହୋଇଛି।
ତେବେ କେତେ ଟୋଲ୍ ବୃଦ୍ଧି ହେବ ସେ ସମ୍ବନ୍ଧରେ ସୂଚନା ଜୁନ୍ ୨ ତାରିଖ ସକାଳେ ଆସିବ | ଭୋଟ୍ ଶେଷ ହେବା ମାତ୍ରେ ଏବଂ ଏକଜିଟ୍ ପୋଲ୍ ତଥ୍ୟ ଆସିବା ପରେ ଭୋଟରଙ୍କୁ ସରକାରଙ୍କ ପକ୍ଷରୁ ଏକ ବଡ଼ ଝଟ୍କା ମିଳିଛି। ରବିବାର ରାତି ୧୨ଟା ଠାରୁ ଦେଶରେ ଯାତ୍ରା ମହଙ୍ଗା ହେବ, ଅର୍ଥାତ୍ ଆସନ୍ତାକାଲି, ଜୁନ୍ ୩ ତାରିଖରୁ ଲୋକଙ୍କୁ ଅଧିକ ଟୋଲ୍ ଟ୍ୟାକ୍ସ ଦେବାକୁ ପଡିବ।
ତେବେ ସୂଚନା ମିଳୁଛି ଯେ, ଦେଶରେ ଟୋଲ୍ ହାର ଅତି କମରେ ୫ ଏବଂ ସର୍ବାଧିକ ୨୫ ପ୍ରତିଶତ ବୃଦ୍ଧି ପାଇଛି। ଫଳରେ ହାଲୁକା ଯାନ ଉପରେ ଅତିରିକ୍ତ ୫ ଟଙ୍କା ଏବଂ ବ୍ୟବସାୟିକ ଯାନ ଉପରେ ୫ ରୁ ୨୦ ଟଙ୍କା ଅତିରିକ୍ତ ଟୋଲ୍ ରହିବ।
NHAI ଅଧିକାରୀ କହିଛନ୍ତି ଯେ କାର ଉପରେ କୌଣସି ଟୋଲ ବୃଦ୍ଧି କରାଯାଇ ନାହିଁ। କାର୍ ଡ୍ରାଇଭରମାନେ ସମାନ ଟୋଲ୍ ଟ୍ୟାକ୍ସ ଦେବେ ଯାହା ସେମାନେ ପୂର୍ବରୁ ଦେଉଛନ୍ତି |
NHAI ପ୍ରକଳ୍ପ ନିର୍ଦ୍ଦେଶକ ବିପି ପାଠକ କହିଛନ୍ତି ଯେ ଜୁନ୍ ୨ ର ମଧ୍ୟରାତ୍ରିରୁ ଟୋଲ୍ ପ୍ଲାଜାରେ ବ୍ୟବସାୟିକ ଯାନରୁ ବର୍ଦ୍ଧିତ ଟୋଲ୍ ସଂଗ୍ରହ କରାଯିବ | ମାର୍ଚ୍ଚ ୩୧ ରେ ପୂର୍ବରୁ ଲାଗୁ ହୋଇଥିବା ହାରଗୁଡିକ ପ୍ରଯୁଜ୍ୟ ରହିବ |
