ଗୋମାଂସ ଚାଲାଣ ବେଳେ ଗ୍ରାମବାସୀଙ୍କ ଚଢାଉ , ୪ ଜଣଙ୍କୁ ଅଟକ ରଖିଛି ପୋଲିସ ..

ରାଜ୍ୟରେ ଦିନକୁ ଦିନ ବଢି ଚାଲିଛି ଗୋ ତସ୍କରୀ । ଗ୍ରାମାଞ୍ଚଳରୁ ଚାଷୀଙ୍କ ଠାରୁ କମ ଦାମରେ ଗାଈ ବାଛୁରୀ କିଣି ରାଜ୍ୟ ବାହାରକୁ ଚାଲାଣ କରୁଛନ୍ତି । ସେହିଭଳି ବେଆଇନ ଭାବେ ରାଜ୍ୟର ବିଭିନ୍ନ ସ୍ଥାନରେ ଗୃହପାଳିତ ପଶୁକୁ ମାରି ତାର ମାଂସକୁ ରାଜ୍ୟ ବାହାରକୁ ଚାଲାଣ କରୁଛନ୍ତି ମାଫିଆ । ବିଶେଷ ଭାବେ ଖୋର୍ଦ୍ଧା ରେ ବଢିବାରେ ଲାଗିଛି ଗୋମାଂସ ବେପାର ।

ଏହାରି ଭିତରେ ଆଜି ଗୋଟିଏ ଗୋମାଂସ ବୋଝେଇ ଅଟୋ ସହ ୪ ଜଣ ଅଟକ ରଖିଛି ପୋଲିସ । ସୂଚନାନୁଯାୟୀ ଜଟଣୀ ଥାନା କନ୍ତିଆ ଠାରେ ଆଜି ଭୋର ରୁ ୪ ଜଣ ଗୋମାଂସ ବେପାରୀ ଏକ ଅଟୋ ପାସେଞ୍ଜର ଯୋଗେ ବସ୍ତାରେ ଗୋରୁ ମାଂସ ନେଇ ଯାଉଥିବା ବେଳେ ସ୍ଥାନୀୟ ଯୁବକ ମାନେ ଗାଡିକୁ ଅଟକାଇଥିଲେ । ଅଟକ ଥିବା ବେପାରୀ ମାନଙ୍କ କହିବା ଅନୁସାରେ ରଥିପୁର ରୁ ସୁନ୍ଦରପଦା କୁ ଏହି ମାଂସ ନେଇ ଯାଉଥିଲେ ।ତେବେ ସ୍ଥାନୀୟ ଲୋକେ ଅଟୋ କୁ ଭଙ୍ଗାରୁଜା କରିବା ସହ ଗୋରୁ ମାଂସ ବେପାରୀ ମାନଙ୍କୁ ନିର୍ଧୁମ ମାଡ଼ ମାରିଥିଲେ ।ପରେ ପୋଲିସ ଘଟଣା ସ୍ଥଳରେ ପହଞ୍ଚି ଅଟୋ ସହ ୪ଅଭିଯୁକ୍ତ ଙ୍କୁ ଥାନାକୁ ଅଟକ ରଖିଛି ।

Advertisement