ବେକରୁ ମୋଟା ସୁନା ଚେନ ଛିଡାଇପାରିଲେନି ଲୁଟେରା , ହେଲେ ଆଖିବୁଜିଦେଲେ ମହିଳା ।

ସୁନା ଚେନ ଲୁଟେରାଙ୍କ ପାଇଁ ଚାଲିଗଲା ମହିଳାଙ୍କ ଜୀବନ। ଗତ ସୋମବାର ଭୁବନେଶ୍ୱରରୁ ହରିରାଜପୁର ସୋମନାଥ ମନ୍ଦିର ଦର୍ଶନ ପାଇଁ ଯାଉଥିଲେ ଦମ୍ପତ୍ତି। ହଠାତ କଳା ପଲସର ବାଇକରେ ଦୁଇ ଜଣ ଦୁର୍ବୁତ୍ତ ଆସି ମହିଳାଙ୍କ ବେକରୁ ସୁନା ଚେନ ଝାମ୍ପି ନେବା ପାଇଁ ଉଦ୍ୟମ କରିଥିଲେ। ହେଲେ ସୁନା ଚେନଟି ମୋଟା ହୋଇଥିବା କାରଣରୁ ଛିଡାଇ ପାରିନଥିଲେ ଲୁଟେରା ।

ସ୍ବାମୀ ବାଇକ ଚଲାଉଥିବାବେଳେ ସ୍ତ୍ରୀ ୟୁ ବିଷ୍ଣୁ ପାତ୍ର ବାଇକ୍ ପଛରେ ବସିଥିଲେ। ପ୍ରଥମ ଥର ଚେନ ଛିଡାଇବାରେ ଫେଲ ମାରିବାରୁ ଲୁଟେରା ମାନେ ପୁନର୍ବାର ଲୁଟ ପାଇଁ ଗୋଡ଼ାଇ ଆକ୍ରମଣ କରିଥିଲେ। କିନ୍ତୁ ମଝୀ ରାସ୍ତାରେ ସିନା ମହିଳା ଲୁଟରୁ ବଞ୍ଚିଯାଇଥିଲେ । କିନ୍ତୁ ସେ ନିଜକୁ ସମ୍ଭାଳିପାରିନଥିଲେ ।

Advertisement

ଭାରସାମ୍ୟ ହରାଇ ଗାଡିରୁ ଖସିପଡିବା ଯୋଗୁଁ ମୁଣ୍ଡରେ ଆଘାତ ପାଇଥିଲେ ସ୍ତ୍ରୀ ବିଷ୍ଣୁ। ୩ଦିନ ଧରି ହସ୍ପିଟାଲରେ ଜୀବନ ମରଣ ସହିତ ସଂଗ୍ରାମ ପରେ ଆଜି ତାଙ୍କର ମୃତ୍ୟୁ ହୋଇଛି।