୧୦ ଡକାୟତ ଗ୍ୟାଙ୍ଗକୁ ଗିରଫ କଲା ପୋଲିସ

1 min read

9 months ago Niyati Das

ପୋଲସ ପଞ୍ଝାରେ ଡକାୟତ ଗ୍ୟାଙ୍ଗ | ଗତ ରାତିରେ ଚମ୍ପୁଆ ପାଞ୍ଚ ପୋଖରୀଆ ନିକଟ ଜଙ୍ଗଲରେ ଡକାୟତି ଯୋଜନାବେଳେ, ମାଡ଼ି ବସିଲା ପୋଲିସ୍ । ଚମ୍ପୁଆ ପୋଲିସ ହାତରେ ଡକାୟତ ଗ୍ୟାଙ୍ଗର ୧୦ ସଦସ୍ୟ। ପୋଲିସ ସୂଚନା ମୁତାବକ, ଡକାୟତ ମାନଙ୍କଠାରୁ ଗୋଟିଏ ବୋଲେରୋ ଦୁଇଟି ବନ୍ଧୁକ, ୨ ଟି ଅଫୁଟା ଗୁଳି, ୨ ଟି କଟୁରୀ, ୱିକେଟ, ଲଙ୍କାଗୁଣ୍ଡ ପ୍ୟାକେଟ ଓ ବିୟର ବୋତଲ ଆଦି ଜବତ୍ ହୋଇଛି । ପୋଲିସ କହିବାନୁସାରେ, ଡକାୟତମାନେ ଚମ୍ପୁଆ ଓ ଝୁମ୍ପରା ଅଞ୍ଚଳରେ ଥିବା ଏଟିଏମରୁ ଲୁଟ ପାଇଁ ଯୋଜନା କରୁଥିଲେ ।

ପୋଲିସ ସୂଚନା ମୁତାବକ, ଏହି ଡକାୟତମାନଙ୍କ ନାଁ ରେ ଅନେକ ଅପରାଧିକ ମାମଲା ରହିଥିବା ଚମ୍ପୁଆ ଏସଡିପିଓ ବିଜୟ ମଲ୍ଲିକ ଆଜି ଏକ ପ୍ରେସ ମିଟରେ ସୂଚନା ଦେଇଛନ୍ତି।ଡକାୟତ ଗ୍ୟାଙ୍ଗର ସମସ୍ତ ସଦସ୍ୟ ଚମ୍ପୁଆ ଓ ଆଖପାଖ ଅଞ୍ଚଳରେ ହୋଇଥିବା ଜଣାପଡିଛି | ଏହି ଡକାୟତ ଗ୍ୟାଙ୍ଗ ଭିତରେ ୨ଜଣ ନାବାଳକ ଅଭିଯୁକ୍ତ ରହିଛନ୍ତି । ଏହି ଗ୍ୟାଙ୍ଗର ମୁଖ୍ୟ ଅଭିଯୁକ୍ତ ସିପୁନ ବାରିକ ବୋଲି ପୋଲିସ ଅଧିକାରୀ କହିଛନ୍ତି |