ପିସିଆର ଅଟକାଇ ରାସ୍ତା ସଫାକଲେ ପୋଲିସ ବାବୁ ।

କଟକ : ରାସ୍ତା ସଫାକଲେ ପୋଲିସ ବାବୁ ମାନେ । ରାସ୍ତାରେ ଗୋଡି ପଡି ରହିଥିବାରୁ ଦୁର୍ଘଟଣା ହେବାର ଆଶଙ୍କା ଥିବା ଚିନ୍ତା କରି ହାତରେ କୋଦାଳ ଓ ଝାଡୁ ନେଇ ରାସ୍ତାକୁ ସଫା କଲେ କଟକ କନ୍ଦରପୁର ଥାନାର ପୋଲିସ ବାବୁ ମାନେ । କନ୍ଦରପୁର ଥାନା ର ପିସିଆର ଷ୍ଟାଫ ପେଟ୍ରୋଲିଂ ରେ ଥିବାବେଳେ ଦେଖିଥିଲେ କଟକ ପାରାଦ୍ୱୀପ ର ବିରିବାଟି ନିକଟ ରାସ୍ତାରେ ଗୋଡି ପଡି ରହିଛି ।

ରାସ୍ତାରେ ଗୋଡି ଯୋଗୁଁ ଦୁର୍ଘଟଣାର ଆଶଙ୍କା କରିଥିଲେ ପିସିଆର ରେ ଉପସ୍ଥିତ ଥିବା କନ୍ଦରପୁର ଥାନାର ଆଇ ଆଇ ସି ରାଧାକାନ୍ତ ସାହୁ । ଏହାପରେ ପିସିଆର ଉପସ୍ଥିତ ଥିବା ଅନ୍ୟ ସଦସ୍ୟ କନେଷ୍ଟବଳ ଉମାକାନ୍ତ ସେଠି, ହୋମଗାର୍ଡ ଶେଷଦେଭ ଭୋଇ, ହୋମଗାର୍ଡ ସୂର୍ଯ୍ୟ ମଲ୍ଲିକ, ହୋମଗାର୍ଡ ସପନି ମଲ୍ଲିକ ଙ୍କୁ କହି ରାସ୍ତାରୁ ଗୋଡି କୁ ସଫା କରିଥିଲେ । ପୋଲିସ ବାବୁ ମାନଙ୍କର ଏଭଳି କାର୍ଯ୍ୟକୁ ଦେଖି ସବୁ ମହଲରେ ପ୍ରଶଂସା କରାଯାଉଛି ।

Advertisement